Sinagoga

Dari Wikipedia baso Minang, ensiklopedia bebas
Jump to navigation Jump to search
Sinagoga Alte di Essen, Jerman.
Umaik Yahudi sadang baribadah di dalam kanisahnyo.

Sinagoga atau Kanisah (bahaso Inggirih: Synagogue) adolah namo tampek ibadah urang Yahudi.[1] Di dalam bahaso asalinyo (bahaso Yunani: συναγωγή, synagogē atau sunagogē, bararti "pakumpulan") tadiri dari kato Yunani συν (syn, = basamo), jo αγωγή (agogé, = baraja atau pandidikan), sinagoga mamiliki arati baraja basamo atau bakumpua basamo.[1] Kato tasabuik marupokan tajamahan dari kato Ibrani, eda, nan bararti jamaah, sainggo pangaratian sinagoga nan sabananyo bukanlah suatu tampek atau gaduang tatantu malainkan pasakutuan.[2] Sinagoga, basamo gerakan yudaisme rabinik, mamiliki peran pantiang dalam mambantuak pola kaagamoan Yahudi inggo kini, khususnyo sasudah Bait Suci nan manjadi pusek ibadat umaik Yahudi ancua pado tahun 70 M.[3] Salain itu, sinagoga juga diduga mambaok pangaruah gadang tahadok pola ibadah umaik Kristen jo Islam malalui panggunoan gereja atau musajik.[3][4]

Fungsi Sinagoga[suntiang | suntiang sumber]

Pandidikan[suntiang | suntiang sumber]

Ado ahli nan bapandapaik baso pandidikan agamo sarupo mambaco jo manafsiran Taurat merupokan fungsi utamo dari sinagoga.[5] Dikatahui baso di sinagoga, Taurat indah anyo dibicarokan jo dibahas pado wakatu kabaktian sajo, tapi juo di dalam kurikulum pandidikan sahari-hari[5] Salain itu, palajaran hal-hal umum pun diagiah juo di sinagoga.[6]

Sinagoga manjadi tampek bagi calon-calon anggota baru agamo Yahudi nan dari lua Yahudi.[7] Di dalam kita-kitab Pajanjian Baru urang sarupo ko disabuik jo istilah "urang-urang nan takuik ka Yahweh".[7] Namun hal iko bagantuang situasi jo aturan sinagoga surang-surang.[7]

Ibadat[suntiang | suntiang sumber]

Ado pulo ahli-ahli lain nan manyabuik baso fungsi utamo sinagoga adolah dalam hal ibadah.[6] Ibadah-ibadah dilansuangkan di situ pado hari Sabat (Satu) jo hari-hari rayo lainnyo.[6] Inti dari ibadah yaitu pambacoan Taurat, sainggo sadoalah desain jo suasana ruangannyo diarahkan kapado pambacoan tasabuik.[6] Salain itu, sinagoga juo bafungsi sabagai tampek doa pado jam-jam doa Yahudi, nan bakiblat ka arah Yerusalem.[5]

Patamuan[suntiang | suntiang sumber]

Salain fungsi pandidikan jo paribadahan, sinagoga juo bafungsi sabagai tampek patamuan masyarakaik untuak mambicarokan masalah-masalah sosial, politik, sarato agamo.[5] Dek karano itu, sinagoge pun dapek manjadi tampek pangadilan.[5]

Rujuakan[suntiang | suntiang sumber]

  1. a b (Inggirih)Bart D. Ehrman. 2004. The New Testament: A Historical Introduction to the Early Christian Writings. New York, Oxford: Oxford University Press. P. 41.
  2. S. Wismoady Wahono.1986. Di Sini Kutemukan. Jakarta: BPK Gunung Mulia.
  3. a b (Inggirih)Hans Küng. 1995. Judaism. London: SCM Press.
  4. (Indonesia)H. H. Rowley. Ibadat di Israel Kuno. 1981. Jakarta: BPK Gunung Mulia. Hal. 164-187.
  5. a b c d e (Indonesia)H. H. Rowley. Ibadat di Israel Kuno. 1981. Jakarta: BPK Gunung Mulia. Hal. 164-187.
  6. a b c d S. Wismoady Wahono.1986. Di Sini Kutemukan. Jakarta: BPK Gunung Mulia.
  7. a b c (Indonesia)Lawrence E. Toombs. 1978. Di Ambang Fajar Kekristenan. Jakarta: BPK Gunung Mulia. Hal. 54.