Sianok Anam Suku, Ampek Koto, Agam

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Sianok Anam Suku
Nagari
Nagara  Indonesia
Provinsi Sumatera Barat
Kabupaten Agam
Kecamatan Ampek Koto
Laweh + 501 ha[1]
Panduduak 2,581 urang (2010)
Wali Nagari Nasweril Marajo Batuah[2][3]

Sianok Anam Suku, ditulih juo Sianok VI Suku, marupoan salah satu nagari nan ado di kecamatan Ampek Koto, Kabupaten Agam, Sumatera Barat, Indonesia. Nagari ko di sabalah timur jo utara dipisahan dek Ngarai Sianok jo Kota Bukittinggi, di selatan babateh jo nagari Koto Gadang, dan di barat jo nagari Koto Panjang sato nagari Matua Hilia.[4]

Nagari Sianok Anam Suku ko talatak di katinggian 926 m dari muko lauik, jo wilayah nagari barupo dataran, babukik jo lambah.[1] Mato pancarian panduduaknyo nan utamo adolah badagang jo batani.[1]

Sijarah[suntiang | suntiang sumber]

Tambo mangabaan bahaso bapindahnyo panduduak nagari Pariangan Padangpanjang ka luhak Agam balansuang dalam ampek rombongan. Salah satu dari rombongan nan baeko mambantuak pasakutuan nagari Ampek Koto, iyolah nagari-nagari Guguak, Tabek Sarojo, Sianok, jo Koto Gadang, maambiak jalan manguliliangi Gunuang Marapi, taruih ka Lasi, Balai Gurah dan Pasia Ampek Angkek, sampai Kurai Banuhampu lalu mamasuaki Bukittinggi, nan akianyo ado nan mambuek pakampuangan di Sianok.[5] Nagari Sianok ko dipakiroan lah ado labiah kurang sajak abaik ka-16.[5]

Suku[suntiang | suntiang sumber]

Nagari Sianok Anam Suku didirian dek panduduak asali nan asanyo dari anam suku, iyolah suku Tanjung, Singkuan, Jambak, Caniago, Sikumbang, jo Guci.[4] Gala datuak panghulu sasuai sukunyo sabagai barikuik:[6]

Suku Caniago Suku Guci Suku Jambak Suku Singkuan Suku Sikumbang Suku Tanjung
Datuak Bandaro Datuak Rajo Api Datuak Mangkuto Basa Datuak Marajo Maharajo Didepang Datuak Mangkudun Datuak Bungsu
Datuak Panghulu Basa Datuak Bandaro Putih Datuak Kabasaran Datuak Marajo Dirajo Nan Tuo Datuak Palindih Datuak Marajo Alif
Datuak Panghulu Basa Nan Tinggi Datuak Bandaro Sati Datuak Kabasaran Nan Kuniang Datuak Parpatih Datuak Rajo Panghulu Datuak Sinaro
Datuak Panghulu Basa Nan Tuo Datuak Sinaro Sati Datuak Kabasaran Bareno Datuak Indokayo Datuak Rajo Panghulu Nan Tinggi Datuak Rajo Endah
Datuak Panghulu Basa Nan Kuning Datuak Panduko Rajo Datuak Bagindo
Datuak Bandaro Mudo

Jorong[suntiang | suntiang sumber]

Nagari iko tabagi dek tigo jorong, yaitu:[7]

  • Jorong Sianok
  • Jorong Jambak
  • Jorong Lambah

Rujuakan[suntiang | suntiang sumber]

  1. a b c Geografis. Website Resmi Kecamatan IV Koto. © 2003 Pemerintah Kabupaten Agam. Diakses pado 2 Oktober 2013.
  2. Halal Bihalal di Nagari Sianok VI, Sianok.com, © 2010-2013. Diakses pado 2 Oktober 2013.
  3. Netti (2 Desember 2011), Hujan Deras, Jalan Alternatif Sianok-Bukittinggi Longsor, SumbarOnline.com, © 2010-2013. Diakses pado 2 Oktober 2013
  4. a b Sejarah Nagari Sianok VI Suku Dan Susunan Adat, Sianok.com, © 2010-2013. Diakses pado 2 Oktober 2013.
  5. a b Sejarah Nagari. Website Resmi Kecamatan IV Koto. © 2003 Pemerintah Kabupaten Agam. Diakses pado 2 Oktober 2013.
  6. Nama Suku Dan Datuk, Sianok.com, © 2010-2013. Diakses pado 2 Oktober 2013.
  7. Geografis Nagari Sianok Anam Suku. Website Resmi Pemerintah Kabupaten Agam. © 2003-2012 Pemerintah Kabupaten Agam. Diakses pado 2 Oktober 2013.

Pautan lua[suntiang | suntiang sumber]

Bendera Indonesia Katarangan jumlah panduduak daerah tingkek ampek di Indonesia ko diambiak dari hasil sensus populasi nasional Indonesia pado tahun 2010 dek BPS.