Sherina Munaf

Wikipedia Minangkabau - Lubuak aka tapian ilimu
Sherina Munaf
Sherina pado taun 2023
Lahia
Sinna Sherina Munaf

11 Juni 1990 (umua 33)
Banduang, Jawa Barat
KabangsaanIndonesia
Alma mater
Karojo
Taun aktif1999–kini
PasanganBaskara Mahendra (m. 2020–kini) «Parameter salah (harus 1 — 12) 3 November 2020 (3 November 2020-start:) »"Marriage: Baskara Mahendra to Sherina Munaf" Location: (linkback://min.wikipedia.org/wiki/Sherina_Munaf)
Urang tuoTriawan Munaf (apak)
DusanakFariz RM (mamak)
Musical career
Genre musik
Instrumen
Label rekaman
Artis Takaik

Sinna Sherina Munaf (lahia di Banduang, Jawa Barat, 11 Juni 1990; umua 33 taun) adolah saurang panyanyi, panulih lagu, komposer, jo pemeran Indonesia katurunan Minangkabau. Inyo adolah anak padusi dari musikus jo politikus Indonesia, Triawan Munaf, sakaligus kamanakan dari panyanyi Fariz Rustam Munaf.

Biografi[suntiang | suntiang sumber]

Sinna Sherina Munaf lahia pada tanggal 11 Juni 1990,[1] anak kaduo dari pasangan Triawan Munaf nan badarah Minangkabau jo Luki Ariani nan badarah Sunda. Katiko ketek, inyo alah manyukoi malukih jo manyanyi. Urang tuonyo mamasuakannyo ka sakolah manyanyi punyo Elfa Secioria. Pado taun 1997, inyo manjuarai lomba karaoke di Jakarta, diikuiki dek kamanangannyo nan kaduo pado taun 1998.[2][3]

Pado taun 1999, katiko baumua sambilan taun, Sherina maluncuan album partamonyo bajudul Andai Aku Besar Nanti di bawah label Ceepee Productions punyo Tantowi Yahya. Album iko maraih sertifikat Platinum, tajua labiah dari 250.000 kapiang jo mamanangkan duo Anugerah Musik Indonesia kategori Lagu Anak Terbaik jo Album Anak Terbaik. Pado taun 2000, apak Sherina, Triawan Munaf, bakolaborasi jo Mira Lesmana untuak mamproduksi film Petualangan Sherina nan disutradarai dek Riri Riza.[4] Film iko dirilis sacaro lueh di bioskop di Indonesia. Lagu-lagu dalam film Petualangan Sherina juo laris di pasa. Manuruik parusahaan rekaman Ceepee Productions, album tu maraih Platinum pado akhir Agustus, jo panjualan labiah dari 200.000 kapiang, nan pandapatannyo kiro-kiro $387.000.[5]

Album Petualangan Sherina mamanangkan Anugerah Musik Indonesia untuak kategori Lagu Anak Terbaik jo Album Anak Terbaik sarato Penyanyi Anak Terbaik. Sherina juo mandapekan pangharagoan Artis Cilik Terfavorit dari majalah Bobo salamo duo kali baturuik-turuik taun 1999 jo 2000. Pado taun 2000, Festival Film Asia Pasifik manganugerahinyo pangharagoan khusus sabagai Aktris Cilik Berbakat. Meski babakat di layar lebar, Sherina labiah suko dikana sabagai 'penyanyi'.[6]

Sabuah artikel di majalah Asiaweek manggambarkannyo sabagai Asian News Maker of the year 2000.[7] Inyo turuik diwawancarai dek BBC London, nan manariak paratian grup vokal Westlife, nan kamudian baduet jo inyo dalam lagu "I Have a Dream" untuak pasa Asia. Gumilang Ramadhan (manajer umum Sony BMG Indonesia) mangatoan, "sabagian kauntuangan panjualan album akan diagiahan kapado anak-anak Indonesia malalui yayasan amal internasional".[8]

Pado taun 2001, Sherina diwawancarai dek jaringan TV Hong Kong Star TV pado program "Focus Asia", jo inyo dinobatan sabagai Princess of Pop dek Adrian Brown.[9] Inyo muncul dalam babagai iklan TV jo dikirim dek WWF (World Wide Fund for Nature) ka Japang untuak kampanye kasadaran orangutan.[10][11] Sherina dinominasian sabagai Aktris Anak-Anak Paling Disukai badasarkan Survei Pasar Anak Nasional dek Konsultan Pemasaran dan Riset Frontier. Pado taun nan samo, inyo marekam kover "I Have A Dream" jo boyband Irlandia Westlife untuak mangumpuan dana bagi UNICEF jo manarimo pangharagoan khusus kategori "Artis Anak Paling Berbakat" di Festival Film Asia Pasifik 2001 di Hanoi ateh kamampuan aktingnyo. Di panghujuang taun 2001, Sherina dinobatan sabagai Bintang Anak Paling Bersinar dek RCTI.[12]

Pado taun 2002, Sherina marilis album katigonyo nan bajudul "Hidupku". Album iko manunjuakan Sherina nan baraliah dari maso anak-anak ka maso remaja. Singel utamo dalam album iko adolah "Hidupku", "Klik Jam", jo "Aku Beranjak Dewasa". Inyo juo manyanyian lagu nan ditulihnyo surang bajudul "Kisah Sang Lebah", sadangkan album katigonyo, Primadona, dirilis pado bulan Maret 2007.[13]

Diskografi[suntiang | suntiang sumber]

  • Andai Aku Besar Nanti (1999)
  • Petualangan Sherina (2000)
  • My Life (2002)
  • Primadona (2007)
  • Gemini (2009)
  • Tuna (2013)

Filmografi[suntiang | suntiang sumber]

Taun Judul Peran Sutradara Notes
2000 Petualangan Sherina Sherina Riri Riza Peran utamo
2018 Wiro Sableng: Pendekar Kapak Maut Naga Geni 212 Anggini Angga Dwimas Sasongko
2020 Earwig and the Witch Earwig's Mother (voice) Gorō Miyazaki Alih suaro Japang
2023 Petualangan Sherina 2 Sherina Riri Riza Peran utamo

Rujuakan[suntiang | suntiang sumber]

  1. ↑ "Biogafi Sherina Munaf – Singer and Multitalented Artist". Biografi Tokoh. February 2013. Diarsipkan dari versi asli tanggal October 29, 2013. Diakses tanggal 9 Januari 2024. 
  2. ↑ "Sherina on High End Teen". Blogger. May 29, 2008. Diakses tanggal 9 Januari 2024. 
  3. ↑ "Renowned musician Elfa Secioria dies at 51". Jakarta Post. January 8, 2011. Diarsipkan dari versi asli tanggal February 10, 2011. Diakses tanggal 9 Januari 2024. 
  4. ↑ "Stay on the right track". The Jakarta Post. June 20, 2010. Diakses tanggal 9 Januari 2024. 
  5. ↑ "A redefining year for Indonesian cinema". Jakarta Post. December 22, 2008. Diakses tanggal 10 January 2024. 
  6. ↑ "Sherina, The Phenomenon Child Actress Indonesia". Furansizuka. October 25, 2004. Diakses tanggal 9 Januari 2024. 
  7. ↑ "Best Indonesian Movies in 1990s and 2000s". Furansizuka. October 27, 2004. Diakses tanggal 9 Januari 2024. 
  8. ↑ "Latest Westlife News". Diarsipkan dari versi asli tanggal 2014-02-25. Diakses tanggal 9 Januari 2024. 
  9. ↑ "All About Sherina". October 17, 2008. Diakses tanggal 9 Januari 2024. 
  10. ↑ "Efforts afoot to save orangutans from extinction". Richel Dursin. Diarsipkan dari versi asli tanggal February 21, 2001. Diakses tanggal 9 Januari 2024. 
  11. ↑ "Environment-Indonesia: Orangutan Trade Destroying Species". Fitri. December 1, 2000. Diakses tanggal 9 Januari 2024. 
  12. ↑ "Sherina: In search of perfection". The Jakarta Post. August 15, 2009. Diakses tanggal 9 Januari 2024. 
  13. ↑ "Sherina Rilis Album Eksklusif Masa Kecil". Metro Tv. Diarsipkan dari versi asli tanggal February 4, 2013. Diakses tanggal 9 Januari 2024. 

Pautan lua[suntiang | suntiang sumber]

Diambiak dari "https://min.wikipedia.org/w/index.php?title=Sherina_Munaf&oldid=3148840"