Sarilamak, Harau, Lima Puluh Kota
| Sarilamak | |
|---|---|
| Nagara |  Indonesia |
| Provinsi | Sumatera Barat |
| Kabupaten | Lima Puluh Kota |
| Kecamatan | Harau |
| Laweh | |
| • Total | 416,80 km2 (160,93 sq mi) |
| Panduduak (2010) | |
| • Total | 46,718 |
| • Kapadatan | 110/km2 (290/sq mi) |
| Sarilamak | |
|---|---|
  Sarilamak | |
| Koordinat: 0°13′50.19″S 100°37′53.83″E / 0.2306083°S 100.6316194°E | |
| Zona wakatu | WIB (UTC+7) |
Sarilamak atau Sorilomak adolah ibukota Kabupaten Lima Puluh Kota, Sumatera Barat. Sarilamak juo marupokan nagari nan batampek di Kecamatan Harau.
Sacaro geografis, Sarilamak talatak 10 km arah utara dari pusek Kota Payakumbuh. Sarilamak juo dilewati jo jalan linteh nan maubuangkan Provinsi Sumatera Barat jo Provinsi Riau.
Asa usua namo
[suntiang | suntiang sumber]Kato “Sarilamak” barasa dari bahaso Minangkabau nan disingkek dari "sairih lamak".[1][2] Ado babarapo versi carito, tapi kasadonyo mampunyoi akia carito nan samo, yaitu panduduak kampuang makan irisan-irisan baluik nan lamak basamo-samo.
Dalam sabuah ragam carito disabuikkan, baso wakatu itu datang rombongan nan dipimpin Datuak Sinaro Garang manyusuri daerah nan kudian dinamokan Sarilamak iko. Lalu, inyo basarato rombongan basobok jo laluan baluik inggo baluik itu dapek ditangkok. Baluik nan didapek baukuran gadang jo panjang cando ula, inggo urang-urang tu paralu marantang panjang baluik itu inggo mudah diirih. Tampek rombongan iko marantang baluik, kini dinamokan Tarantang. Sasudah diirih-irih, baluik itu dimasak dan dimakan basamo-samo. Katiko dimakan, irisan baluik itu taraso lamak, inggo nan makan manyabuik "soirih lomak" (dialek satampek untuak sairiah lamak). Lamo-kalamoan namo tampek itu dinamokan Sorilomak atau Sarilamak.[1]
Dalam versi lainnyo disabuikkan baso ado baluik gadang nan iduik di daerah iko dan mangganggu padok panduduak kampuang. Lalu ado saurang anak bakaki pincang, Buyuang, nan baniaik untuak manangkok baluik iko. Namun, niaiknyo iko kanai galak dek panduduak kampuang. Walau baitu, Buyuang tatap manjalankan niaiknyo itu jo mambuek lobang barisi banyak udang untuak mamikek baluik gadang itu masuak. Akianyo, baluik gadang itu taparangkok dan Buyung mamanggia urang rami untuk manangkok baluik gadang tu. Ateh usahonyo, panduduak lapeh dari gangguan amo baluik gadang. Kudian panduduak kampuang marayokannyo jo mairih-irih belut itu, dimasak, dan kudian dimakan basamo-samo.[2]
Rujuakan
[suntiang | suntiang sumber]- ↑ a b Saludin, Mohd Rosli; Maulud, Mohammad Hanafiah (2021-06-30). "ASAL USUL SUKU-SUKU DI NEGERI SEMBILAN BERDASARKAN LOKASI DI SUMATERA BARAT, INDONESIA (THE ORIGIN OF THE TRIBES IN NEGERI SEMBILAN BASED ON LOCATION IN WEST SUMATERA, INDONESIA)". ASIAN JOURNAL OF ENVIRONMENT, HISTORY AND HERITAGE (dalam bahasa Inggris). 5 (1): 142.
- ↑ a b kma, publikasi (2019-07-26). "Buku Seri Pengenalan Budaya Nusantara 2017: Dongeng dari Nagari Sarilamak". Direktorat Kepercayaan Terhadap Tuhan Yang Maha Esa Dan Tradisi (dalam bahasa Inggris). Diarsipkan dari versi asli tanggal 2023-06-03. Diakses tanggal 2023-06-22.
Pautan lua
[suntiang | suntiang sumber]Pusek pamarintahan: Sarilamak | ||
| Kecamatan | Akabiluru • Bukit Barisan • Guguak • Gunung Omeh • Harau • Kapur IX • Lareh Sago Halaban • Luhak • Mungka • Pangkalan Koto Baru • Payakumbuh • Situjuh Lima Nagari • Suliki |  |
