Rumah Mande Rubiah

Wikipedia Minangkabau - Lubuak aka tapian ilimu
Rumah Mande Rubiah

Rumah Mande Rubiah dikatokan sabagai Istano Karajaan Pagaruyuang nan batampek di Lunang. Kini Rumah Mande Rubiah dijadikan museum nan alah diresmian dek bupati Pasisisa Selatan pado Maret 1980 malalui SK Bupati Pesisir selatan Nomor1.08.26/268/BPT-PS/1998 , di bawah Kabupaten Pesisir Selatan. Museum ko barado kiro-kiro 250 Km dari pusek ibu kota Padang, tapeknyo di kampuang Lubuak Sitepung, Nagari Lunang, Kecamatan Lunang Silaut, Kabupaten Pesisir Selatan. tanah nan ditampeiknyo salueh kiro-kiro 20.000 M2 jo lueh bangunan 10.000 m2. Dan banyak takumpua barang- barang lamo paninggaan sajarah, kurang labiah sabanyak 213 buah, adopun bbantuak naskah, pitih ciring atau karateh, sanjato, pakakeh upacaro adaik, alaik dapua, dan alat pakakeh lainnyo. dan didakek itu ado pandam pakuburan maniangko Mande Rubiah sarato Puti Bungsu, Cindua Mato dan Dang Tuangku

Sijarah[suntiang | suntiang sumber]

Dicaritoan asa usua tantang siapo Mande Rubiah ko. Mande rubiahko salah surang tokoh padusi di Minangkabau atau dapek dikatoan namo lain Bundo Kanduang di daerah lunang. Caritoko banyak basuo dalam kaba, dalam rangkaian carito di kaba cindua mato pun basuo carito mande rubiah ko. Namo mande rubiah ko dapek pulo diaratian sabagai bantuak penghormatan kapado padusi di karajaan Minangkabau sabagai figur Bundo Kanduang manjadi tiang utamo dalam sistem sosial masyarakaiknyo

Mande Rubiah iko Bundo Kanduang nan hijrah basarato sanak kaluarganyo ka Lunang untuak sembunyi, kejadiannyo taun 1420 M, Hal iko bantuak protes kaluarga karajaan Pagaruyuang ka  rajo Adityawarman nan nio mamarintah sacaro otoriter. Hal modeko dilakuan juo karano memegang amanah  untuak menyembunyikan mande rubiah basarato sanak familinyo sampai pulo sampai ratusan tahun. Sahinggo taun 70 an tadanga lah barito basonyo Mande Rubiah masih ado mampunyoi katurunan di Lunang jo bukti kebaradoan rumah atau istano Mande Rubiah di Lunang. nan kini dijadian Museum. Di rumah ko banyak pulo paninggalan barang sajarah barupo pakakeh peninggalannyo. Nda jauah dari rumahnyo ado pandan pakuburannyo Mande Rubiah sarato sanak kaluarganyo. Dang tuanku, Cindua Mato, Puti Bungsu nan bantuak dan arah kuburan manyarupoi kuburan Islam. Itu manandoi bahwasanyo Mande Rubiahko Islam.  iko dihubungkan pulo jo rajo aditwarman baagamo Hindu Hufayana nan kareh manadoi pasalisiahan nyo jo Mande Rubiah[1]

Rujuakan[suntiang | suntiang sumber]