Raja Gemini

Wikipedia Minangkabau - Lubuak aka tapian ilimu
Raja Gemini
Raja di DragCon 2019
Lahia
Sutan Ibrahim Karim Amrullah

14 Juni 1974 (umua 49)
Baldwin Park, California, AS
Namo lain
  • Raja Gemini
  • Sutan Amrull
  • Crayola
PandidikanCalifornia State University, Fullerton
KarojoPanata rias
Ratu drag
Bintang televisi
Panyanyi
Taun aktif1990–kini
Dikana dekRuPaul's Drag Race (musim 3)
RuPaul's Drag Race All Stars (musim 7)
Tinggi190 cm (6 ft 3 in)
PasanganRyan Turner (m. 2017–kini) «Parameter salah (harus 1 — 12) 2017 (2017-start:) »"Marriage: Ryan Turner to Raja Gemini" Location: (linkback://min.wikipedia.org/wiki/Raja_Gemini)
DusanakWilly Amrull [id] (apak)
Hamka (mamak)
Websiterajagemini.com

Sutan Ibrahim Karim Amrullah (['suːtɑn ˈibrahɪm ka.riːm ˈamruːla]; lahia 14 Juni 1974; umua 49 taun), biaso disingkek Sutan Amrull, adolah saurang ratu drag jo panata rias Amerika Sarikat nan mamakai namo pangguang Raja Gemini. Inyo dikana sabagai pamanang acara TV RuPaul's Drag Race musim katigo. Amrullah kamudian ikuik acara tu baliak pado musim katujuah. Inyo mamanangkan gala "Queen Of She Done Already Done Had Herses". Salain sabagai drag, inyo dikana pulo sabagai panata rias untuak acara realitas America's Next Top Model musim 4 sampai 12.[1] Klien Amrullah tamasuak supermodel Tyra Banks, Dita von Teese, Pamela Anderson, Paulina Porizkova, Iman, Iggy Azalea, RuPaul, jo Twiggy. Sajak taun 2009, Amrullah alah manjadi panata rias untuak panyanyi Adam Lambert.

Amrullah sabalumnyo parnah manjadi pambao acara siniar Very That basamo Delta Work.[2]

Kahidupan awal[suntiang | suntiang sumber]

Amrullah lahia di Baldwin Park, California, Amerika Sarikat. Inyo badarah Balando jo Indonesia.[3] Mandiang apaknyo banamo Abdul Wadud Karim Amrullah, nan badarah Minangkabau jo adiak tiri dari ulama Buya Hamka.[4] Katiko baumua tigo taun, kaluarganyo pindah ka Bali, jo tingga di sinan salamo anam taun kamudian babaliak ka AS.[5]

Karier[suntiang | suntiang sumber]

Awal karier[suntiang | suntiang sumber]

Katiko baumua anam baleh taun, Amrullah tajun ka dunia drag satalah manghadiri sabuah acara di klub malam di LA basamo kawan-kawannyo. Inyo adolah ratu drag nan tarinspirasi dek subbudayo goth jo punk.[6] Taun-taun partamo kariernyo dijalaninyo sabagai panari di sabuah klub jo namo Crayola.[7]

Amrullah basakolah di Bassett High School, kamudian malanjuikan ka California State University, Fullerton, pado jurusan seni, jo konsentrasi pado pangarahan seni jo ilustrasi, salamo duo taun, kamudian mamutuihan untuak mangaja karier di bidang tata rias jo paniruan indentitas padusi.[8][9]

RuPaul's Drag Race[suntiang | suntiang sumber]

Raja di RuPaul's DragCon LA pado 2022

Amrullah adolah kontestan RuPaul's Drag Race musim katigo jo namo Raja.[10] Inyo adolah anggota kalompok "Heathers",[11][12] nan tarinspirasi dari judul film Heathers. Pado episode tarakhir, Raja dinyatoan sabagai pamanang acara tasabuik jo dinobatkan sabagai America's Next Drag Superstar.[13] Sabagai bagian dari tugasnyo sabagai pamanang Drag Race musim katigo , Amrullah manjalani tur ke AS jo Kanada pado taun 2011.[14][15]

Pado bulan April 2022, Raja diumuman sabagai salah saurang dari salapan pamanang nan akan bakompetisi baliak dalam RuPaul's Drag Race All Stars musim katujuah, musim Drag Race nan sadoalah kontestannyo adolah pamanang musim sabalumnyo.[16] Inyo mamanangkan gala "Queen of She Done Already Done Had Herses" jo mandapek hadiah sabanyak $50.000.[17]

Kagiatan lain[suntiang | suntiang sumber]

Raja adolah saurang panata rias untuak America's Next Top Model dari taun 2005 sampai 2009.[18]

Pado bulan Mei 2011, Amrullah marilis singel partamonyo bajudul "Diamond Crowned Queen".[19] Singel iko manampati posisi limo puluah di Billboard Hot Dance Club Songs,[20] kamudian naiak ka posisi tigo puluah limo.[21] Pado tanggal 21 Agustus 2012, singel kaduonyo bajudul "Sublime" dirilis. Singel katigonyo, "Zubi Zubi Zubi", dirilis pado 1 Juni 2013.[22]

Pado bulan Februari 2017, inyo baperan sabagai makhluk intergalaksi dalam video musik untuak singel Blondie bajudul "Fun".[23] Inyo muncua dalam lagu iklan Diesel "Make Love Not Walls", nan disutradaroi dek David LaChapelle, sarato dalam iklan Urban Decay basamo alumni Drag Race Alaska, Jiggly Caliente, jo Katya.[24]

Rujuakan[suntiang | suntiang sumber]

  1. ↑ Loza, Josefina (11 September 2010). "Designer eyes leaving Omaha to achieve their dreams". Omaha World-Herald. Diarsipkan dari versi asli tanggal 5 September 2012. Diakses tanggal 9 Januari 2024. 
  2. ↑ Hecht, Evan (28 Oktober 2021). "Seven drag artist podcasts you need to check out". DBK News. Diarsipkan dari versi asli tanggal 2 November 2021. Diakses tanggal 9 Januari 2024. 
  3. ↑ @sutanamrull (29 Mei 2019). "I am indonesian. I am a blend of Indonesian and Dutch (on my mother's side)(…)". Diakses tanggal 9 Januari 2024 – via Instagram. 
  4. ↑ Amrullah, Abdul Wadud Karim (2016). Sumatran Warrior: Mighty Man of Love and Courage. Westbow Press. ISBN 9781512731835. https://books.google.com/books?id=R19ADAAAQBAJ&q=Sutan+Amrull+hamka&pg=PT237. 
  5. ↑ Renzi, Dan (12 Mei 2011). "'Drag Race' Winner Sutan Amrull, a.k.a. Raja, Wants You To Have Sex In Heels". Queerty. Diakses tanggal 9 Januari 2024. 
  6. ↑ "Interview: Drag Queen Raja Talks About His Start in Drag, Coming Out to His Family and His Favorite Beauty Tip". Alive (dalam bahasa Inggris). Diarsipkan dari versi asli tanggal 1 Agustus 2018. Diakses tanggal 9 Januari 2024. 
  7. ↑ RDR 909: Fashion Photo RuView 423 | WOWPresents. WOWPresentsPlus. 24 Mei 2017. Diakses tanggal 9 Januari 2024. 
  8. ↑ Nunn, Jerry. "Raja Gemini interview with ChicagoPride.com". ChicagoPride.com (dalam bahasa Inggris). Diarsipkan dari versi asli tanggal 19 Februari 2017. Diakses tanggal 9 Januari 2024. 
  9. ↑ The Power Group – Sutan Amrull. thepowdergroup.com. Diakses 9 Januari 2024
  10. ↑ Jessie Peterson (14 Juli 2014). "Conchita Wurst Walked At Paris Fashion Week, Might Be Drag's New Fashion Superstar". MTV News. Diarsipkan dari versi asli tanggal 7 Oktober 2015. Diakses tanggal 9 Januari 2024. 
  11. ↑ Tanner Stransky (3 Mei 2011). "'RuPaul's Drag Race: Reunited!': 'The Drag Race may be over, but the real drama is just getting started...'". Entertainment Weekly. Diakses tanggal 9 Januari 2024. 
  12. ↑ Davis, Madeliene (1 Maret 2011). "RuPaul's Drag Race Takes a Page Out of Heathers". Gawker. Gawker Media. Diakses tanggal 9 Januari 2024. 
  13. ↑ Parsley, Aaron (26 April 2011). "What's Next for the Winner of RuPaul's Drag Race?". People. Diakses tanggal 9 Januari 2024. 
  14. ↑ John Polly (11 Mei 2011). "Get Ready! The RuPaul's Drag Race Season 3 Winner's Tour Is Sashaying Your Way!". LOGO Blog. Diakses tanggal 9 Januari 2024. 
  15. ↑ Jethro Nededog (26 April 2011). "'RuPaul's Drag Race': Raja on their controversial win, 'I don't mind the criticism'". Zap2It. Diakses tanggal 9 Januari 2024. 
  16. ↑ Nolfi, Joey; Sederholm, Jillian (April 13, 2022). "RuPaul's Drag Race reveals first all-winners cast for All Stars 7". Entertainment Weekly. Diarsipkan dari versi asli tanggal 13 April 2022. Diakses tanggal 9 Januari 2024. 
  17. ↑ Quinn, Dave (29 Juli 2022). "RuPaul's Drag Race All Stars Season 7: And the Winner Is..." people.com (dalam bahasa Inggris). Diakses tanggal 9 Januari 2024. 
  18. ↑ "About". Raja Gemini (dalam bahasa Inggris). Diakses tanggal 9 Januari 2024. 
  19. ↑ Lyndsey Parker (17 Februari 2015). "7 Actually Great Singles By 'RuPaul's Drag Race' Contestants". Yahoo! Music. Diakses tanggal 9 Januari 2024. 
  20. ↑ "Dance Club Play Songs - Week of July 02, 2011". Billboard. Diakses tanggal 9 Januari 2024. 
  21. ↑ "Dance Club Play Songs - Week of July 30, 2011". Billboard. Diakses tanggal 9 Januari 2024. 
  22. ↑ Dan Avery (1 Juni 2013). "Raja Serves New Single, "Zubi Zubi Zubi": LISTEN". LOGO Blog. Diakses tanggal 9 Januari 2024. 
  23. ↑ "Watch Raja Play A Psychedelic Space Queen In New Blondie Music Video". LOGO News. Diakses tanggal 9 Januari 2024. 
  24. ↑ Desroches, Steve (6 Agustus 2019). "REVIEW: Raja - Lush Life". Provincetown Magazine. Diakses tanggal 9 Januari 2024. 

Pautan lua[suntiang | suntiang sumber]

Search Wikimedia Commons Wikimedia Commons mampunyoi
media nan bahubuangan jo
Raja Gemini
Diambiak dari "https://min.wikipedia.org/w/index.php?title=Raja_Gemini&oldid=3148497"