Proton Suprima S
| Proton Suprima S | |
|---|---|
 | |
| Panjalehan | |
| Pabrikan | Proton |
| Namo lainyo | Proton P3-22A |
| Tahun dibuek | August 2013–2019 |
| Kantua cabang | Malaysia: Proton City, Perak |
| Parancang | Italdesign Giugiaro S.p.A |
| Badan jo karangko | |
| Tipe oto | Compact car (C) |
| Bantuak oto | 5-door hatchback |
| Masin oto | Front-engine, front-wheel drive |
| Parusahaan induak | Proton P2[1] |
| Samo jo | Proton Prevé |
| Tanago oto | |
| Masin | 1.6 L CamPro Turbo DOHC I4 |
| Tipe papindahan gigi | CVT manumatic |
| Ukuran bagian oto | |
| Sumbu roda | 2,650 mm (104.3 in) |
| Panjang oto | 4,436 mm (174.6 in) |
| Leba oto | 1,786 mm (70.3 in) |
| Tinggi oto | 1,524 mm (60.0 in) |
| Barek oto | 1,375–1,395 kg (3,031–3,075 lb) |
| Pajalanan produksi | |
| Pandahulu | Proton Gen-2 |
Proton Suprima S adolah salah ciek jinih oto nan di produksi dek parusahaan oto dari Malaysia nan banamo parusahaan Proton.[2] Oto ko marupoan oto nan ba tipe compact atau oto keluarga nan punyo limo pintu nan istilah lainyo disabuik juo jo hatchback. Oto ko mulai di jua di pasaran pado patangahan 2013. Namo lain dari oto ko yaitunyo Proton P3-22A. Oto ko marupoan pambaharuan dari oto sabalumnyo yaitunyo Proton Gen-2. Untuak desain, desain oto ko alah ba desain sporty sarato jo alaik-alaik nan ado di parangkek oto ko alah canggih.[3]
Sijarah
[suntiang | suntiang sumber]Proton Suprima S atau namo lainyo P3-22A di buek sabagai panyamputnaan jo oto proton nan lainyo yaitunyo Proton Preve, Proton Preve ko di dinamoi jo Proton P3-21A samanjak 2009. Untuak rancangan nyo atau prototaipnyo dinamoi jo P3-22A, Proton Suprima S ko di umumkan ka media pado 14 Desember 2012 dan kamudian dapek di tarimo dek para media jo para pecinta otomotif di negara Malaysia.[4][5] Karano bantuak oto ko pambaharuan dari generasi sabalumnyo mako indak banyak parubahan nan tajadi di oto ko. Hanyo ado babarapo parubahan nan dapek di caliak sarupo ban jo ukuran jari-jari ban atau ukuran pelek ban.[6] Oto nan namo awa nyo P3-22A alah banyak dapek di liek di jalan raya di Malaysia sangkek katiko itu.[7][8][9][10] Pado tanggal 4 Juli 2013, oto Proton Suprima S ko manjadi terkenal dan jadi pambicaroan pacinto otomotif khususnyo di Malaysia dikaranoan adonyo alaik-alaik nan tabaru dari oto tasabuik sarato jo warna cat oto nan baru yaitunyo bawarna biru galok.[11]. pada tanggal 30 Juli 2013, oto Proton Suprima S ko samakin terkenal di Malaysia katiko tu, itu dikaranoan oto ko di buek an film nyo nan pangambilan videonyo tu barado di tangah-tangah kota kota Kuala Lumpur. Salain itu, Oto ko samakin disukoi dek para pacinto otomotif katiko tu karano oto ko punyo lampu nan tarang jo corak lampu mungko nan rancak desainyo nan manambah kesan mewah dari oto Proton Suprima S ko.[12]. Sasudah oto ko dibuekan filmnyo di kuala Lumpur katiko tu, oto ko alah nampak diangkuik dek oto gadang nan mambawok babarapo oto baru. Iko manandoan oto ko akan mulai di jua ka pasaran pado bulan Agustus 2013.[13]
Desain
[suntiang | suntiang sumber]Bantuak oto Proton Suprima S indak baitu jauah babaeda jo pandahulunyo yaitunyo Proton Preve nan dijua 16 bulan sabalum Proton Suprima S, tapeknyo pado tanggal 16 April 2012. Untuak bagian balakang oto samo jo Proton Preven. Bagian desain lampu nampak agak mirip pulo tamasuak juo lampu balakang jo mungko. Nan mambedaan nyo adolah model dari oto ko yaitunyo model nyo labiah sporty. Model sporty ko batujuan untuak manjariang pasa atau pambali nan masih mudo. Oto ko marupoan oto kaluarga nan punyo limo pintu. Oto ko marupoan juo oto nan bapanggarak roda mungko. Untuak papindahan gigi, oto ko punyo duo model transimisi yaitunyo model otomatis jo model manual. Oto ko mampunyoi barek kiro-kiro 1375 kg. Oto Proton Suprima S ko punyo lampu oto nan alah LED. Lampu ko dapek digunoan di siang hari apolai dimalam hari. Di siang hari lampu nan alah LED ko cahayo nyo tetap tarang. Lampu LED ko sabalumnyo pun alah di gunoan dek oto Proton Preve namun untuak oto proton suprima ko lampu LED nan di pasangkan di oto ko iolah lampu LED nan mewahnyo. Lampu mewah nan ado di oto jo marupoan dayo tarik pambali untuak tatarik mambali oto ko, namun nan labiah pantiang adolah lampu ko baguno untuak kasalamatan di siang hari karano lampu oto nan iduik di siang hari dapek mambuek fokus pangandara lain baik nan balawan arah maupun nan ado di balakang. Sabananyo maiduikan lampu di siang hari indak lah wajib di Malaysia, namun mancaliak di negara-negara Eropa aturan tasabuik alah balaku samanjak tahun 2008 jo 2009.[14] Lampu balakang oto Suprima s ko babantuak petak atau kubus, lampunyo punyo desain nan punyo kesan mewah.[14][15]
Untuak desain dalam oto Proton Suprima S ko alah ba desain modern. Oto ko alah dilengkapi layar LCD. LCD nyo alah mamakai sistem layar sentuh. Perangkat nan ado di oto ko alah mamakai android jadi dapek pulo tahubuang jo talepon android. Parangkek-parangkek lain yaitunyo adonyo bluetooth, DVD, USB, Ipod, jo Wifi. Walaupun oto ko dilengkapi jo internet namun panggunoan internet di dalam oto ko di batehi karano alasan untuak kasalamatan panggadaranyo dari kecelakaan. Oto ko mampunyoi kalabiahan dalam hal internet di dalam oto nan mambuek nyaman panumpang jo pangadaranyo karano dapek ma akses internet untuak maaktifkan GPS atau sistem navigasi untuak manuju ka suatu tampek.[16]
Panjualan
[suntiang | suntiang sumber]| Jumlah panjualan Proton Suprima S antaro tahun 2013 jo tahun 2016[17][18] | |||||
|---|---|---|---|---|---|
| Negara | Jumlah | Q1 2016 | 2015 | 2014 | 2013 |
 Malaysia |
54 | 914 | 2,000+ | ||
 Indonesia |
620 | 11 | 71 | 458 | 80 |
 Thailand |
226 | 2 | 8 | 197 | 19 |
 Australia |
119 | 10 | 44 | 62 | 3 |
 Brunei |
|||||
 Mauritius |
|||||
| Jumlah Panjualan Partamo | 2,100+ | ||||
| Jumlah Kasado Panjualan | 6,919 | 1,918 | 712 | 4,289 | |
Rujuakan
[suntiang | suntiang sumber]- ↑ Hammerton, Ron (12 April 2012). "Proton hones global crash performance". goauto.com.au. Diarsipkan dari versi asli tanggal 12 March 2013.
- ↑ "Proton styling head and team find inspiration in Turin stint". web.archive.org. 2012-05-02. Archived from the original on 2012-05-02. Diakses tanggal 2020-02-17.
- ↑ Batista, Alvaro (2016-06-15). "Harga Proton Suprima S Dan Spesifikasi Terbaru 2020". OtoManiac (dalam bahasa Inggris). Diarsipkan dari versi asli tanggal 2020-02-17. Diakses tanggal 2020-02-17.
- ↑ "PANAS : Spyshots pertama P3-22A (Prevé hatchback)!!!!". funtasticko.net. 14 December 2012. Diakses tanggal 17 Pebruari 2020.
- ↑ Jonathan James Tan (14 December 2012). "SPIED: Proton Prevé P3-22A hatchback on highway!". paultan.org. Diakses tanggal 17 Pebruari 2020.
- ↑ Jonathan James Tan (22 December 2012). "SPIED: Proton Prevé P3-22A hatchback again!". paultan.org. Diakses tanggal 17 Pebruari 2020.
- ↑ Jonathan James Tan (6 January 2013). "SPIED: Proton Prevé P3-22A hatchback, Putra Heights". paultan.org. Diakses tanggal 17 Pebruari 2020.
- ↑ Danny Tan (10 January 2013). "SPIED: Best view of the Proton Prevé hatchback yet!". paultan.org. Diakses tanggal 17 Pebruari 2020.
- ↑ Paul Tan (16 January 2013). "Proton P3-22A Spyshots: clearest pics yet of Proton's upcoming 5-door Preve hatchback". paultan.org. Diakses tanggal 17 Pebruari 2020.
- ↑ Anthony Lim (27 March 2013). "SPIED: Proton Preve P3-22A hatchback group in KL". paultan.org. Diakses tanggal 17 Pebruari 2020.
- ↑ Anthony Lim (4 July 2013). "SPIED: Proton Preve Hatchback – blue shows up". paultan.org. Diakses tanggal 17 Pebruari 2020.
- ↑ Anthony Lim (30 July 2013). "SPIED: Proton Preve P3-22A Hatchback, undisguised". paultan.org. Diakses tanggal 17 Pebruari 2020.
- ↑ "SPYSHOTS : Proton CH@P3-22A telah mula dihantar!". funtasticko.net. 3 August 2013. Diakses tanggal 17 Pebruari 2020.
- ↑ a b Europa.eu Press Release "New cars equipped with daytime running lights as of today"
- ↑ BeritaSatu.com. "Proton Suprima S Dibanderol Rp 275 Juta". beritasatu.com (dalam bahasa Indonesia). Diakses tanggal 2020-02-17.
- ↑ "Latest Live Life Drive - Carlist.my". Carlist.my - Malaysia's No.1 Car Site (dalam bahasa English). Diakses tanggal 2020-02-17.
- ↑ "MarkLines - Statistics - Annual Sales by Model". marklines.com. Diarsipkan dari versi asli tanggal 2014-05-06. Diakses tanggal 17 Pebruari 2020.
- ↑ "MarkLines - Statistics - Annual Production by Model". marklines.com. Diarsipkan dari versi asli tanggal 2016-03-04. Diakses tanggal 17 Pebruari 2020.