Permainan cak bur

Pamainan iko adolah salah satu parmainan tradisional di padang, khususnya Minangkabau. Parmainan iko paliang sero di mainan jo kawan-kawan pas hari lah sore. Permainan iko ta diri dari duo tim, nan partamo tim lawan, dan nan kaduo tim kawan. Caro mainnyo mudah bana, partamo awak mambuek garis petak kurang labiah 2x2 meter, dan buek garis untuak mambagi kotak tu manjadi duo, pas tim lawan manjago, lawan hanyo bisa tagak di garis nan lah di buek, tugas awak hanyo paralu masuak ka garis petak nan di jago tu sampai akhir dan indak kanai setuh jo lawan awak. Katiko parmainan dimulai, lawan harus mangatoan kato "Cak" dan awak sebagai kawan harus manyambuang mangatoan kato "Bur" pas itu permainan langsuang dimulai, untuak mamanangan pamainan ko, awak harus pandai-pandai jo kompak samo tim awak, mangkonyo minimal awak harus ada dalam tim tu sabanyak ampek urang dan maksimalnyo buliah sambarang se. Tambah rami urang main tambah sero pulo pamainan jadinyo. Pas mulai awak mambagi tim awak disuok jo kida lawan, supayo awak bisa mambuek lawan nan majago kotak paniang, dan awak bisa masuak ka kotak nan di jago tu sampai akhir dan indak kanai esek jo lawan, baru siap tu bisa manang. Kalau kanai semba atau kanai esek saketek se dek lawan, tim awak harus bagantian manjago jo lawan tadi, dan mode itu seterusnyo. Tapi pamainan iko alah jarang nampak anak-anak jaman kini mamainannyo, karano alah tagantian jo pamainan nan modern kini di hape.