Pangacoran

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Mancaiakan logam pado wadah untuak pangacoran.
Robot bakarojo di industri pangacoran.

Pangacoran Logam adolah suatu proses manufaktur nan malebur logam manjadi caia untuak dibuek dan dicetak manjadi bantuak nan mandokati bantuak geometri akhia produk jadi. Logam nan paliang umum diproses iyolah aluminium dan basi cor. Tapi logam lain, ajak perunggu, kuningan, baja, magnesium, dan seng, paguno juo untuak mamproduksi coran di pangacoran. Logam caia akan dituangkan atau ditokan ka dalam cetakan nan mamiliki rongga cetak (cavity) sasuai dangan bantuak atau desain nan diinginkan. Satalah logam caia mamanuhi rongga cetak dan tasolidifikasi, salanjuiknyo cetakan disingkirkan dan hasil cor dapek paguno untuak proses sekunder.

Untuak manghasilkan hasil cor nan bakualitas mako parolu pola nan bakualitas tinggi, baik dari bantuak konstruksi, dimensi, material pola, dan kalangkapan lainnyo. Pola paguno untuak mamproduksi cetakan. Pado umumnyo, dalam proses mambuek cetakan, pasia cetak dilotakan di sakitar pola nan dibatasi rangka cetak kamudian pasia dipadekan dangan caro ditumbuak sampai padek. Pado lain kasus tadapek juo cetakan nan mangareh/manjadi padek surang basobok reaksi kimia dari parokat pasia tasabuik. Pado umumnyo cetakan dibagi manjadi duo bagian iyolah bagian ateh (cup) dan bagian bawah (drag) sahinggo satolah mambuek cetakan salasai pola akan dapek dicabuik dangan mudah dari cetakan.

Inti dibuek sacaro tapisah dari cetakan, pado kasus iko inti dibuek dari pasia kuarsa nan dicampua dangan Aiakaca (Water Glass / Natrium Silikat), dari campuaran pasia tasabuik dimasukan kadalam kotak inti, kamudian direaksikan dangan gas CO2 sahinggo manjadi padek dan kareh. Inti disetel pado cetakan. Kamudian cetakan diasembling dan diklem.[1]

Sodang cetakan dibuek dan diasembling, bahan-bahan logam ajak ingot, scrap, dan bahan paduan, dilebur di bagian paleburan. Satolah logam caia dan homogen mako logam caia tasabuik dituang ka dalam cetakan. Satolah itu ditunggu hingga caiaran logam tasabuik mamboku basobok proses pandinginan. Satolah caiaran mamboku, cetakan dibongkar. Pasia cetak, inti, dan benda tuang dipisahkan. Pasia cetak bekas masuak ka instalasi daur ulang, inti bekas dibuang, dan benda tuang dibarikan ka bagian fethling untuak dibarosiahkan dari kotoran dan dilakukan pamotongan tahadok sistem saluran pado benda tasabuik. Satolah fethling salasai apabila benda parolu parlakuan paneh mako diproses di bagian parlakuan paneh.

Jinih proses[suntiang | suntiang sumber]


Rujuakan[suntiang | suntiang sumber]

Pautan lua[suntiang | suntiang sumber]

Wikidata: Casting (metal)