Palai rinuak

Palai Rinuak adolah makanan tradisional nan barasa dari Maninjau, Sumatra Barat nan barupo lauak kaciak-kaciak kiro-kiro sarupo bada teri nan hanyo dapek iduik di Danau Maninjau. Lauak rinuak ko banyak manfaat nyo salah satunyo di buekkan ka palai rinuak.

Caro mambuek

Nan partamo disiapan bahannyo sarato lauak rinuak kiro-kiro sabanyak 250 gram. Salanjuiknyo karambia nan alah di kukua yang kok dapek nan alum tuo bana. Sasudah tu siapan daun kunyik, daun bawang nan alah di karek-karek, lado, bawang, garam, bumbu palamak jo daun pisang. Basuah barasiah lauak rinuak, campuan lauak rinuak nan alah di basuah tadi ka bumbu nan alah di sadioan. Salanjuiknyo tambahan daun bawang jo karambia nan alah di kukua, aduak sampai marato, sudah itu ambiek daun pisang jo aleh di atehnyo jo daun kunyik nan alah di karek-karek. Masuakan bahan tadi, bungkuih jo daun pisang, sudah tu kukuih salamo 30 minik sampai masak, salanjuiknyo didinginan. Sasudah didinginan, dibaka sampai rono daun pisang barono coklat, kalau lah masak dibangkik lai.