Musajik Rayo Pariaman
| {{{building_name}}} | |
| |
| Latak | Kota Pariaman, Sumatra Barat, Indonesia |
| Afiliasi agamo | Islam |
| Kapamimpinan | Wakaf |
| Deskripsi arsitektur | |
|---|---|
| Jinih arsitektur | Masjid |
| Gaya arsitektur | Minangkabau tradisional |
| Spesifikasi | |
| Kapasitas | 600 |
| Panjang | 21 meter |
| Minaro | 2 |
Musajik Rayo Pariaman (kadang disabuik Musajik Rayo Nagari Pasa Pariaman) talatak di Jalan Syekh Mohammad Jamil, Kampuang Perak, Kacamatan Pariaman Tangah, Kota Pariaman, Provinsi Sumatra Barat, Indonesia.[1] Musajik ko dibuek ateh upayo dari ulama nan banamo Syekh Muhammad Jamil El Khalidi (1830–1928).
Pamarentah Indonesia alah menatapkan musajik ko sabagai caga budaya di Badan Pelestarian Peninggalan Purbakala (BP3) Sumatra Barat, Riau, dan Kepulauan Riau.
Sijarah
[suntiang | suntiang sumber]Kementerian Agama Republik Indonesia mancataik bahwa musajik ko dibuek tahun 1300 Hijiriah (sakitar tahun 1882).[2][3] Pambangunan musajik ko diprakarsai dek ulama di sinan nan banamo Syekh Muhammad Jamil El Khalidi (1843–1928).[4] Sabalumnyo, Syekh Muhammad Jamil El Khalidi alah mambuek Surau nan banamo Surau Anjuang sekitar tahun 1860–1870, basubalahan jo musajik untuk tampek maaja.
Pambangunan musajik ko basamoan jo pambangunan Musajik Raya Badano jo Musajik Raya Nagari IV Angkek Padusunan. Bantuak katigo musajik tu ampiang samo karano emang didisain dek urang yang samo.[5]
Pado tahun 1916, saurang ulama gadang Sutan Darab pernah maaja di musajik ko.[5]
Pado tahun 1925, dibuek sekolah agamo nan banamo Madrasatul Falah di dakek musajik ko.[5]
Bantuak Bangunan
[suntiang | suntiang sumber]Musajik Rayo Pariaman dibuek batingkek duo. Di tingkek partamo dibuek barukuran 21 x 21 meter, samantaro tingkek kaduo dibuek 9,5 x 9,5 meter. Musajik ko punyo atok tumpang sabanyak limo buah. Nampak dari lua bangunan musajik ko hanyo salantai, tapi kalau alah masuak ka dalam, nampak lantai ciek lai di bagian loteng. Naiak ka lantai duo tu bisa lewat janjang yang alah disadioan di balakang bangunan. Bagian loteng iko dibuek dari kayu kasadonyo yang sarangkai jo atok.[6]
Dindiang musajik ko tabuek dari sususan batu bata. Di tangah bangunannyo adi sambilan buah tonggak yang ciek diantaronyo adolah tonggak utamo. Pado saf paliang muko ado tiang-tiang yang dihubuangkan sarupo lengkungan. Tiang itulah yang mambedaan antaro saf yang dimungko samo saf yang ado di bagian belakang.[6]
Pado tahun 1992 musajik ko dipuga dek pangurusnyo. Tiang musajik dipaelokan, atok musajik yang sabalumnyo babahan ijuak diganti jo nan babahan seng.[6]
Di sampiang musajik ado makam Syekh Mohammad Jamil yang dimakamkan pado 10 Februari 1928. Salain itu, ado pulo surau pasa yang atoknyo tumpang tigo jo tabuek dari kayu. Surau tu dijadian tampek mangaji.[6]
Rujuakan
[suntiang | suntiang sumber]- ↑ Agency, ANTARA News. "52 Bangunan Cagar Budaya di Kota Pariaman". Antara News Sumbar. Diakses tanggal 2020-05-28.
- ↑ "Sistem Informasi Masjid". simas.kemenag.go.id. Diarsipkan dari versi asli tanggal 2021-10-05. Diakses tanggal 2021-10-05.
- ↑ 1280332. "Waspada, Minggu 30 Mei 2010". Issuu (dalam bahasa Inggris). Diakses tanggal 2021-10-05.
- ↑ "Sejarah Mesjid Raya Kota Pariaman, Mesjid Batu pertama di Kota..." pariamankota.go.id (dalam bahasa Indonesia). Diarsipkan dari versi asli tanggal 2021-10-05. Diakses tanggal 2021-10-05.
- ↑ a b c Sadri Chaniago. "Mengenal Syekh Muhammad Jamil El Khalidi, Ulama Besar Pariaman Zaman Hindia Belanda". Diakses tanggal 2020-05-28.
- ↑ a b c d "Informasi Situs Budaya Indonesia". Informasi Situs Budaya Indonesia (dalam bahasa Indonesia). Diakses tanggal 2021-10-05.