Musajik Rayo Medan

Dari Wikipedia baso Minang, ensiklopedia bebas
Loncat ke navigasi Loncat ke pencarian
Masjid Raya Medan
Great mosque in Medan.JPG

Masjid Raya Medan

Latak Medan, Sumatra Utara, Indonesia
Afiliasi agamo Islam
Deskripsi arsitektur
Jinih arsitektur Masjid
Gaya arsitektur Kesultanan Deli
Pambukoan tanah 1906
Tahun salasai 1909
Spesifikasi

Musajik Rayo Medan atau Musajik Rayo Al Mashun marupoan musajik nan talatak di Medan, Indonesia. Musajik iko dibangun pado tahun 1906 dan salasai pado tahun 1909. Pado awal pandiriannyo, musajik iko manyatu jo kompleks istano. Mode arsitekturnyo khas Timur Tangah, India dan Spanyol. Musajik iko babantuak sagilapan dan mampunyoi sayok di bagian selatan, timur, utara dan barat. Musajik Rayo Medan iko marupoan saksi sijarah kahebatan Suku Melayu sang pamilik dari Kesultanan Deli (Kota Medan).

Sijarah pambangunannyo[suntiang | suntiang sumber]

Sultan Ma’mun Al Rasyid Perkasa Alam sabagai pamimpin Kesultanan Deli mamulai pambangunan Musajik Rayo Al Mashun pado tanggal 21 Agustus 1906 (1 Rajab 1324 H). Kasadoalahan pambangunan salasai pado tanggal 10 September 1909 (25 Sya‘ban 1329 H) sakalian digunoan nan ditandoi jo palaksanaan sholat Jum’at partamo di musajik iko. Kasalruahan pambangunannyo maabiskan dana sabanyak sajuta Gulden. Sultan emang sangajo mambangun musajik karajaan iko dengan megahnyo, karano manuruik prinsipnyo hal tu labiah utamo katimbang kamegahan istananyo surang, Istana Maimun. Pandanaan pambangunan musajik iko ditangguang surang dek Sultan, namun konon Tjong A Fie, tokoh kota Medan dari etnis Tionghoa nan sajaman jo Sultan Ma’mun Al Rasyid turuik bakontribusi mandanai pambangunan musajik iko.

Bantuak bangunannyo[suntiang | suntiang sumber]

Pado awalnyo Musajik Rayo Al Mashun dirancang dek arsitek Balando Van Erp nan jugo marancang istana Maimun, namun kamudian prosesnyo dikarajoan dek JA Tingdeman. Van Erp katiko tu dipanggia ka pulau Jawa dek pemerintah Hindia Balando untuak bagabuang dalam proses restorasi candi Borobudur di Jawa Tengah. Sabagian bahan bangunan diimpor antaro lain: marmer untuak dekorasi diimpor dari Italia, Jerman dan kaco patri dari Cino dan lampu gantuang langsuang dari Prancis.

Berkas:Interior Masjid Raya Medan.jpg
Rupo didalam Masjid Raya Medan

JA Tingdeman, saurang arsitek marancang musajik iko jo denah simetris sagilapan dalam corak bangunan campuran Maroko, Eropa, Melayu dan Timur Tengah. Denah nan pasegi lapan iko manghasilkan ruang bagian dalam nan unik indak sarupo musajik-musajik nan alah ado. ampek panjuru musajik masiang-masiang diagia barando dengan atok tinggi bakubah warna itam, malengkapi kubah utamo di atok bangunan utamo musajik. Masiang-masiang barando dilengkapi dengan pintu utamo dan tangga hubuang antaro palataran jo lantai utamo musajik nan ditinggian, kecuali bangunan barando di sisi mihrab.

Bangunan musajiknyo tabagi manjadi ruang utamo, tampek wudhu, gerbang masuak dan menara. Ruang utamo, tampek sholat, babantuak sagilapan indak samo sisi. Pado sisi bahadokan labiah ketek, tadapek ‘barando’ sarambi ketek nan menempel jo manjorok kalua. Jendela-jendela nan mangaliliangi pintu barando tabuek dari kayu jo kaco-kaco patri nan sangaik baharago, siso paninggalan Art Nouveau periode 1890-1914, nan dipadu jo kesenian Islam. Kasado pernak-pernik di dalam musajik baiak di dindiang, plafon, tiang-tiang, dan permukaan lengkungan nan kayo jo hiasan bungo sarato jo tumbuh-tumbuhan. di mungko masiang-masiang barando tadapek tangga. Kamudian, sagilapan tadi, pado bagian luarnya tampil dengan ampek gang pado kaempat sisinyo, nan mangaliliangi ruang sholat utamo.[1]

Gang-gang iko punyo deretan jendela-jendela indak badaun nan babantuak langkuangan-langkuangan nan tagak di ateh balok. Baik barando maupun jendela-jendela langkuang tu mangingakan desain bangunan karajaan-karajaan Islam di Spanyol pad Abaik Patangahan. Sadangkan kubah musajik mangikuti mode Turki, dengan bantuak nan patah-patah basagi lapan. Kubah utamo dikaliliangi ampek kubah lain di ateh masiang-masiang barando, dengan ukuran nan labiah ketek. Bantuak kubahnyo mangingekan kito pado Musajik Rayo Banda Aceh. Di bagian dalam musajik, tadapek lapan pilar utamo badiameter 0,60 m nan manjulang tinggi untuak manyangga kubah utamo pado bagian tangah. Adapun mihrab tabuek dari marmar dengan atok kubah runciang. Gerbang musajik iko babantuak bujua sangka baratok data. Sadangkan menara musajik bahias paduan antaro Mesir, Iran dan Arab.

Rujuakan[suntiang | suntiang sumber]

Bacaan lanjuikan[suntiang | suntiang sumber]

  • Tjokrosaputro, Teddy (2011). 100 Masjid Terindah Indonesia. Jakarta: PT Andalan Media. ISBN 978-602-99731-0-5. 

Pranala lua[suntiang | suntiang sumber]