Musajik Jamiak Parabek

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Musajik Jamiak Parabek pado Februari 2020

Musajik Jamiak Parabek (Indonesia: Masjid Jami Parabek) adolah musajik tatuo di Indonesia nan talatak di Jorong Parabek, Nagari Ladang Laweh, Kacamatan Banuhampu, Kabupaten Agam, Sumatra Barat. Di muko musajik ko ado makam Syekh Ibrahim Musa, pandiri musajik ko jo pandiri musajik Sumatra Thawalib di Parabek.[1]

Sijarah[suntiang | suntiang sumber]

Mulonyo, musajik ko ditagakan dek usua Syekh Ibrahim Musa atau nan acok dikana sabagai Inyiak Parabek, salapeh kapulangannyo dari Makkah pado taun 1908. Pado taun 1926 musajik ko maalami renovasi untuak patamo kalinyo. Namun, katiko dalam proses pangarajoan, tajadi gampo bumi sainggo mambuek aktivitas renovasi baranti samantaro wakatu. Karano adonyo swadaya masyarakaik satampek, pado taun 1933 pangarajoan renovasi dilanjuikan baliak dan dapek disalasaian pado taun 1935.

Musajik nan baukuran 50 x 50 m ko sampai kini masih kokoh tagak jo arsitekturnyo nan khusus. Dalam pambangunan musajik ko, Presiden Soekarno turuik batindak sabagai insyinyur. Soekarno mamuji coran beton di sajumlah tiang musajik ko nan dibangun tanpa adonyo basi. Sajak salasai dibangun pado taun 1933 sampai kini ko, tiang-tiang itu tacataik indak panah ratak walaupun babarapo kali gampo gadang malando Sumatra Barat. Tiang-tiang tu barupo beton barukia, nan batulisan ayaik-ayaik Al-Quran di sakaliliangnyo.[2]

Pado taun 2002, dilakuan renovasi ketek jo pangecatan di sakitar musajik ko.

Rujuakan[suntiang | suntiang sumber]

  1. http://www.wisatamelayu.com Masjid Jami Parabek di Kota Bukittinggi. Diakses pada 28 Januari 2013.
  2. Scribd.com Gempa Padang Panjang. Diakses pada 28 Januari 2013.

Pautan lua[suntiang | suntiang sumber]