Musajik Agung An-Nur

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Musajik Agung An Nur
مسجد النور الكبير
Masjid Agung An Nur
Latak Pekanbaru, Riau, Indonesia
Afiliasi agamo Islam
Deskripsi arsitektur
Arsitek Ir. Roseno
Jinih arsitektur Masjid
Pambukoan tanah 1963
Tahun salasai 1968
Spesifikasi

Musajik Agung An Nur (Jawi: جامع النور الكبير) marupoan sabuah musajik atau masjid nan barado di Pekanbaru, Indonesia. Lokasi tampek musajik ko labiah tapeknyo barado di Jalan Hang Tuah, Sumahilang, Kota Pekanbaru, Provinsi Riau. Musajik iko dibangun pado tahun 1963 nan kamudian salasai pada tahun 1968. Musajik nan barado di ibu kota Provinsi Riau, Pekanbaru tasabuik pado maso kiniko marupoan sala ciek nan termegah di Indonesia. Diliek dari sisi bangunannyo, musajik banyak mandapat pangaruah dari gaya arsitektur Melayu, Turki, Arab jo India.[1]

Sijarah[suntiang | suntiang sumber]

Musajik Raya An Nur resmi tagak pado tanggal 27 Rajab 1388 H atau labiah tapeknyo pado tanggal 19 Oktober 1968, Musajik Agung An-Nur diresmian dek Bapak Arifin Ahmad, nan marupoan Gubernur Riau di wakatu itu. Kamudian pado tahun 2000, pado maso gubernur Saleh Djasit musajik iko direnovasi sacaro kasaluaruahannyo.[2]

Musajik Agung An-Nur Riau nan dapek dicalaik baaitu megah pado maso kiniko bukanlah bangunan asli nan pambangunan di tahun 1966 jo diresmian tahun 1968. Tapi marupoan bangunan hasia renovasi total jo pambangunan balaik dari musajik Agung An-Nur nan lamo. Di pagantian milenium tahun 2000 nan lalu, katiko Provinsi Riau dibawah kapamimpinan gubernur Shaleh Djasit, Musajik Agung An-Nur nan lamo di rombak total ka bantuaknyo kiniko.[2]

Dari pambangunan tahun pado 2000 tasabuik lueh lahan musajik iko batambah tigo kali lipek dari sabalumnyo nan hanyo salueh 4 hektar manjadi 12.6 hektar. Luehnyo lahan musajik baru iko maagia kaleluasaan untuak sakalian manyadioan lahan tabuka untuak publik atau masyarakaik Pekanbaru tamasuak di dalamnyo kawasan taman nan hijau jo lahan parkir nan sangaik lueh.[3]

Dalam sijarahnyo Musajik Agung An-Nur pernah manjadi kampus untuak Fakultas Ushuluddin Institut Agama Islam Negeri (IAIN) Sultan Syarif Kasim Pekabaru pado awa pandiriannyo hinggo tahun 1973. IAIN Sultan Syarif Kasim kini alah Manjadi Universitas Islam Negeri Sultan Syarif Kasim (UIN SUSKA) Pekanbaru.[4]

Arsitektur[suntiang | suntiang sumber]

Musajik Agung An-Nur Riau di Pekanbaru iko disabuik disabuik juo sabagai Taj Mahalnya provinsi Riau. Apobilo diparatian, arsitektural musajik Agung An-Nur iko memang mampunyoi babarapo pasamoan jo bantuak Taj Mahal. Arsitektur Musajik iko dirancang dek Ir. Roseno nan puyo ukuran 50 X 50 m nan barado didalam sabuah pakarangan nan luehyo 400 X 200 m. Kapasitas musajik iko dapek manampung sakitar 4.500 urang jamaah. Bangunan musajik tadiri dari tiga tingkek. Tingkek ateh digunoan untuak sholat, sadangkan tingkek bawah diparuntuak untuak kantor jo ruang patamuan.[5]

Musajik iko mampunyoi tigo buah janjang, 1 buah janjang di bagian muko dan 2 buah janjang di bagian sampiang. Di bagian ateh tadiri dari 13 buah pintu jo bagian bawah tadiri dari 4 buah pintu nan mampunyoi kamar-kamar nan gadang sarato tadapeknyo sabuah aula. Sadangkan tulisan kaligrafi nan tadapek dalam ruangan musajik iko ditulis dek saurang kaligrafer nan banamo Azhari Nur dari Jakarta nan dibueknyo pado tahun 1970.[6]

Lantai bagian bawah musajik marupoan tampek sekretariat panguruih musajik, manajemen musajik, jo remaja musajik sarato ruang ruang kelas tampek palaksanaan pendidikan Islam. Musajik Agung An-Nur Riau iko alah pulo dilengkapi jo eskalator panghubuang antaro lantai partamo jo lantai kaduo. Di halaman musajik Agung An-Nur Riau marupoan lapangan nan lueh.[7]

Musajik Agung An Nur dilengkapi pulo dek bamacam fasilitas sarupo pendidikan mulai dari tingkek playgrup, TK, SD, SMP & SMA, perpustakaan nan lengkap jo fasiltas lainnyo sarupo aula jo ruang pertemuan, ruang kelas jo ruang kantor. Salain itu, Musajik Agung An Nur mampunyoi Radio Penyiaran Komunitas nan banamo LPK An-Nur FM dengan frekuensi 107.7 MHz.[8]

Galeri[suntiang | suntiang sumber]

Bacaan labiah lanjuik[suntiang | suntiang sumber]

  • Tjokrosaputro, Teddy (2011). 100 Masjid Terindah Indonesia. Jakarta: PT Andalan Media. ISBN 978-602-99731-0-5.  (Indonesia)

Rujuakan[suntiang | suntiang sumber]

  1. "Sistem Informasi Masjid". simas.kemenag.go.id. Diakses tanggal 2021-03-11. 
  2. a b Media, Kompas Cyber (2019-05-21). "Masjid Agung An-Nur Pekanbaru, Salah Satu Masjid Termegah di Indonesia yang Mirip Taj Mahal Halaman all". KOMPAS.com (dalam bahasa Indonesia). Diakses tanggal 2021-03-11. 
  3. "Ini Sejarah Berdirinya Mesjid Agung An Nur Pekanbaru nan Megah". GoRiau.com (dalam bahasa Indonesia). 2016-09-10. Diakses tanggal 2021-03-11. 
  4. Aditya. "Masjid Agung An-Nur, Megah Penuh Makna". www.ranahriau.com (dalam bahasa Indonesia). Diakses tanggal 2021-03-12. 
  5. "Masjid Agung An-Nur, Masjid Kebanggaan Masyarakat Riau". 17 Juli 2012. Diarsipkan dari versi asli tanggal 2016-11-21. Diakses tanggal 2021-03-12. 
  6. "Dunia Masjid :: Jakarta Islamic Centre - Masjid Agung An Nur". Diakses tanggal 2021-03-12. 
  7. "Masjid An-NurPekanbaru Riau" (dalam bahasa Indonesia). Diakses tanggal 2021-03-12. 
  8. "Masjid Agung An-Nur, Keindahan Taj Mahal ala Pekanbaru!". BroSisPKU (dalam bahasa Indonesia). Diakses tanggal 2021-03-12.