Kaligrafi

Dari Wikipedia baso Minang, ensiklopedia bebas
Loncat ke navigasi Loncat ke pencarian

Kaligrafi (bahaso Yunani; καλλι "kaindahan" + γραφος "manulih" ) atau seni khat adolah seni manulih sacaro indah jo pena sabagai hiasan. Tulisan dalam bantuak kaligrafi biasonyo indak untuak dibaco jo konsentrasi tinggi dalam waktu lamo, karano sifaiknyo mambuek mato capek latiah. Karano itu sangaik sulik manamuan contoh kaligrafi sabagai tipografi buku-buku maso kini. Walaupun kaligrafi dalam tulisan arab, tapi banyak pulo dipakai dalam tulisan latin.

Kaligrafi Islam[suntiang | suntiang sumber]

Di dalam seni rupa Islam, tulisan Arab acok dibuek kaligrafi. Biasonyo diambiak dari ayaik-ayaik Alquran. Bantuaknyo bamacam-macam, indak sadonyo ditulih jo pena, tapi bisa juo di ditatahkan di ateh logam atau kulit. Kaligrafi Islam contohnyo bisa dapek dicaliak di Istana Al Hamra, Spanyol.

Kaligrafi Musajik[suntiang | suntiang sumber]

Salain istano, pamakaian kaligrafi juo acok ditemui jo bantuak kaligrafi rancak nan tadapek dalam musajik. Sainggo pamakaian kaligrafi di musajik, acok disabuik jo kaligrafi musajik. Sabagai tampek ibadah nan suci umat Islam jo acok dikunjuangi, musajik ditampilan dalam panggambaran nan indah dan religius.