Muhammad Yasin al-Fadani

Dari Wikipedia baso Minang, ensiklopedia bebas
Loncat ke navigasi Loncat ke pencarian

Syekh Muhammad Yasin bin Muhammad Isa Al-Fadani (Arab: محمد ياسين بن محمد عيسى الفاداني‎, lahia di Mekkah, Arab Saudi, 17 Juni 1915 – maningga di Mekkah, 20 Juli 1990 pado umua 75 taun) adolah surang ahli sanad hadist, ilimu falak, bahaso Arab, jo pandiri Madrasah Darul Ulum al-Diniyyah, Mekkah.[1] Baliau adolah anak dari ulama tanamo Syekh Muhammad Isa al-Fadani asa Padang, Sumatera Barat.[2]

Kaidupan[suntiang | suntiang sumber]

Al-Fadani mulai mampalajari Islam dari apaknyo Syekh Muhammad Isa. Kudian baliau malanjuikan pandidikannyo di Madrasah al-Shaulatiyah. Dek karano ado kasus guru-guru asa India mancimeeh para palaja Indonesia jo Asia Tenggara, mangko baliau turuik sarato mandirian Madrasah Darul Ulum al-Diniyyah, sarato manyalasaian pandidikannyo di sikola ko. Satalah manjalani pandidikan formal, baliau bapindah-pindah tampek untuak baraja kapado babarapo ulama Timur Tangah. Salain mancari ilimu, baliau ikuik juo mangaja jo maagiah kuliah di Masjidil Haram jo madrasah nan didirikannyo. Baliau mangaja tarutamo pado mata kuliah ilimu hadist. Baliau marupoan surang ulama nan kuek bapagang kapado ajaran Ahlul Sunnnah wal Jamaah.

Salain acok mangaja, baliau rajin juo manulih kitab. Jumalah karyanyo mancapai 97 buku, diantaronyo 9 buku tantang ilimu hadist, 25 buku tantang ilimu ushul fiqih, sarato 36 buku tantang ilimu falak. Buku-bukunyo banyak dibaca dek para ulama jo manjadi rujuakan lembaga-lembaga Islam, pondok pesantren, baiak nan Arab Saudi maupun di Asia Tenggara[3] Kitabnyo nan paliang tanamo, Al-Fawaid al-Janiyyah, manjadi materi silabus dalam mato kuliah ushul fiqih di Fakultas Syariah Al-Azhar Kairo.

Karya[suntiang | suntiang sumber]

  • Al-Durr al-Mandlud Syarh Sunan Abi Dawud, 20 Juz
  • Fath al-'Allam Syarh Bulugh al-Maram, 4 jilid
  • Nayl al-Ma'mul 'ala Lubb al-Ushul wa Ghayah al-wushul
  • Al-Fawaid al-Janiyyah Ala Qawa'idil Al-Fiqhiyah
  • Jam'u al-Jawani
  • Bulghah al-Musytaq fi 'Ilm al-Isytiqaq
  • Idha-ah an-Nur al-Lami' Syarh al-Kaukab as-Sathi'
  • Hasyiyah 'ala al-Asybah wan an-Nazhair
  • Ad-Durr an-Nadhid
  • Bulghyah al-Musytaq Syarh al-Luma' Abi Ishaq
  • Tatmim ad-Dukhul Ta'liqat 'ala Makhdal al-Wushul ila 'Ilm al-Ushul
  • Nayl al-Ma'mul Hasyiyah 'ala Lubb al-Ushul wa syarhih Ghayah al-Wushul
  • Manhal al-Ifadah
  • Al-Fawaid al-Janiyyah Hasyiyah 'ala al-Qawaid al-Fiqhiyyah
  • Janiyy ats-Tsamar Syarh Manzhumah Manazil al-Qamar
  • Mukhtashar al-Muhadzdzab fi Istikhraj al-Awqat wa al-Qabilah bi ar-Rubi'i al-Mujib
  • Al-Mawahib al-Jazilah syarh Tsamrah al-Washilah fi al-Falaki
  • Tastnif al-Sami'i Mukhtashar fi Ilmi al-Wadh'i
  • Husn ash-Shiyaghah syarh kitab Durus al-Balaghah
  • Risalah fi al-Mantiq
  • Ithaf al-Khallan Tawdhih Tuhfah al-Ikhwan fi 'Ilm al-Bayan
  • Ar-Risalah al-Bayaniyyah 'ala Thariqah as-Sual wa al-Jawab

Catatan kaki[suntiang | suntiang sumber]

  1. Martin van Bruinessen, Kitab Kuning, Pesantren, dan Tarekat: Tradisi-tradisi Islam di Indonesia, 1995
  2. Zuhairi Misrawi, Mekkah, Penerbit Buku Kompas, 2009
  3. Abdurrahman Wahid, Islam kosmopolitan: Nilai-nilai Indonesia dan Transformasi Kebudayaan, Wahid Institute, 2007