Mohammad Amir

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Mohammad Amir
Mantari Negara ka-1
Maso jabatan
2 September 1945 – 14 November 1945
Presiden Soekarno
Data paribadi
Lahia 27 Januari 1900
Bendera Balando Talawi, Sawahlunto, Sumatera Barat, Hindia Balando
Wafaik 1949
Bendera Balando Amsterdam, Balando
Kabangsaan Bendera Indonesia Indonesia
Partai politik Non Partai
Pasangan hiduik C.M Amir-Fournier
Anak Anton Amir
Anneke Amir
Agamo Islam

Dr. Mohammad Amir (laia di Talawi, Sawahlunto, Sumatera Barat, 27 Januari 1900 - maningga di Amsterdam, Belanda, 1949) adolah pajuang kamardekaan sarato politikus Indonesia nan manjabat sabagai mantari sasudah Indonesia mardeka. Baliau manjabat sabagai mantari nagaro pado Kabinet Presidensial di taun 1945.

Asa usua[suntiang | suntiang sumber]

Amir laia dari pasangan M. Joenoes Soetan Malako jo Siti Alamah. Dalam adaik Minangkabau nan matrilineal, Amir maikuti suku ibu iyolah suku Mandaliko. Kaluarganyo adolah kaum nan tapalajar. Salain Amir, kaduo sapupunyo iyolah Mohammad Yamin sarato Djamaludin Adinegoro-pun tokoh pagarakan kamardekaan Indonesia.

Pandidikan[suntiang | suntiang sumber]

Pada wakatu mudo, Amir dibao dek kakak ibunyo, Mohammad Jaman gala Radjo Endah ka Palembang. Di kota ko Amir baraja di HIS, sakola dasar untuak anak-anak pribumi. Sabalun tamaik HIS, Amir pindah ka Batavia lalu malanjuik-an pandidikan dasarnyo di ELS. Amir manaruihan studinyo ka janjang pandidikan manangah di MULO. Disinan baliau tamat baraja pado taun 1918, lalu kudian malanjuik-an ka STOVIA. Sasudah tamaik STOVIA, antaro taun 1924-1928, Amir mandapek kasampatan untuak manaruihan baraja di Fakultas Kadotoran Universitas Utrecht, Balando malalui beasiswa dari pakumpulan Teosofi.

Panggiat[suntiang | suntiang sumber]

Tanggal 8 Desember 1917, Amir basamo jo Tengku Mansur sarato sajumlah siswa Sumatera lainnyo mandirian Jong Sumatranen Bond (JSB), maikuti jajak pamuda-pamuda Jawa nan mandirikan Jong Java duo taun sabalunnyo. Para pamuda ko-pun bagabuang untuak mampasiap-an diri sabagai panggarak dalam upayo mampabaiki taraf kahidupan rakyaik Sumatera. Manuruik majalah Pemoeda Soematra nan mulai ditabik-an sajak 1918, dalam sataun jumlah anggota pahimpunan manjadi sakitar 500 urang jo cabang di Jakarta sarato Padang nan paliang banyak anggotanyo. Pado rapek taunan JSB tanggal 26 Januari 1919, Amir tapiliah sabagai wakil panguruih mandampiangi Tengku Mansur nan manjabat sabagai katua. Satahun kudian Amir tapiliah manjadi katua manggantian Mansur nan alah luluih dari STOVIA. Taun 1922, posisi Amir sabagai katua umum digantian dek Bahder Djohan. Di Balando, taun 1925 baliau tapiliah manjadi komisaris Pahimpunan Indonesia.

Tanggal 14 Agustus 1945, basamo Teuku Mohammad Hasan, Amir mahadiri sidang PPKI mawakili rakyaik Sumatera. Pado maso pambantuak-an kabinet Presidensial, Amir ditunjuak manjadi mantari nagaro basamo jo Wahid Hasjim, R.M Sartono, A. A. Maramis, sarato Otto Iskandardinata. Pado bulan Desember 1945, Amir diangkek manjadi wakil gubernur Sumatera mandampiangi Teuku Moh. Hasan nan alah labiah dulu diangkek manjadi gubernur.

Pambarontakan sosial nan tajadi di Sumatera Timur manjadi ancaman dek Amir jo kaluarganyo. Karano paristiwa ko Amir dipindahan dari Medan ka Sabang. Kudian dari kota tu, Amir ditabangan ka Utrecht, tampek baliau baraja samaso mudo. Karano tindakannyo tu Amir dituduah sabagai pangkhianat bangso. Di maso akhia hiduiknyo, ateh bantuan D. J. Warouw baliau tingga di Sulawesi, bapindah-pindah dari Gorontalo, Palu, lalu akhianyo Makassar.

Karya[suntiang | suntiang sumber]

Mohammad Amir manyukoi sarato tagarak dek tulisan-tulisan nan ado di surek kaba jo majalah nan tasadio di STOVIA. Amir mandapek-an bimbingan manulih dari Landjoenan gala Datoeak Tamangguang, panabik majalah bulanan Suluh Pelajar, Cahaya Hindia, sarato harian Neraca. Amir surang manulih babagai karangan dalam bahaso Balando, antaro lain tantang karya sastra Balando rangkaian Mathilde ciptaan Jacques Perk jo tantang Multatuli sabagai pamikia etika jo pajuang politik. Salain bakarajo sabagai psikiater, Amir-pun acok talibat dalam panulihan artikel di majalah Pujangga Baru. Disiko baliau manantang gagasan Sutan Takdir Alisjahbana nan mampropagandakan pambaratan pado masyarakaik Indonesia. Taun 1940 kumpulan tulisan Amir ditabik-an di Medan nan bajudul Bunga Rampai.

Rujuak-an[suntiang | suntiang sumber]

  • Amir, Moh; Boenga Rampai, Melawat ka Djawa
  • Aswab Mahasis dan Ismed Natsir, Kaum cendekiawan di Indonesia:suatu sketsa sosiologi
  • Hamka, Merantau ka Deli, Kenang-kenangan Hidup
  • Hatta, Mohammad, Memoir

Templat:PPKI