Mitsubishi Delica

Wikipedia Minangkabau - Lubuak aka tapian ilimu
Mitsubishi L300
1984–1985 Mitsubishi L300 Express 2.0 van (SD, Australia)
Panjalehan
Namo lainyo
Tahun dibuek1979–1986 (van)
1979–1994 (truck)
1981–present (Indonesia)
1987–2017, 2019–present (Philippines)
Kantua cabangJapan: Nagoya (Nagoya Plant)
Indonesia:
Pulo Gadung, East Jakarta (KRM) (until 2017)
Bekasi, West Java (Mitsubishi Motors Krama Yudha Indonesia) (2017-present)
South Korea: Ulsan (Hyundai)
Philippines:
Cainta, Rizal (Mitsubishi Motors Philippines) (until 2014)
Santa Rosa, Laguna (2015-2017, 2019-present)[2]
Badan jo karangko
Bantuak oto2-door pickup
4-door van/minibus
Masin otofront-mid engine, rear-wheel-drive
front-mid engine, four-wheel-drive
Tanago oto
Masin
Tipe papindahan gigi3-speed automatic
4-speed manual
5-speed manual
Ukuran bagian oto
Sumbu rodaSWB: 2,200 mm (86.6 in)
LWB: 2,350 mm (92.5 in)
Panjang otoSWB: 4,100 mm (161.4 in)
LWB: 4,260 mm (167.7 in)
Van: 4,445 mm (175.0 in)
Leba oto1,670–1,690 mm (65.7–66.5 in) (van)
1,695 mm (66.7 in) (pickup)
Tinggi oto1,970–1,990 mm (77.6–78.3 in) (van)
1,795 mm (70.7 in) (pickup)

Mitsubishi Delica adolah jinih oto pikap nan di rancang jo di produksi dek parusahaan oto Mitsubishi nan barado di negara Japang. Oto ko Mulai di jua ka pasa samanjak tahun 1968. Model dari oto ko maniru oto truk mitsubishi nan sabalumnyo. Kalau oto truk baukuran gadang, mako oto pikap ko baukuran manangah. Di agia namo Deilca karano arti Delica tasabuik dalam bahaso inggris yaitunyo pangiriman, jadi oto ko diparuntuakan untuak mambawok-bawok kiriman barang salain dapek juo mambawok panumpang. Di Indonesia, oto ko dinamoi juo jo oto L300. Masyrakaik indonesia banyak mampagunoan oto ko untuak bakarajo sarupo maangkuik bahan-bahan sambako jo mangangkuik hasia panen sawah atau ladang untuak di bawok ka pasa.[3]

Generasi partamo[suntiang | suntiang sumber]

1975–1979 Colt T120, oto nan banyak di pakai di Indonesia

Produksi oto Mitsubishi Delica ko partamo kali iolah pado tahun 1968 hinggo tahun 1979. Oto generasi partamo ko di sabuik juo jo namo Khmer T120 jo Mitsubishi Colt T100/T120. Oto ko diproduksi di parusahaan Mitsubishi nan barado di Nagoya, Japang. Untuak cabang nyo di Indonesia, oto ko di jua di Indonesia dek parusahaan nan banamo PT Krama Yudha Ratu Motor nan barado di kawasan industri Pulo Gadung, Jakarta Timur. Oto nan banamo Colt T100 / T120 sukses gadang dalam panjualanyo di pasaran Indonesia. Samanjak oto ko di jua tahun 1968, oto ko tetap di produksi hinggo tahun 1982 untuak panjualan di Indonesia.[4][5]

Generasi kaduo[suntiang | suntiang sumber]

Oto Mitsubishi Delica generasi kaduo ko dimulai di jua ka pasa dari tahun 1979. Desain atau bantuak oto di generasi kaduo ko agak gadang dibandiang jo generasi nan partamo. Di Indonesia oto ko disabuik juo jo namo Mitsubishi colt L300. Untuak pabrik nyo di indonesia batambah ciek lai dari pabrik nyo nan di pulo gadung, kini pabrik nyo ado pulo di Bekasi, Jawa Barat nan namo parusahaanyo iolah P.T. Mitsubishi Motors Krama Yudha Indonesia. Salain bantuak oto pikap, oto ko punyo juo bantuak minibus nyo nan di pagunoaan untuak mambawo panumpang. Untuak panjualan oto di generasi kaduo ko maliputi babagai negara diantaronyo negara Australia, Piliphina, Indonesia, Korea Selatan jo India.[6][7]

Generasi katigo[suntiang | suntiang sumber]

Produksi oto generasi katigo ko dimulai tahun 1986. Untuak bantuak oto, pado generasi katigo dari oto Mitsubishi Delica ko bantuak nyo labiah agak gadang dari sabalumnyo. Oto ko di buek labiah di tujuan untuak mambawa panumpang karano oto ko alah mamakai sistem kasalamatan nan rancak. Oto ko labiah banyak di gunoan untuak pai barekreasi. Oto ko indak ado di rakik di Indonesia. Namun baitu, negara Australia mamakai oto ko nan diagia namo Mitsubishi Delica Star wangon. Salain Australia, oto ko di jua pulo di Taiwan, China, korea, jo negara-negara di Amerika utara sarupo Amerika jo kanada.[8][9]

Generasi kaampek[suntiang | suntiang sumber]

Oto Mitsubishi Delica nan generasi kaampek ko mulai di jua pado tanggal 12 Mai 1994. Oto ko mampunyoi bantuak nan sangaik elegan jo dinamis. Indak ado oto model pikap pado panjualan generasi kaampek ko, hanyo oto nan di panggunoan masih untuak mambawo panumpang. Oto di generasi kaampek ko di namoi juo jo Delica Space Gear di pasa-pasa oto di Japang. Oto ko alah batipe bapanggarak roda ampek, aratinyo oto ko dapek manampuah jalan nan indak data atau jalan batanah jo babatu-batu. Panjualan Oto ko indak masuak ka Indonesia. Oto ko di jua di Japang, Taiwan, jo Cino.[10]

Generasi kalimo[suntiang | suntiang sumber]

Oto generasi kalimo ko di luncuan pado tanggal 31 Januari 2007. Oto pado generasi ko diagia namo jo Delica D5. Oto ko di produksi dari tahun 2007 hinggo tahun 2019. Dari tahun 2007 hinggo tahun 2013, oto Delica nan di produksi ko manggunoan bahan baka bensin. Kamudian, sasudah tahun 2013, oto nan diproduksi indak manggunoan bahan baka bensin lai tapi manggunoan bahan baka solar. Oto punyo limo pintu, duo di suok jo di kida jo ciek dibalakang sabagai tampek bagasi. Oto Delica D5 ko resmi di jua di Indonesia pado tanggal 18 September 2014. Dijua di Indonesia dari tahun 2014 hinggo tahun 2019.[11][12]

Poto Mitsubishi Delica/Colt L300 (Indonesia)[suntiang | suntiang sumber]

  • L300 pangangkuik barang
    L300 pangangkuik barang
  • L300 ambulan
    L300 ambulan

Rujuakan[suntiang | suntiang sumber]

  1. ↑ 1987 Ford Husky Van Ad, www.flickr.com. Retrieved 05 Mai 2020
  2. ↑ Sarne, Vernon (2013-05-30). "Mitsubishi PH president wants new model, more units made in Cainta". Top Gear Philippines. Diarsipkan dari versi asli tanggal 2017-09-14. 
  3. ↑ Fact & Figures 2005 Archived 2016-03-04 di Wayback Machine., p.33, Mitsubishi Motors website
  4. ↑ Ozeki, Kazuo (2007) (dalam bahaso Japanese). 日本のトラック・バス 1918~1972. Tokyo: Miki Press. p. 113. ISBN 978-4-89522-494-9. 
  5. ↑ Ruwendo Suswanto, Budiono. (dalam bahaso Indonesian)Mobil & Motor (PT Informedia Indonesia) XX (21): 12–13. ISSN 0047-7591. 
  6. ↑ "Facts & Figures, Mitsubishi Motors Corporation 2000". Section V (Current model lineup), page 6 (Naming in global markets). Tokyo: Mitsubishi Motors. 1 September 2000. p. 18. http://www.mitsubishi-motors.com/corporate/ir/share/pdf/e/fact0009.pdf. Diakses pado 30 Oktober 2010. 
  7. ↑ Zulkifli, BJ (5 May 2010). "Isuzu Bison Lebih Mahal dari Mitsubishi L300" [Isuzu Bison more expensive than the Mitsubishi L300]. Kompas Otomotif (dalam bahasa Indonesian). KOMPAS.com. Diakses tanggal 05 Mai 2020. 
  8. ↑ "Notable MMC Cars" (PDF). Mitsubishi Motors: Facts & Figures 2010. Mitsubishi Motor Corporation. 2010. hlm. 31. Diarsipkan dari versi asli (PDF) tanggal 16 June 2012. 
  9. ↑ "L300 – Specification". Bahrain: Mitsubishi Motors. Diarsipkan dari versi asli tanggal 24 June 2008. 
  10. ↑ "Changes to Mitsubishi's Walk-Thru Express Van". AutoWeb. 12 May 2004. Diarsipkan dari versi asli tanggal 4 March 2016. Diakses tanggal 05 Mai 2020. 
  11. ↑ "Mitsubishi Motors launches new Delica D:5"[pranala nonaktif permanen], Mitsubishi Motors press release, 31 January 2007
  12. ↑ "archive copy". Diarsipkan dari versi asli tanggal 2017-01-04. Diakses tanggal 2020-05-05. 
Diambiak dari "https://min.wikipedia.org/w/index.php?title=Mitsubishi_Delica&oldid=3151881"