Lompat ke isi

Metode ilmiah

Wikipedia Minangkabau - Lubuak aka tapian ilimu
Eksperimen marupoan salah satu caro untuak manyalasaikan pamasalahan malalui sarangkaian proses metode ilmiah.

Metode ilmiah adolah suatu prosedur atau tata caro sistematis nan digunoan para ilimuwan untuak mamacahkan masalah-masalah nan dihadok i.[1] Metode ilmiah malibatkan pangamatan jo pangukuran nan cermat, palaksanaan eksperimen, pangujian, jo modifikasi hipotesis.[2]

Meskipun prosedur metode ilmiah bavariasi dan cenderung spesifik untuak satiok bidang, proses nan mandasarinyo acok kali samo. Proses dalam metode ilmiah malibatkan pambuatan dugoan (panjalehan hipotesis), manurunkan prediksi dari hipotesis sabagai konsekuensi logis, dan kamudian malakukan eksperimen atau pangamatan empiris badasarkan prediksi tasabuik.[3]

Hipotesis adolah dugaan, badasarkan pangatahuan nan diparoleh katiko mancari jawaban ateh partanyoan akan suatu masalah. Hipotesis dapek basifaik sangaik spesifik maupun lueh. Para ilimuwan kamudian manguji hipotesis nan alah dirumuskan malalui eksperimen atau studi.[4] Hipotesis ilmiah harus dipandang badasarkan sisi kasalahannyo (falsifikasi). Hal iko batujuan untuak mangidentifikasi kamungkinan hasil dari eksperimen atau pangamatan nan dilakukan apabilo batantangan jo prediksi nan disimpulkan dari hipotesis. Jiko indak dianggap demikian, hipotesis indak dapek diuji sacaro bamakno.[5]

Metode eksperimen dimulai dengan hipotesis. Eksperimen dirancang untuak manguji hipotesis dengan mangamati respons ciek variabel tahadok parubahan sajumlah variabel lain dalam kondisi nan takandali. Data dianalisis untuak manantuan apokah ado hubuangan nan mambanakan atau manyangka hipotesis.[6]

Metode ilmiah mampunyoi kaitan nan araik jo karajo ilmiah. Karajo ilmiah marupoan caro karajo ilmuan dalam mamacahkan masalah dengan manerapkan babagai langkah nan taratur jo sistematis sabagai implementasi dari metode ilmiah.[1]

Sijarah[suntiang | suntiang sumber]

Aristoteles, saurang filsuf Yunani, diakui sabagai tokoh patamo nan manggunoan metode ilmiah dalam mancari pangatahuan. Hal iko karano analisis manganai implikasi logis nan diusulkannyo tastruktur rapi dan babeda dengan filsuf sabalumnyo.[7]

Ibnu al-Haitsam atau Alhazen marupoan ilmuwan Islam dari bidang sains, matematika, jo filsafat nan dianggap sabagai bapak metode ilmiah modern. Pandekatan nan dilakukan dek Alhazen digunoan untuak manyalidiki fenomena, mamaroleh pangatahuan baru, atau mangoreksi jo mangintegrasian pangatahuan sabalumnyo badasarkan pangumpulan data. Pangumpulan data iko dilakukan malalui proses pangamatan jo pangukuran, dilanjutkan jo parumusan jo pangujian hipotesis untuak manjalehan data.[8]

Pado abaik katujuah baleh, Francis Bacon jo René Descartes, mancubo maagia panjalehan rinci tantang bagaimano para ilmuwan harus malanjuikan pancarian pangatahuan. Meskipun ide nan ditawarkan dalam metode ilmiah khusus iko taliek murah untuak dilakukan, tatapi salamo abaik kaduo puluah banyak filsuf jo tokoh lainnyo manjadi skeptis tantang gagasan mambarikan sasuatu sarupo resep atau metode khusus untuak sains. Sains dianggap sabagai proses nan talampau kreatif dan indak dapek diprediksi sahinggo indak ado resep jo metode nan dapek manjalehannyo— hal iko tarutamo bana dalam kasus ilmuwan gadang sarupo Newton, Darwin, dan Einstein.[9] Metode ilmiah dianggap sabagai jambatan atau strategi ilmiah nan manghubuangkan teori logis nan basifaik abstrak dan panduan langkah nan talampu sederhana. Kamudian muncul harapan bagaimano hubuangan teori jo dunia malalui strategi nan digeneralisasi tasabuik.[9]

Ciri-ciri panalitian ilmiah[suntiang | suntiang sumber]

Panalitian ilmiah marupoan panyalidiakan nan manggunoan metode ilmiah dan dipandu jo teori dan hipotesis tentang babagai masalah nan akan dipacahkan.[10] Adapun babarapo ciri panalitian ilmiah iko antaro lain sabagai barikuik.

Batujuan (purposiveness)[suntiang | suntiang sumber]

Kagiatan panalitian diawali jo kagiatan panantuan tujuan yakni untuak mamacahkan masalah ilmu pengetahuan nan bamanfaat untuak pakambangan ilmu pangatahuan. Dek karano itu, malalui panalitian nan dilakukan dapek dikatahui apokah masalah tasabuik dapek tasalasaikan atau mambutuahkan pananganan leabiah lanjuik.[10]

Sistematik jo taorganisasi[suntiang | suntiang sumber]

Panalitian balangsuang dalam sarangkaian proses nan tastruktur jo tasusun ateh babagai tahap nan jaleh. Urutan tahapan harus jaleh, meskipun indak barurutan jo langkah metode ilmiah, tatapi harus dipastian tahapannyo. Hal iko supayo mamungkinkan dalam mamariso relevansi hasia jo caro untuak mandapekan hasia tasabuik.[10]

Empirik[suntiang | suntiang sumber]

Pado panalitian ilmiah, data utamo nan digunoan untuak mamacahkan masalah marupoan data empiris yakni basumber dari pangamatan jo panyalidikan sacaro langsuang.[10]

Dapek diulang[suntiang | suntiang sumber]

Panalitian takaiik topik jo masalah nan samo dapek diulangi dek urang lain untuak mamarikso kabanaran panalitiannyo. Hal iko bararti tahapan panalitian nan samo dapek digunoan untuak manaliti masalah nan samo di lingkuangan babeda.[10]

Objektivitas[suntiang | suntiang sumber]

Saluruah proses nan dilakukan dalam panalitian harus basifaik objektif, khususnyo kasimpulan nan ditarik malalui interpretasi dari hasia analisis data nan objektif dan badasarkan fakta aktual.[10]

Dapek digeneralisasi[suntiang | suntiang sumber]

Hasia nan ditamukan pado panalitian diubah ka dalam informasi nan dijabarkan sacaro umum untuak manggambarkan gajalo nan yang diteliti dan gajalo nan samo di tempek lain.[10]

Unsua[suntiang | suntiang sumber]

Unsua utamo metode ilmiah[11] adolah pangulangan ampek langkah barikuik:

  1. Karakterisasi (pangamatan akan masalah nan alum dapek tasalasaikan)
  2. Hipotesis (panjalehan teoretis nan marupoan dugoan ateh hasia pangamatan jo pangukuran, sabagai prinsip utamo nan mandasari pambuktian)
  3. Prediksi (deduksi logis dari hipotesis)
  4. Eksperimen jo pangukuran (pangujian ateh kasado unsua, data nan didapekan harus dapek diukur dan dianalisis)[11]

Tahapan[suntiang | suntiang sumber]

Tahapan pado metode ilmiah indak fokus pado ciek urutan malainkan sabuah prosesif nan leksibel dan dapek berulang.

Tadapek banyak pandapek kontroversial takaik langkah-langkah metode ilmiah. Adopun kasalahpahaman nan umum takaiik metode ilmiah yakni tasusun ateh langkah-langkah tatantu dengan urutan nan pasti. Namun, sabananyo langkah-langkah dalam metode ilmiah iko mampunyoi banyak variabel nan manjadian satiok tahapan nan dijalani adolah sabuah proses kreatif. Hal iko bararti indak ado urutan nan pasti untuak satiok langkah dalam manjalani metode ilmiah dan sangaik mungkin dapek tajadi pangulangan.[12]

Manamuan jo marumusan masalah[suntiang | suntiang sumber]

Kagiatan manamuan masalah dapek dilakuan malalui observasi atau pangamatan untuak salanjuiknyo marumusan masalah manjadi sabuah partanyoan. Masalah iko dapek ditamui dari kagiatan harian, teori nan diminati panaliti, bidang nan alum ditaliti, maupun hasia diskusi jo urang lain.[13]

Adopun caro manamuan masalah dapek dilakuan pado satiok bidang ilimu. Misalnyo pado biologi, caro manantuan masalah dalam panalitian biologi adolah jo mamparahatian objek biologi pado lingkungan sakitar. Sarupo dalam mangamati patambahan tinggi suatu tanaman dalam rentang wakatu tatantu, sarupo hari atau minggu. Badasarkan pangamatan tasabuik dapek manimbulkan partanyaan-partanyaan nan nantinyo akan dirumuskan jo disalasaikan malalui metode ilmiah.[1]

Masalah-masalah baiak nan punyo ciri-ciri tatantu, sarupo banilai kompetitif nan apobilo alah dipacahkan dapek bamanfaat untuak kahidupan manusia jo dunia ilimu pangatahuan, mampunyoi visibilitas nan apobilo dilakuan dek urang nan babeda akan mambuahkan hasia nan samo, sarato sasuai jo kualifikasi panulis misalnyo umua, kamampuan jo dayo dukuang.[1]

Observasi atau proses pangamatan jo katarangan marupoan kagiatan mangamati objek jo caro manggunoan parangkek observasi. Parangkek observasi tadiri dari duo jinih yaitunyo panca indera jo alaik bantu observasi lainnyo nan didesain untuak mangatahui bantuak, ukuran, warna, caro bajalan, suaro, bau, kahalusan kulik, atau raso dari sasuatu.[14]

Palibatan panca indra dalam observasi manggunoan indra panglihatan (mato), indra pandangaran (talingo), indra paraba (kulik), indra pancium (hiduang), jo indra peraso (lidah). Samantaro alaik bantu observasi nan dimaksud adolah mikroskop, lup, karateh lakmus, mistar, jo termometer.[14]

Marumusan hipotesis[suntiang | suntiang sumber]

Panalitian biasonyo dimulai dengan sabuah masalah. Partanyaan, tujuan, jo hipotesis maagia parnyataan ulang jo klarifikasi dari parnyataan masalah atau partanyaan panalitian.[15]

Hipotesis adolah panjalehan tentatif nan manjalehan sarangkaian fakta dan dapek diuji jo caro panyalidikan labiah lanjuik.[15] Hipotesis dikenal pulo sabagai jawaban samantaro tahadok suatu masalah badasarkan teori jo fakta.[14][16]

Hipotesis harus manjadi parnyataan manyatoan hubuangan antaro duo atau labiah variabel taukua. Itu harus mambawo implikasi nan jaleh untuak pangujian hubuangan nan dinyatoan.[15] Hipotesis dianggap sabagai parnyatoan nan mampakenalkan partanyaan panalitian dan mangusulkan hasia nan diharapkan. Hipotesis marupoan bagian integral dari metode ilmiah nan mambantuak dasar eksperimen ilmiah. Dek karano itu, dalam mambangun hipotesis paralu parhatian jo kahati-hatian untuak manghindari dampak buruak pado eksperimen nan akan dilanjuikan kamudian.[17] Prediksi tasabuik mungkin maramalkan hasia suatu eksperimen dalam laboratorium atau pangamatan suatu fenomena di alam. Prediksi tasabuik dapek pulo basifaik statistik dan hanyo barupo probabilitas. Hasia nan diramalkan dek prediksi tasabuik haruslah alum dikatahui kabanarannyo (apokah batua-batua akan tajadi atau indak). Prediksi harus disaratoi dengan alasan nan rasional dan bukan hanyo sakadar manebak jawaban.[18]

Marancang jo malakukan panalitian[suntiang | suntiang sumber]

Sasudah prediksi dibuek, hasianyo daek diuji jo panalitian, eksperimen ataupun observasi lanjutan. Apobilo hasia prediksi tasabuik sasuai jo hasia observasi dan sasudah mereka mamparoleh panjalehan tantang kabanaran prediksinyo, mako akan timbua kayakinan akan kabanaran suatu konsep. Namun, jiko dugaannyo indak tapek mako siswa dapek mancari panjalehan tantang katidaktepatan prediksinyo dan mambutuahkan pabaikan atau bahkan paralu ditinggaan.[18]

Hasia panalitian indak pernah dapek mambenarkan suatu hipotesis, malainkan maningkatkan probabilitas kabanaran hipotesis tasabuik. Hasia panalitian sacaro mutlak dapek manyalahkan suatu hipotesis bilo hasia panalitian tasabuik batantangan dengan prediksi dari hipotesis.[19]

Pangamatan dapek dilakukan sacaro langsuang dan indak langsuang, bahkan fakta nan taliti dimungkinkan dapek dilaksanakan dengan bantuan alaik nan dibuek manusia dengan metode ilmiah.[20]

Marancang panalitian

Langkah partamo nan dilakukan dalam marancang suatu panalitian adolah dengan manantuan variabel panalitian. Variabel panalitian adolah hal nan penting sabagai objek pangamatan panalitian.[21] Variabel disabuik juo paubah. Ado tigo jinih variabel dalam panalitian yaitu variabel bebas, variabel kontrol, jo variabel terikat. Variabel bebas adolah variabel nan manyebabkan palakuan atau perubahan. Variabel terikek marupon parubahan-parubahan nan diakibaikan dek suatu palakuan. Samantaro, variabel kontrol adolah variabel nan dapek mampangaruhi hasia eksperimen namun dijago bia indak bapangaruah.[1]

Sasudah manantuan variabel, panaliti manantuan pulo lokasi, tampek, jo wakatu panalitian nan tarancano jo jaleh. Salain itu, panaliti manantuan pulo alaik jo bahan nan akan digunoan untuak mambantu proses panalitian. Panaliti harus juo manantukan sampel nan akan ditaliti. Sasudah kasodonyo lengkap, panaliti malanjuikan langkah berikutnyo barupo palaksanaan panalitian.[1]

Mangorganisasi jo manganalisis data[suntiang | suntiang sumber]

Diagram batang marupoan salah satu alternatif panyajian data hasia panalitian bia dapek ditafsirkan sacaro utuh.

Mengelompokkan informasi dan data

Pangalompokkan informasi jo jinih data dilakuan badasarkan data nan diparoleh dari objek pangamatan nan disajikan sasuai karakteristik data dalam bantuak tabel, diagram, grafik, atau sajian lainnyo. Panyajian data tasabuik dilakukan untuak mampamudah analisis guno mambuktikan hipotesis dalam menjawek tujuan panalitian.[1]

Tahap iko manakankan panyusunan fakta dalam babagai kalompok, jinih, jo kelas. Dalam cabang-cabang ilmu, usaho untuak mangidentifikasi, manganalisis, dan mambandingkan jo fakta nan relevan disabuik taksonomi.[20]

Manafsirkan hasia pangolahan data

Data nan diparoleh dari panalitian akan diolah sacaro sistematis jo komunikatif, misalnyo dalam tabel sederhana atau grafik nan dianalisis dengan baiak sacaro kualitatif, kuantitatif, statistik, atau deskriptif sahinggo panaliti dapek manarik kasimpulan samantaro. Dari kasimpulan samantaro tasabuik dapek digunoan untuak manguji hipotesis ditarimo atau ditolak.[1]

Maambiak kasimpulan[suntiang | suntiang sumber]

Langkah salanjuiknyo dalam metode ilmiah adolah panarikan kasimpulan. Panarikan kasimpulan adolah proses maringkas hasia eksperimen, dan mancocokkan hasia tasabuik jo hipotesis nan alah disusun di awal panalitian. Apobilo hasia nan didapati indak sasuai dengan panalitian mako jangan mengubah hipotesis, malainkan mancubo manalaah baliak kakurangan panalitian. Misalnyo, informasi nan digunoan untuak manyusun hipotesis masih ado nan talewatkan atau kurangnyo katalitian dalam malakukan panalitian.[22]

Dalam manarik kasimpulan indak salamonyo manarimo hipotesis, tatapi tadapek kamungkinan hipotesis ditolak. Mambangun kabenaran nan dilakuan jo metode Ilmiah pado dasarnyo dikambangkan dengan duo metode nan digabuangan, yaitu badasarkan logika jo panalaran (metode deduktif) sakaligus badasarkan fakta atau data empiris nan bahasia dikumpuan (metode induktif).[23][24]

Pola panarikan kasimpulan dalam metode deduktif marujuak pado pola bafikia nan disabuik silogisme. Metode iko bamulo dari duo panyatoan atau labiah dengan sabuah kasimpulan. Namun kasimpulan di siko hanyo banilai batua jiko kaduo premis dan caro nan digunoan batua pulo, sarato hasianyo dapek pulo manunjuakan koherensi data tasabuik.[24]

Panalaran induktif adolah caro bafikia untuak manarik kasimpulan dari pangamatan tahadok hal nan basifaik partikular ka dalam gajalo-gajalo nan basifaik umum atau universal. Sahinggo dapek dikatoan bahwa panalaran iko batolak dari kanyatoan nan basifaik tabateh dan khusus lalu diakhiri jo panyataan nan basifaik komplek jo umum.[24]

Evaluasi jo pangulangan[suntiang | suntiang sumber]

Metode ilmiah marupoan sabuah proses nan barulang. Hal iko karano ilimu salalu baputa jo bakambang sahinggo akan salalu muncua ide-ide baru dan manuntuik kembali ilmuwan untuak mampalajari labiah banyak hal manganai kailmuan. Hal iko dapek bararti bahwa panyalidikan takaik suatu topik sacaro barurutan akan mangarah kembali ka patanyaan nan samo, tatapi pado tingkek nan labiah dalam lagi.[25]

Pambuktian hipotesis indak hanyo cukuik dengan ciek percobaan. Hal iko karano mungkin sajo tajadi kasalahan pado tahapan pangujian. Mako untuak maminimalisir hal tasabuik, panalitian sabisa mungkin dilakuan baulang untuak malihat kavalidan hasia nan didapek.[22]

Rujuakan[suntiang | suntiang sumber]

  1. a b c d e f g h R. Gunawan Susilowarno, Dkk (dalam bahaso id). Biologi SMA/MA Kls X (Diknas). Jakarta: Grasindo. pp. 11-19. ISBN 978-979-025-019-2. https://books.google.co.id/books?id=LYEYkjKeaEsC&pg=PA317&dq=biologi+kelas+10&hl=id&sa=X&ved=2ahUKEwi0hJX9q5rtAhUslEsFHQ3eATgQ6AEwAnoECAgQAg#v=onepage&q=biologi%20kelas%2010&f=false. 
  2. Lexico. "SCIENTIFIC METHOD | Meaning & Definition for UK English | Lexico.com". Lexico Dictionaries | English (dalam bahasa Inggris). Diarsipkan dari versi asli tanggal 2016-08-21. Diakses tanggal 2021-12-26. 
  3. Peirce, Charles Sanders (2014). "A Neglected Argument for the Reality of God". Wikisource (dalam bahasa Inggris): 3. 
  4. Metode Penelitian Bahasa. Depok: PT Raja Grafindo Persada. 22 Juni 2019. pp. 14. ISBN 978-602-425-166-6. 
  5. Popper, Karl (2002). The Logic of Scientific Discovery. London: Taylor & Francis. pp. 264. ISBN 0-203-99462-0. http://strangebeautiful.com/other-texts/popper-logic-scientific-discovery.pdf. Diakses pado 27 Desember 2021. 
  6. Onlinepubs. "CHAPTER 2: Principles of Scientific Inquiry". onlinepubs.trb.org. Diakses tanggal 2021-12-27. 
  7. Pozzo, Riccardo (2004) (dalam bahaso en). The Impact of Aristotelianism on Modern Philosophy. Washington DC: CUA Press. pp. 41. ISBN 978-0-8132-1347-7. https://books.google.co.id/books?id=vayp8jxcPr0C&pg=PA41&redir_esc=y&hl=id#v=onepage&q&f=false. 
  8. Al-Khalili, Jim (2009). "The 'first true scientist'". BBC News (dalam bahasa Inggris). Diakses tanggal 2021-12-27. 
  9. a b Godfrey-Smith, Peter (2003). Theory and reality an introduction to the philosophy of science. Chicago: The University of Chicago Press. pp. 6-7. ISBN 978-0-226-61865-4. OCLC 1272045280. https://cursosupla.files.wordpress.com/2018/09/godfrey-smith-p-theory-and-reality-an-introduction-to-the-philosophy-of-science-2003.pdf. 
  10. a b c d e f g Silalahi, Ulber (1999). Metode dan Metodologi Penelitian. Bandung: Bina Budhaya. pp. 4-5. ISBN 9795890298. http://repository.unpar.ac.id/bitstream/handle/123456789/1739/Ulber_141073-p.pdf?sequence=1&isAllowed=y. 
  11. a b Shuttleworth, Martin. "Scientific Elements - Fundamental Parts of Scientific Research". explorable.com. Diakses tanggal 2021-12-30. 
  12. Gauch, Hugh G. (2003). Scientific Methods in Practice. Edinburgh: Cambridge University Press. pp. 3. http://catdir.loc.gov/catdir/samples/cam033/2002022271.pdf. 
  13. Shoket, Mohd (2014). "Research Problem: Identification and Formulation". International Journal of Research (IJR). 1 (4): 516–517. ISSN 2348-6848. 
  14. a b c Wardhani, Siti Pramitha Retno (2020) (dalam bahaso id). Smart Bio Series: IPA BIOLOGI SMA/MA Kelas 10, 11, 12: Diandra Kreatif. Sleman: Diandra Kreatif. pp. 9. ISBN 978-623-6571-56-9. https://books.google.co.id/books?id=HEn1DwAAQBAJ&printsec=frontcover&dq=biologi+kelas+10&hl=id&sa=X&ved=2ahUKEwjM_oetiJ_tAhVlILcAHfyYBBc4ChDoATADegQICRAC#v=onepage&q=biologi%20kelas%2010&f=false. 
  15. a b c Mourougan, Sendil; Sethuraman (2017). "Hypothesis Development and Testing" (PDF). IOSR Journal of Business and Management (IOSR-JBM. 19 (5): 34. doi:10.9790/487X-1905013440. Diarsipkan dari versi asli (PDF) tanggal 2021-12-28. Diakses tanggal 2021-12-28. 
  16. Shururi, Sati El (2016-01-01) (dalam bahaso id). Pedoman Cerdas Biologi Kelas X, XI & XII SMA/MA. Depok: Huta Publisher. pp. 3. ISBN 978-602-6805-51-5. https://books.google.co.id/books?id=smFoDgAAQBAJ&printsec=frontcover&dq=biologi+kelas+10&hl=id&sa=X&ved=2ahUKEwiFyZre_Z_tAhXXYysKHXREDnYQ6AEwB3oECAcQAg#v=onepage&q=biologi%20kelas%2010&f=false. 
  17. {{Cite web|last=Enago Academy|date=2019|title=How to Write a Research Hypothesis|url=https://www.enago.com/academy/how-t Hipotesis dilandasi jo karangko konseptual panalitian nan akan mamungkinkan prediksi badasarkan panalaran deduksi.<ref>Setyawan, Febri Endra Budi (2017) (dalam bahaso id). PENGANTAR METODOLOGI PENELITIAN: ( Statistika Praktis). Sidoarjo: Zifatama Jawara. pp. 172. ISBN 978-602-6930-66-8. https://books.google.co.id/books?hl=id&lr=&id=s5uWDwAAQBAJ&oi=fnd&pg=PA1&dq=Hipotesis+yang+berguna+akan+memungkinkan+prediksi+berdasarkan+deduksi.&ots=KiY3WlQFcg&sig=FixvHIPD8hLvppoZuGM4lHGhj3Y&redir_esc=y#v=snippet&q=deduksi&f=false. 
  18. a b Muna, Izza Alyatul (2017). "Model Pembelajaran POE (Predict-Observe-Explain) dalam Meningkatkan Pemahaman Konsep dan Keterampilan Proses IPA". El-Wasathiya: Jurnal Studi Agama (dalam bahasa Inggris). 5 (1): 79–80. ISSN 2527-631X. 
  19. Setiawan, Aries (2020). MODUL ILMU ALAMIAH DASAR. Jakarta: SEKOLAH TINGGI ILMU EKONOMI IGI. pp. 3. https://stie-igi.ac.id/wp-content/uploads/2020/04/MODUL-IAD-PERTEMNUAN-6.pdf. Diakses pado 6 Mai 2024. 
  20. a b Sabari, John (2011-01-02). "METODE ILMIAH DALAM ILMU-ILMU SOSIAL". AGASTYA: JURNAL SEJARAH DAN PEMBELAJARANNYA (dalam bahasa Inggris). 1 (1): 120–121. doi:10.25273/ajsp.v1i1.140. ISSN 2502-2857. 
  21. Hidayat, Anwar (2012). "Variabel Penelitian Adalah: Pengertian, Jenis, Contoh". Uji Statistik (dalam bahasa Indonesia). Diakses tanggal 2021-12-28. 
  22. a b Science Made Simple (2019). "The Scientific Method". www.sciencemadesimple.com. Diakses tanggal 2021-12-28. 
  23. Salim, Widono (2020). "IKD-EP: KESIMPULAN METODE ILMIAH". spada.uns.ac.id. Diakses tanggal 2021-12-28. 
  24. a b c Mustofa, Imron (2016). "Jendela Logika dalam Berfikir; Deduksi dan Induksi sebagai Dasar Penalaran Ilmiah". EL-BANAT: Jurnal Pemikiran dan Pendidikan Islam (dalam bahasa Inggris). 6 (2): 124–135. doi:10.54180/elbanat.2016.6.2.1-21. ISSN 2579-8995. 
  25. Understanding Science UCB. "The reasl process of science". Understanding Science. Diakses tanggal 30-12-2021. 

Pautan lua[suntiang | suntiang sumber]