Malamang

Dari Wikipedia baso Minang, ensiklopedia bebas
Loncat ke navigasi Loncat ke pencarian

Malamang iolah sabuah kagiatan mamasak makanan dengan caro mambaka, nan di baka disiko iolah sabuah batang batuang kiro-kiro sapanjang sameter nan sabalumnyo alah diisi jo bareh puliuk, santan kerambie, jo daun palampihnyo di dalam. Kagiatan sarupo iko biaso juo disabuik sabagai adaik istiadaik nan lah lamo bakambang di tangah-tangah masyarakaik di daerah Minangkabau. Manuruik Tambo (Kisah nan mariwayaikan asa usua nan tajadi di Minangkabau), kabiasoan iko di angkek dek salah saurang ulama yang mambawo ajaran agamo islam ka sado panduduak. Ulama ikolah nan banamo Syekh Burhanuddin. Bilo inyo singgah ka rumah-rumah untuak manyampaian ajaran agamo islam, para tuan rumah manyuguihan agak banyak makanan. Mulai dari sinan lah Syekh Burhanuddin tasalek sabuah pamasalahan nan manyangkuik kehalalan makanan yang disuguahan dek panduduak ka inyo. Syekh Burhanuddin pun manyaranan untuak mancari bambu dan mangalehnyo jo daun pisang mudo. Satalah itu baru bareh katan putiah jo santan dimasuakan ka bambu yang dialeh jo daun pisang mudo yang satalah itu dilatakkan dan dipanggang atau di baka di ateh tungku kayu bakar. Samanjak itulah kabiasoan yang disarankan oleh Syekh Burhanuddin manjadi sabuah kabutuhan di satiok acara nan bakambang di Minangkabau yang indak bisa ditinggaan samanjak dari dulu sampai kini.[1]

Rujuakan[suntiang | suntiang sumber]

  1. Ervina, Eda (8 Mei 2014). "Malamang". merdeka.com. https://www.merdeka.com/peristiwa/cerita-tradisi-malamang-dari-sumatera-barat.html. Diakses pado `21 desember 2018.