Maidir Harun
Maidir Harun | |
|---|---|
| Lahia | 10 Juli 1950 |
| Maningga | 26 Februari 2023 (umua 72) |
| Kabangsaan | Indonesia |
| Alma mater | IAIN Imam Bonjol Universitas Al-Azhar IAIN Syarif Hidayatullah |
| Karojo | Ulama, pengajar |
| Dikana dek | - Ketua PBNU - Rektor IAIN Imam Bonjol, Padang |
| Pasangan | Rosnelli |
| Anak | Rosaliny, Khilal Syauqi, Dian Sahara, Subhan Irfani, Jenetri Ningsih, Saddam Maidir, Rosalina |
Prof. Dr. H. Maidir Harun, M.A bagala Datuak Sinaro (lahia 10 Juli 1950 – maningga 26 Februari 2023 pado umua 72 taun - )[1] adolah surang ulama, sijarawan, akademisi, jo birokrat Indonesia nan parnah manjabaik Kapalo Puslitbang Lektor Kaugamoan di Badan Litbang jo Diklat Kementerian Agama Republik Indonesia periode 2007-2010 jo Rektor Institut Agama Islam Negeri (IAIN) Imam Bonjol Padang pariode 2001-2006.[2] Inyo adolah salah surang Katua Panguruih Gadang Nahdlatul Ulama (PBNU) pariode 2010-2015.[3] Pado maso sabalumnyo, Maidir Harun manjabaik sabagai Katua Tanfidziyah Pangurus Wilayah Nahdlatul Ulama (PWNU) Sumatera Barat periode 2005-2010, sasudah dipiliah pado Konferensi Wilayah (konferwil) X PWNU Sumatera Utara.[4]
Latar balakang jo pandidikan[suntiang | suntiang sumber]
Maidir Harun dilayiekan di Balah Hilir, Lubuk Alung, Kabupaten Padang Pariaman, Sumatera Barat pado 10 Juli 1950 sabagai anak kaampek dari sapuluah dunsanak. Inyo adolah anak pasangan Harun Nudin dari Padusunan, Pariaman jo Rosma, urang Lubuk Alung.[5] Maidir Harun mamulai pandidikan di Sikolah Rakyat (SR) Taladan Kota Medan pado taun 1957, manuruik urang gaeknyo nan hijrah ka kota tu. Pado 1962, kaluarga Maidir pulang ka Lubuk Alung, jo inyo manamaikkan pandidikan dasar di SR Negeri 2 Lubuk Alun.[5]
Salain lulus dari SR, Maidir malanjuian pandidikan manangah di Pandidikan Guru Agama Negeri (PGAN) 6 Taun Padang dari 1963 sampai 1968. Salain sikolah inyo aktif sabagai pangurus organisasi MASDA (OIS) jo Kasatuan Aksi Pamuda Palajar Indonesia (KAPPI).[5] Salain itu, inyo mandapatkan pangajaran bahaso Arab dari Fakultas Tarbiyah Institut Agama Islam Negeri (IAIN) Imam Bonjol Padang. Inyo mancapai gelar Sarjana Muda (B.A.) pado taun 1972 jo Sarjana lengkap bagala Doktorandus (Drs.) pado taun 1977.[5][6]
Karir[suntiang | suntiang sumber]
Pado taun 1978, Maidir mulai karirnyo sabagai guru bahaso Arab jo status pegawai negeri sipil di PGA Nagari 6 Padusunan, Pariaman. Sataun salapeh, inyo manarimo beasiswa untuak baraja di Universitas Al-Azhar, Mesir nan tamatnyo pado taun 1981.[6] Sasudah pulang dari Mesir, Maidir muajukan mutasi untuak IAIN Imam Bonjol sabagai dosen. Pado taun 1986, inyo mandapek gala Magister Pangajian Islam jo pado taun 1989 gelar Doktor Pengkajian islam dari IAIN Syarif Hidayatullah Jakarta.[7] Salain karirnyo di kampus, Maidir Harun parnah diangkek sabagai katua jurusan, direktur lembaga bahaso, wakil dekan I Fakultas Adab, dekan duo pariode dari 1992 sampai 2000, bantuak rektor antaro 2000 sampai 2001 mandampiangi rektor Abdul Aziz Dahlan, sampai manjadi rektor pado 2001 sampai 2006.[5] Pado tanggal 19 Mei 2001, Maidir Harun ditunjuak sabagai guru gadang dalam sijarah paradaban Islam Fakultas Adab IAIN Imam Bonjol. Inyo marupoan profesor kaampek di kampus tu.[8] Pado 30 November 2004, Maidir jo bininyo Rosneli manjadi korban luko jo salamonyo dari tagalincianyo Lion Air Penerbangan 538 di Solo, Jawa Tengah.
Pado April 2010, Maidir diangkek sabagai salah satu Katua Tanfidziyah Pengurus Besar Nahdlatul Ulama periode 2010-2015 jo ketua umum Said Aqil Siradj.[9]
Wafat[suntiang | suntiang sumber]
Maidir Harun maningga di Rumah Sakit Umum Pusat Dr. M. Djamil, Padang, Sumatera Barat pado 26 Februari 2023 pado 09.19 WIB. Inyo maninggakan surang bini jo surang anak laki-laki.[10]
Daftar pusaka[suntiang | suntiang sumber]
- Nurdin, Syafruddin (7 Mei 2020). "PROF. DR. MAIDIR HARUN: AJO, KAKAK KELAS DAN PIMPINANKU". 70 TAHUN PROF. DR. MAIDIR HARUN Lika-liku Kehidupan Anak Seorang Petani Lubuak Aluang. Ciputat: Sakata Cendikia. pp. 149–154. ISBN 978-602-5809-13-2. https://books.google.co.id/books?id=LAVjEAAAQBAJ.
- Harun, Maidir (Juli 2020). 70 TAHUN PROF. DR. MAIDIR HARUN Lika-liku Kehidupan Anak Seorang Petani Lubuak Aluang. Ciputat: Sakata Cendikia. pp. 1–123. ISBN 978-602-5809-13-2. https://books.google.co.id/books?id=LAVjEAAAQBAJ.
Rujuakan[suntiang | suntiang sumber]
- ↑ "Prof.Dr. H. Maidir Harun, MA Datuak Sinaro Rektor IAIN Imam Bonjol Padang ke 12 Tutup Usia". UIN IB Padang (dalam bahasa Indonesia). 2023-02-26. Diakses tanggal 2024-01-13.
- ↑ Khusairi, Abdullah (2023-02-26). "Prof. Dr. Maidir Harun, MA, Maha Guru Peta Sejarah Islam". Padek.co (dalam bahasa Indonesia). Diakses tanggal 2024-01-13.
- ↑ "Republika Online". Republika Online (dalam bahasa Indonesia). Diakses tanggal 2024-01-13.
- ↑ "NU Online - Beranda Islam Indonesia". NU Online (dalam bahasa Indonesia). Diakses tanggal 2024-01-13.
- ↑ a b c d e Redaksi (2023-02-26). "Mantan Rektor IAIN IB Maidir Harun Berpulang". Langgam.id (dalam bahasa Indonesia). Diakses tanggal 2024-01-13.
- ↑ a b Harun, Maidir (2020). 70 tahun Prof. Dr. Maidir Harun "Lika-liku Kehidupan Anak Seorang Petani Lubuak Aluang". Jakarta: Sakata Cendikia. pp. 14-15. ISBN 978-602-5809-13-2.
- ↑ "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 2024-01-13.
- ↑ "Sejarah UIN". UIN IB Padang (dalam bahasa Indonesia). 2022-02-17. Diakses tanggal 2024-01-13.
- ↑ "Susunan Penyesuaian PBNU 2010-2015 Resmi Diumumkan". NU Online (dalam bahasa Indonesia). Diakses tanggal 2024-01-13.
- ↑ Haikal, M. (2023-02-26). "Kabar Duka, Mantan Rektor UIN Imam Bonjol Padang Maidir Harun Berpulang". Kata Sumbar (dalam bahasa Indonesia). Diakses tanggal 2024-01-13.