Mahyuddin Datuak Sutan Marajo

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Mahyuddin Datuk Sutan Maharadja (lahir di Sulit Air, Solok, Sumatra Barat taun 1858 - wafat di Padang taun 1921) adolah wartawan Indonesia jo perintis pers Melayu. Inyo marupoan tokoh adaik Minangkabau nan tanamo.[1]

Jariah[suntiang | suntiang sumber]

Mahyuddin marupoan salah satu Perintis Pers Indonesia nan banyak malahian jo manerbitkan surek kaba babaso Indonesia. Pado akhia abaik ka-19, inyo mamimpin duo surek kaba babaso Indonesia, iyolah Pelita Ketjil (didirian pado 1 Februari 1886) jo Tjahaya Soematra (1897). Pado taun 1901, Mahyuddin manerbitkan jo mamimpin surek kaba Warta Berita. Surek kaba iko marupoan salah satu surek kaba patamo di Indonesia nan manggunoan Baso Indonesia, dipimpin, dan dicetak dek urang Indonesia. Sudah itu, inyo manjadi pamimpin redaksi Oetoesan Melajoe di Padang. Dalam surek kaba tasabuik tertera: "Achbar ini ditjitak pada pertjitakan orang Minangkabau." Malalui kalimat iko, Mahyuddin nio manunjuakan kamampuan kaum Minangkabau dalam menguasoi usaho surek kabar jo percetakan, nan sangkek itu banyak dijalankan dek urang-urang Balando. Pado taun 1911, basamo Rohana Kudus, inyo manerbitkan koran padusi Soenting Melajoe.[2]

Mahyuddin marupoan tokoh nan peduli jo kamajuan jo parasaian bangsonyo. Dek inisiatifnyo, pado taun 1888 lahia organisasi sosial Medan Keramean. Pado taun 1911, inyo managakan organisasi Perserikatan Orang Alam Minangkerbau, nan acok manyokong kemajuan adaik Minang. Sabagai tokoh adaik tanamo, Mahyuddin acok batikai jo tokoh-tokoh puritan takah Ahmad Khatib Al-Minangkabawi, Abdullah Ahmad, jo Abdul Karim Amrullah. Pado akha taun 1911, Mahyuddin managakkan percetakan surek kabar Snelpersdrukkerij Orang Alam Minangkabau nan banyak mencetak koran-koran babaso Indonesia.[3]

Mahyuddin bajaso pulo dalam parjuangan pandidikan padusi di Minangkabau. Pada 1909, inyo managakan sakolah menenun patamo di Padang. Inggo 1912, ado sakitar 12 sakolah sarupo itu di Padang. Programnyo badasarkan pado gagasan bahwa kamajuan jo kasajahteraan padusi dapek dicapai jo caro maiduikan baliak pusako Minangkabau.[4]

Rujuakan[suntiang | suntiang sumber]

  1. Suryadi, Perempuan Minang: Matriarchs nan Berlayar di Arus Deras, Padang Ekspres, 25 November 2008
  2. Poesponegoro, M.D. (1992). Sejarah nasional Indonesia: Jaman Kebangkitan nasional dan masa akhir Hindia Belanda. Jakarta: PT Balai Pustaka. ISBN 979-407-411-X.
  3. Suryadi, Syair Sunur: Teks dan Konteks "Autobiografi" Seorang Ulama Minangkabau Abad ke-19, Citra Budaya & PPIM, Padang, 2004
  4. Abdullah, Taufik. Sekolah & Politik : pergerakan kaum muda di Sumatra Barat, 1927-1933. Yogyakarta. ISBN 9786026268099. OCLC 1090622661. https://www.worldcat.org/oclc/1090622661.