Lompat ke isi

Ruhana Kuddus

Wikipedia Minangkabau - Lubuak aka tapian ilimu
(Dialiahkan dari Rohana Kudus)
Infobox orangRuhana Kuddus
Biografi
Lahia20 Desember 1884 Edit nilai pada Wikidata
Kabupaten Agam Edit nilai pada Wikidata
Kamatian17 Agustus 1972 Edit nilai pada Wikidata (87 tahun (id) terjemahkan)
Daerah Kusuih Ibukota Jakarta Edit nilai pada Wikidata
Tampek dimakamkanKaret Bivak (id) Terjemahkan Edit nilai pada Wikidata
Kalompok etnisUrang Minangkabau Edit nilai pada Wikidata
Kagiatan
KarajoWartawan Edit nilai pada Wikidata
PagawaiSoenting Melajoe Edit nilai pada Wikidata
Kaluarga
Pasangan hiduikAbdul Kuddus (id) Terjemahkan Edit nilai pada Wikidata
AbakMohammad Rasjad (id) Terjemahkan Edit nilai pada Wikidata, Kiam (id) Terjemahkan Edit nilai pada Wikidata
Panghargaan

Rohana Kudus (lahia di Koto Gadang, Kabupaten Agam, Sumatera Barat, 20 Desember 1884 – maningga di Jakarta, 17 Agustus 1972 pado umua 87 taun) adolah tokoh wartawan Indonesia. Baliau adolah pandiri surek kaba padusi nan partamo di Indonesia. Rohana iduik di zaman nan samo jo Kartini, katiko akses padusi untuak mandapek pandidikan nan baiak sangek dibatasi.

Rohana adolah saurang padusi nan punyo komitmen nan kuaik pado pandidikan tarutamo untuak kaum padusi. Pado zamannyo Rohana tamasuak salah surang dari saketek padusi nan pacayo baso diskriminasi kapado padusi, tamasuak kasampatan untuak mandapek pandidikan adolah tindakan samena-semena lalu harus dilawan. Jo kacerdasan, kabaranian, pangorbanan sarato pajuangannyo Rohana malawan katidakadilan untuak parubahan nasib kaum padusi.

Latar balakang

[suntiang | suntiang sumber]

Walaupun Rohana indak dapek mandapek pandidikan sacaro formal namun baliau rajin baraja jo ayahnyo, saurang pagawai pamarentah Balando nan salalu mambaoan Rohana bahan bacoan dari kantua. Kainginan jo samangaik barajanyo nan tinggi mambuek Rohana capek manguasoi materi nan diajaan ayahnyo. Dalam umua nan masih sangek mudo Rohana alah dapek manulih jo mambaco, sarato babahaso Balando. Salain itu baliau baraja pulo abjad Arab, Latin, jo Arab-Malayu. Katiko ayahnyo ditugehan ka Alahan Panjang, Rohana batatangga jo pajabat Balando atasan ayahnyo. Dari bini pajabat Balando tu Rohana baraja manyulam, manjahik, marendo, sarato marajuik nan marupoan kaahlian padusi Balando. Disinan baliau banyak pulo mambaco majalah tabitan Balando nan mamuek babagai barito politik, gaya iduik, sarato pandidikan di Eropa nan sangek disukoi Rohana.

Pado tanggal 11 Februari 1911, baliau alah managakkan sakolah katarampilan untuak padusi nan ado di Koto Gadang nan dibari namo Sekolah Kerajinan Amai Setia. Disakolah itu, Rohana mangajakan katarampialn dasar sarupo mambaco jo manulih. Katarampilan tangan sarupo manjaik, mambordir, jo manyulam. Kamudian inyo maajaan pulo takaik caro mangalalo piti, budi pekerti, pandidikan agamo sampai palajarah Bahaso Indonesia jo Bahaso Balando.[1] Baliau juo tacatat sabagai Wartawati Partamo di Indonesia nan mandirikan jo mamimpin surek kaba Perempuan Bergerak nan ditabikkan di Lubuk Pakam, Medan dan surat kabar "Tjahaja Soematera" nan dipimpinnyo di Padang pado zaman panjajahan Balando.[1]

Baliau laia dari pasangan Mohamad Rasjad Maharadjo Soetan (ayah) jo Kiam (ibu). Rohana Kudus adolah kakak tiri dari Soetan Sjahrir, Pardana Mantari Indonesia nan partamo sarato mak tuo (bibi) dari panyair tanamo Chairil Anwar. Baliau pun adolah sapupu H. Agus Salim.[2]

Rohana saurang padusi nan mampunyoi komitmen nan kuaik pado pandidikan tarutamo untuak kaum padusi. Pado zamannyo Rohana tamasuak salah saurang dari saketek urang nan picayo adonyo diskriminasi taadok padusi, tamasuak kasampatan untuak mandapek pandidikan adolah tindakan nan sawenang-wenang nan haruih dilawan. Dek cadiaknyo, baraninyo, sarato pangorbanannyo malawan kaindak adilan untuak maubah nasib kaum padusi.

Panghargaan

[suntiang | suntiang sumber]
  • Sabagai wartawati partamo Indonesia pado tahun 1974.
  • Panghargaan sabagai parintih pers Indonesia pado tahun 1987.
  • Pambarian Panghargaan "Bintang jasa Utama" pado tahun 2007.[1]

Rujuak-an

[suntiang | suntiang sumber]
  • Tamar Djaja, Rohana Kudus: Riwayat Hidup dan Perjuangannya, Jakarta: Mutiara, 1980
  • Rudolf Mrazek. Sjahrir: Politik dan Pengasingan di Indonesia. Jakarta, Yayasan Obor Indonesia, 1996.
  • Fitriyanti, Roehana Koeddoes Perempuan Sumatera Barat, Jakarta: Yayasan Jurnal Perempuan, 2001
  • Fitriyanti, Rohana Kudus Wartawan Perempuan Pertama indonesia, Yayasan d' Nanti, Jakarta, 2005
  • Basir, Nazif (2017). In Memoriam "100 Seniman, Wartawan dan Budayawan Sumatera Barat". Jakarta: Horison. pp. 4. ISBN 978-602-8168-29-8.

Pautan lua

[suntiang | suntiang sumber]
  1. ↑ a b c Basir, Nazif (2017). In Memoriam "100 Seniman, Wartawan dan Budayawan Sumatera Barat". Jakarta: Horison. pp. 4. ISBN 978-602-8168-29-8. 
  2. ↑ "5 Tokoh Perempuan Sumbar yang Tak Kalah Harum dari Kartini". Langgam.id (dalam bahasa Indonesia). 2021-04-21. Diakses tanggal 2022-03-06. 
Diambiak dari "https://min.wikipedia.org/w/index.php?title=Ruhana_Kuddus&oldid=3147073"