Macan dahan formosa

Wikipedia Minangkabau - Lubuak aka tapian ilimu
Macan dahan
Conservation status
Klasifikasi ilmiah
Kingdom: Animalia
Phylum: Chordata
Class: Mammalia
Order: Karnivora
Family: Felidae
Genus: Neofelis
Species: N. nebulosa
Subspecies: N. n. brachyura
Namo Trinomial
Neofelis nebulosa brachyura
(Swinhoe, 1862)
Panyebaran macan dahan formosa
Sinonim

Leopardus Brachyurus

Macan dahan formosa (Neofelis nebulosa brachyura) adolah suatu subspecies macan dahan nan endemik di pulau Taiwan, nan kini ko alah dianggap punah.[1]

Sabuah panalitian manggunoan kamera tasambunyi nan dipasang di rimbo primer dataran randah tagadang nan tasisa di Taiwan bagian selatan, salamo periode 2000-2004 indak manampakan adonyo macan dahan tasabuik.[2]

Karakteristik[suntiang | suntiang sumber]

Deskripsi partamo dek Swinhoe di taun 1862 mancatat ikua spesies ko pendek, labiah kurang satangah panjangnyo dari ikua spesimen-spesimen macan dahan lainnyo, dari wilayah Himalaya.[3]

Catatan terakhir[suntiang | suntiang sumber]

Macan dahan formosa adolah karnivora tagadang kaduo di Taiwan, satalah biruang itam Formosa. Samakin lawehnyo panabangan rimbo di habitat alami macan dahan lah mambueknyo tadasak ka wilayah Gunuang Yushan jo Gunuang Tawu. Kini ko, ‘’Tawu Mountain Nature Reserve’’ marupoan kawasan linduang salaweh kiro-kioa 480 km2 (190 sq mi), nan manauangi rimbo primer tagadang nan masih tasiso di Taiwan salatan, nan tadiri dari rimbo ujan tropika jo subtropika, tamasuak juo rimbo daun leba jo campuran iklim sadang jo rimbo konifer iklim sadang.[2]

Suatu survei wawancara nan dilakuan pado taun 1986 taradok 70 urang pamburu suku asli satampek manamuan baso macan dahan Formosa tarakia kali tacaliak jaleh tajadi di wilayah Gunuang Tawu pado taun 1983.[4] Catatan tarakia nan takonfirmasi iolah pado taun 1989, yaitu kutiko ditamuannyo kulik ciek individu macan mudo di daerah Taroko.[5]

Catatan Pugmark pado 1990-an manyabuikan baso dakek ‘’Yushan National Park’’ disangko ado saikua macan dahan, namun informasi ko indak takonfirmasi.[6][7]

Dalam asia pangoperasian kamera tasambunyi salamo labiah dari 13.000 malam antaro taun 2000-2004, indak diparoleh lai poto macan dahan di wilayah ‘’Tawu Mountain Nature Reserve’’, sarato di ‘’Twin-ghost Lake Important Wildlife Area’’ nan wilayahnyo dakek juo.[2]

Dalam budaya[suntiang | suntiang sumber]

Surang lalaki panduduak asli Taiwan (tacatat banamo Rukai魯凱 族) mamakai bulu macan dahan. Poto dek antropolog Japang Torii Ryuzo, indak batangga, namun kamungkinan gadang diambiak sakita taun 1900 kutiko inyo barada di Taiwan.

Suku Rukai, panduduak asli Taiwan, manganggap paburuan macan dahan adolah suatu nan tabu.[8]

Rujuakan[suntiang | suntiang sumber]

  1. a b Sanderson, J., Khan, J. A., Grassman, L., Mallon, D. P. (2008). "Neofelis nebulosa". IUCN Red List of Threatened Species. Version 2012.2. International Union for Conservation of Nature. 
  2. a b c Chiang, P.-J. (2007). Ecology and Conservation of the Formosan clouded leopard, its prey, and other sympatric carnivores in southern Archived 2019-03-14 di Wayback Machine.. PhD dissertation submitted to the Virginia Polytechnic Institute and , , Virginia.
  3. Swinhoe, R. (1862). On the Mammals of the Island of Formosa. Proceedings of the Zoological Society of London: 347–365.
  4. Rabinowitz, A. (1988). The clouded leopard in . Oryx 22 (1): 46–47.
  5. Anonymous. (1996). The mystery of the Formosan clouded leopard. Cat News 24: 16.
  6. Lue, K. Y., W. S. Chang and B. Z. Hwa (1992). The Faunal Investigation on Yu-Li Wildlife Nature Reserve. Report Taiwan Forest Bureau Conservation and Research Series, No. 79-02.
  7. Wang, Y., Y. Chen, and C. Lai (1996). Wildlife population study and monitor at watershed area. Conservation and Planning Administration, Ministry of Interior, Taiwan.
  8. Pei, K. (1999). Hunting System of the Rukai Tribe in Taiwan, Republic of China. Proceedings of the International Union of Game Biologists XXIV Congress, Thessaloniki, Greece.