Taman Nasional Taroko

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Taman Nasional Taroko ((Cino)) adolah salah ciek dari sambilan taman nasional di Taiwan. Namo taman nasional ko diambiak dari Jurang Taroko, sabuah jurang nan marupoan markah tanah taman nasional iko nan tabantuak dek Sungai Liwu. Taman nasional iko mambantang dari Taichung, Kabupaten Nantou, jo Hualien. Taman iko awanyo dibangun jo namo Tsugitaka-Taman Nasional Taroko (次高タロコ国立公園 Tsugitaka Taroko kokuritsu kōen?) dek Gubernur Jenderal Taiwan pado tanggal 12 Desember 1937 katiko Taiwan marupoan bagian dari Kakaisaran Jepang. Sasudah kakalahan Kakaisaran Japang dalam Parang Dunia II, Republik Tiongkok mamacik kandali ateh Taiwan. Pamerintah Republik Tiongkok kamudian maniadoan taman iko pado tanggal 15 Agustus 1945. Taman nasional iko kamudian dibangun baliak pado tanggal 28 November 1986.[1]

Pamandangan taman ko maliputi:

  • Tarowongan Kelok Sembilan (九曲洞 Chiouchüe Tung, foto kanan )
  • Kuil Musim Semi Abadi (foto bawah)
  • Yentzihkou, Ngalau Buruang Walet (燕子口)
  • Taman Chinheng (靳珩公園)
  • Tsihmuchiao, Jambatan Bunda Asih (慈母橋)
  • zh [Tienhsyang]
  • Jurang Chueilu (錐麓斷崖)
  • Jambatan Lioufang (流芳橋)
  • Bukik Tayuling sang Agung (大禹嶺)
  • Taluak Puloh (布洛灣)

Asa usua namo[suntiang | suntiang sumber]

Namo, Taroko (sacaro resminyo banamo Truku), bararti "manusia" dalam bahaso Truku dari suku Truku. Pado zaman dahulu, tadapek saurang anggota suku Truku maliek kaindahan Pasifik nan bawarna biru langik katiko inyo bajalan kalua dari jurang. Maliek pamandangan nan rancak, inyo basorak "Taroko!".

Geologi[suntiang | suntiang sumber]

Jurang Taroko jo wilayah di sakitarnyo tanamo karano cadangan marmarnyo nan malimpah, sahinggo mandapek namo julukannyo, "Jurang Marmar". Batuan nan namapak di Taroko kiniko mulai ado sajak labiah dari 200 juta tahun nan lalu sabagai sedimen di dasa lautan. Katiko sedimen dikumpuan, tajadi jumlah tekanan nan samakin gadang nan akhianyo mambueknyo kareh manjadi kapua. Labiah dari 100 juta tahun nan lalu, tekanan tektonik antaro Lempeng Laut Filipina jo Lempeng Eurasia Lempeng maagia tekanan tambahan nan memetamorfosiskan batu kapua manjadi marmar. Gaya angkek ka ateh dari tumbuakan lempeng mandorong batuan iko ka ateh pamukaan lautan sampai ka tampek di mano kito liek pado maso kini. Wilayah iko masih mangalami pangangkatan sakitar 0,5 cm (satangah sentimeter) per tahun.[2]

Jurang iko tabantuak manjadi marmar dek kakuatan erosif dari Sungai Liwu.[3]

Salain itu, dikatahui tadapek giok di jurang iko. Giok iko hanyo ditamuan di Taiwan jo mamasok pasa giok di Hualien. Dari gunuang-gunuang iko dapek diliek arung jeram (aktivitas umum salamo musim paneh di Jurang Taroko) malalui sungai.

Galeri[suntiang | suntiang sumber]

Rujuakan[suntiang | suntiang sumber]

  1. "General Information-Introduction". Taroko National Park. Diakses tanggal 2020-11-14. 
  2. "Landform and Geology". Taroko National Park Official Website. Diakses tanggal 2020-11-14. 
  3. Petley, D.N. (1998). "Geomorphological mapping for hazard assessment in a neotectonic terrain". The Geographical Journal. 164 (2): 183–201. doi:10.2307/3060369. JSTOR 3060369. 

Pranala lua[suntiang | suntiang sumber]