Langkawi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Pulau Langkawi

Langkawi marupoan salah satu distrik dalam nagara bagian Kedah Darul Aman, Malaysia. Pulau Langkawi dibari status bebas cukai pado taun 1987. Kini, pulau nan kayo jo kaindahan alami jo lagenda maso silam ko alah manampekan diri sabagai salah satu daerah tujuan wisata nan paliang populer di Malaysia. Langkawi sabananyo marupoan suatu gugusan pulau di mano Pulau Langkawi marupoan nan tagadang.

Lokasi[suntiang | suntiang sumber]

Peta Langkawi dan sakitanyo.

Kapulauan Langkawi talatak di sabalah barat nagara bagian Kedah jo Perlis sarato di sabalah utara nagara bagian Pulau Pinang, Samananjuang Malaysia.[1] Pulau Langkawi di perairan Salek Malaka, bana-bana badakean jo muluik Salek Malaka, Lauik Andaman di sabalah barat lauik, dan Samudera Hindia di sabalah barat. Di sabarang pulau Langkawi ado pulau Sumatera di Indonesia, dan di utaranyo talatak nagara Thailand.

Gugusan Pulau Langkawi[suntiang | suntiang sumber]

Langkawi saumpamo mutiaro nan baru dijumpai dek pamarentah Malaysia. Tadapek 104 pulau dalam gugusan pulau Langkawi, suatu pambantuakan dari anyuikan banua nan mambantuak Asia Tenggara. Titik tatinggi di Langkawi iolah puncak Gunuang Raya satinggi 890 m di ateh pamukoan lauik.

Antaro lain pulau di dalam gugusan kapulauan ko iolah:

  • Pulau Dayang Bunting
  • Pulau Singa Besar
  • Pulau Tuba
  • Pulau Langgun
  • Pulau Timun

Transportasi[suntiang | suntiang sumber]

Jambatan gantuang di ateh kanopi rimbo ujan.

Jalan raya[suntiang | suntiang sumber]

Dari Kuala Lumpur, kito dapek naiak oto malalui Lebuh Raya Utara Selatan sainggo sampai ka pintu kalua Distrik Gurun, Kedah dan manuju ka Kuala Perlis. Dari darmaga Kuala Perlis, biayonyo adolah RM 15.00 untuak feri ka Pulau Langkawi. Jalua nan takana nan salalu dipakai dek pangunjuang adolah malalui darmaga Kuala Kedah. Biayo pai iolah RM 18,00. Untuak panduduak Langkawi biayonyo sabanyak RM 15,00.

Feri[suntiang | suntiang sumber]

Salain feri dari Kuala Perlis, feri-feri dari Kuala Kedah jo Pulau Pinang pulo disadioan. Star Cruise Pulau Pinang ado manyadioan paket langko ka Langkawi. Salain tu, layanan feri pulo disadioan untuak baubuangan jo nagara Thailand malalui Langkawi jo Satun.

Kapa tabang[suntiang | suntiang sumber]

Langkawi mampunyoi palabuahan udaro internasional nan agak gadang, iyolah Palabuahan udaro Internasional Langkawi. Barikuik adolah panabangan-panabangan ka Langkawi.

  • AirAsia (Kuala Lumpur)
    • Thai AirAsia (Bangkok) (Bermula Januari 2007)[1]
  • Penerbangan Malaysia (Pulau Pinang, Kuala Lumpur, Johor Bahru, Singapura)
  • Singapore Airlines
    • SilkAir (Singapura)
  • Jetstar Airways [2]

Sijarah[suntiang | suntiang sumber]

Pulau ko tacipta 500 juta taun, iyolah pado jaman Kambria. Pado jaman tu, sabuah banua gadang banamo Gondwana nan talatak di Kutub Selatan, bapacah manjadi potongan tanah nan labiah ketek, nan kini dapek dijumpoi di 4 tampek di bumi, iyolah Afrika, Australia, India, jo Langkawi. Pagunuangan Gondwana talatak di barat dayo Langkawi. Pambantuakan batu Gondwana nan mamamukau manjulang tinggi badakekan Tanjung Batu, badirinyo Pagunuangan Mat Chinchang nan maliputi sabagian Pagunuangan Gondwana.

Pado abaik ka-15, namo Lung-Ya-Kiou-Yi alah tacataik di sabuah peta nan dipicayoi alah dipakai dek Laksamana Cheng Ho katiko bakunjuang ka Malaka pado taun 1405. Pado abaik ka-16, pulau tapancia ko dibari babagai namo dalam peta jaman tu, antaro lain Langa, Lanka, Lansura, dan Langapura.

Pado taun 1621 Jenderal Augustin de Beaulieu nan batugeh kapada Raja Louis XIII dari Parancih, manyabuik Langkawi sabagai Lancahui atau lada sulah. De Beaulieu kudian manulih, "Tanahnyo subua dangan buah-buahan, bareh dan taranak. Babarapo batang sungai manyadioan sumber aia barasiah, rimbo laweh dapek diliek dan pantainyo rancak sarato panuah dangan taluak jo pulau-pulau ketek bakuliliangnyo".

Mahathir Mohamad, bakeh Pardana Mantari Malaysia parnah batugeh di Pulau Langkawi sabagai surang dokter salapeh luluih dari Universitas Malaya di Singapura. Sajak tu baliau ingin maubah pulau "Sumpah Mahsuri 7 Katurunan" (namo diambiak dari lagenda Langkawi) manjadi pulau bebas cukai jo tujuan pariwisata tingkek dunia.

Mitos dan lagenda[suntiang | suntiang sumber]

Langkawi adolah sabuah namo nan saraik jo misteri, mitos dan lagenda. Di antaro kisah lagenda nan bakaitan jo namo tampek di Langkawi tamasuak:

  • Gergasi Bataruang
  • Pulau Dayang Buntiang
  • Mahsuri
  • Puteri Dayang Sari
  • Telani dan Telanai
  • Geroda dan Jentayu
  • Talago Tujuah

Tampek-tampek rancak[suntiang | suntiang sumber]

Dataran Lang
  • Dataran Helang
  • Kampuang Kristal
  • Gunuang Mat Chingchang
  • Pekan Kuah
  • Pulau Dayang Bunting
  • Pulau Rebak
  • Makam Mahsuri
  • Telaga Air Hangat
  • Beras terbakar
  • Under Water World
  • Perkampungan Buku
  • Kereta Kabel
  • Pantai Pasir Hitam

Rujuakan[suntiang | suntiang sumber]

Pranala lua[suntiang | suntiang sumber]