Kathmandu

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kathmandu
काठमाडौं (Nepali)

Ibukota Nepal

Kota Metropolitan

Kathmandu collage.jpg

Flag of Kathmandu
Flag

Motto: Inggirih: My legacy, My pride, My Kathmandu; Nepali: मेरो पौरख, मेरो गौरव, मेरो काठमाण्डौ; Nepal Bhasa: जिगु पौरख, जिगु गौरव, जिगु येँ देय्

Kathmandu is located in Nepal
Kathmandu
Kathmandu
Lokasi di Nepal

Coordinates: 27°42′41″N 85°18′31″E / 27.71139°N 85.30861°E / 27.71139; 85.30861Coordinates: 27°42′41″N 85°18′31″E / 27.71139°N 85.30861°E / 27.71139; 85.30861

Country

Nepal

Province

Province No. 3

District

Kathmandu

Settled

723 BCE

Established as municipality

1931

Upgraded to Metro city

1990

Government
 • Mayor

Bidya Sundar Shakya (NCP)

 • Deputy Mayor

Hari Prabha Khadgi (NC)

Area of Metro
 • Capital of Nepal

49.45 km2 (19.09 sq mi)

Elevation

1,400 m (4,600 ft)

Population (2017)
 • Capital of Nepal

1,442,271

 • Density

29,443/km2 (76,260/sq mi)

 • Metro

2,500,000

 • Metro density

6,313/km2 (16,350/sq mi)

Languages
 • Local

Nepali, Newar language, Sherpa, Tamang, Limbu,

Gurung, Magar, Sunuwar/Kiranti, Tibetan

 • Official

Nepali, Nepal Bhasa

Time zone

UTC+5:45 (NST)

Postal Code

44600 (GPO), 44601, 44602, 44604, 44605, 44606, 44608, 44609, 44610, 44611, 44613, 44614, 44615, 44616, 44617, 44618, 44619, 44620, 44621

Area code(s)

01

HDI

Increase 0.710 High[1]

HPI

Decrease 20.8 Very Low

Literacy Rate

Increase 89.6% High

Website

www.kathmandu.gov.np

Kathmandu (/ˌkætmænˈd/;[2] bahaso Nepali: काठमाडौं, Nepal Bhasa: Yei, pangucapan Nepali: [kaʈʰmaɳɖu]) adolah ibu kota Nepal. Sabagai metropolis nan tagadang di Nepal, jumalah panduduaknyo sabanyak 1,5 juta jiwa di tangah kota, sarato 3 juta jiwa di daerah urban sakitanyo di Lambah Kathmandu, nan maliputi kota-kota ketek Lalitpur, Kirtipur, Madhyapur Thimi, jo Bhaktapur, inggo kasadonyo jumalah panduduak mancapai labiah-kurang 5 juta jiwa kok baetong juo jo panduduak di satantang lambah sakita Kathmandu. Kathmandu adolah metropolis nan tagadang juo di daerah pagunuangan Himalaya. Bahaso Nepali adolah nan tabanyak bapakai di kota ko, sadangkan bahaso Inggirih lai dimangarati dek panduduak kota nan bapandidikan.

Kota ko barado di katinggian labiah kurang 1,400 m (4,600 kaki) di ateh pamukoan lauik di tangah Lambah Kathmandu nan babantuak sarupo mangkok di Nepal bagian tangah. Lambah ko daulu disabuik jo namo "Nepal Mandala", jo marupoan tampek bakambangnyo kabudayaan Newar, iyolah kabudayaan urban kosmopolitan di kaki pagunuangan Himalaya. Kota ko adolah ibu kota Karajaan Nepal jo banyak tadapek istano, rumah paristirahatan, jo taman miliak bangsawan Nepal. Kota ko adolah markas gadang dari South Asian Association for Regional Cooperation (SAARC) sajak taun 1985. Kini ko, kota ko adolah pusek pamarentahan Republik Nepal nan tagak sajak taun 2008; jo bagian dari Provinsi No. 3 dalam pambagian daerah administratif di Nepal.

Kathmandu sajak daulu jo kini marupoan pusek sijarah, seni, budaya, jo ekonomi Nepal. Panduduaknyo multietnis jo sabagian gadang baagamo Hindu jo Buddha. Kota ko adolah tampek kadiaman suku Newar. Bamacam alek agamo jo budayo acok diadoan jo marupoan bagian nan pantiang dari kaiduikan panduduak di Kathmandu.

Pariwisata adolah bagian nan pantiang dalam ekonomi kota ko; pado taun 2013, Kathmandu barado pado paringkek katigo di antaro sapuluah daerah tujuan wisata di dunia manuruik TripAdvisor, jo paringkek partamo untuak Asia. Kota ko adolah pintu masuak ka pagunuangan Himalaya Nepal, dan tampek tujuah situs warisan dunia, yaitu: Lapangan-lapangan Durbar di Hanuman Dhoka, Patan, jo Bhaktapur; Stupa-stupa di Swayambhunath jo Baudhanath; sarato biaro-biaro di Pashupati jo Changu Narayan. Tadapek juo tujuah kasino di kota ko. Walau baitu, klub malam di siko panah talibaik panipuan, misalnyo kajadian pado taun 2017 di ma operator klub ditangkok[3] dek karano manjua tiket talalu mahal untuak patunjuakan DJ Marshmello.

Babarapo daerah basijarah di Kathmandu rusak dek gampo nan bamagnitudo 7,8 pado tangga 25 April 2015, jo kini dalam proses rekonstruksi.

Bidya Sundar Shakya dari Partai Kominis Nepal manjabaik sabagai Walikota Kathmandu Metropolitan, jo Hari Prabha Khadgi dari Partai Kongres Nepal manjabaik sabagai wakianyo.[4]

Etimologi[suntiang | suntiang sumber]

Namo Kathmandu indak namo asa nan dipakai dek urang suku Newar nan paunyi lambah ko. Namo klasik bahaso Nepal nan dipakai adolah Yei. Namo bahaso Pahari Kathmandu diambiak dari namo biaro Kasthamandap, nan tadapek di Lapangan Durbar. Dalam bahaso Sanskerta, Kāṣṭha (काष्ठ) aratinyo "kayu" jo Maṇḍap (/मण्डप) aratinyo "gubuak tampek bataduah". Paviliun umum ko, nan disabuik juo Maru Satta dalam bahaso Newar, dibangun pado taun 1596 dek Biseth di maso pamarentahan Rajo Laxmi Narsingh Malla. Bangunan batingkek tigo tu dibuek saluruahnyo dari kayu jo indak mamakai paku atau panyangga dari basi. Manuruik legenda, kasado kayu nan dipakai untuak mambuek pagoda tu diambiak dari ciek batang kayu nan samo.[5] Bangunan tuh runtuah kutiko tajadi gampo gadang tangga 25 April 2015.

Kolofon manuskrip kuno, batangga saindaknyo sampai abaik ka-20, manyabuik Kathmandu sabagai Kāṣṭhamaṇḍap Mahānagar di Nepal Mandala. Mahānagar aratinyo "kota gadang". Kota ko masih disabuik "Kāṣṭhamaṇḍap" dalam sumpah nan diucap dek pandeta Buddha inggo kini. Dek itu, Kathmandu dikanal juo sabagai Kāṣṭhamaṇḍap. Pado abaik patangahan, kota ko kadang disabuik jo namo Kāntipur (कान्तिपुर). Namo ko barasa dari duo kato bahaso Sanskerta – Kānti jo pur. "Kānti" aratinyo "indah" jo umumnyo diubuangkan jo cahayo, sarato "pur" aratinyo suatu tampek. Jadi, arati kasaluruahannyo  "Kota cahayo".

Di antaro panduduak asli suku Newar, Kathmandu dikanal sabagai Yeṃ Deśa (येँ देश), sarato Patan jo Bhaktapur dikanal sabagai Yala Deśa (यल देश) jo Khwopa Deśa (ख्वप देश).[6] "Yen" adolah kapendekan dari kato Yambu (यम्बु), nan daulunyo adolah namo bagian utara dari kota Kathmandu.[7]

Sijarah[suntiang | suntiang sumber]

Manjushree, with Chandrahrasa, the Buddhist deity said to have created the valley

Panggalian arkeologi di babarapo tampek di Kathmandu alah manamuan bukti-bukti kabudayaan kuno. Tamuan nan tatuo adolah patuang nan ditamuan di Maligaon, nan barasa dari taun 185 M.[8] Panggalian di Dhando Chaitya manamuan batu bata nan batulih aksara Brahmi. Para arkeolog picayo baso tulisan ko baumua duo ribu taun. Batu batulih banyak taseba di babagai situs basijarah jo marupoan sumber utamo tantang sijarah Nepal.

Rujuakan tatuo Barat tantang Kathmandu tadapek dalam catatan para pandeta Jesuit Johann Grueber jo Albert d'Orville. Pado taun 1661, kaduonyo lalu malinteh Nepal dalam pajalanannyo dari Tibet ka India, sarato manulih baso inyo alah mancapai  "Cadmendu", ibu kota karajaan Nepal.[9]

Sijarah kuno[suntiang | suntiang sumber]

Sijarah kuno Kathmandu tagamba dalam mitos jo legenda tradisionalnyo. Manuruik Swayambhu Purana, Kathmandu nan kini daulunyo adolah danau gadang nan dalam banamo "Nagdaha", dek karano panuahnyo jo ula. Danau tu dibalah jo dikariangkan dek Bodhisatwa Manjusri jo padangnyo, aianyo dikaluaan dari tampek ko. Inyo kudian mandirian kota banamo Manjupattan, sarato maangkek Dharmakar sabagai penguaso tanah lambah tu. Satalah babarapo lamo, ado ibilih banamo Banasur nan manutuik saluran kalua aia, inggo lambah tu barubah lai jadi danau. Kudian Dewa Krishna datang ka Nepal, mambunuah Banasur, jo sakali lai mangariangkan aianyo. Inyo mambao babarapo patuang Gopal basamonyo jo maangkek Bhuktaman sabagai rajo Nepal.[10][11][12]

Kotirudra Samhita dalam Shiva Purana, Bab 11, shloka 18 marujuak suatu tampek banamo kota Nayapala, nan tanamo dek karano adonyo Pashupati Shivalinga. Namo Nepal mungkin juo barasa dari namo kota Nayapala ko.

Saketek bana catatan sijarah nan ado di maso sabalum periode pamarentahan para panguaso Licchavi. Manuruik Gopalraj Vansawali, catatan silsilah karajaan Nepal, para panguaso Lambah Kathmandu sabalun Licchavi adolah Gopala, Mahispala, Aabhir, Kirant, jo Somavanshi.[13] Dinasti Kirata didirian dek Yalamber. Di maso Kirata, tadapek sabuah pamukiman banamo Yambu di sabalah utara Kathmandu lamo. Dalam babarapo bahaso Sino-Tibet, Kathmandu masih tatap disabuik Yambu. Sabuah pamukiman ketek lain banamo Yengal tadapek di sabalah selatan Kathmandu lamo, dakek Manjupattan. Salamo pamarentahan panguaso Kirata katujuah, Jitedasti, para pandeta Buddha badatangan ka lambah Kathmandu jo mandirian ciek biaro rimbo di Sankhu.

Map of Kathmandu, 1802

Era Licchavi[suntiang | suntiang sumber]

Kaum Licchavis nan datang dari dataran Indo-Ganga pindah ka utara sarato mangalahan Kirata, lalu managakan dinasti Licchavi lk. 400 M. Salamo era ko tajadi genosida kaum Shakya di Lumbini dek Rajo Virudhaka, di ma kaum nan tasisa bapindah ka utara jo masuak ka biaro rimbo di Sankhu jo caro manyamar sabagai kaum Koliya. Dari Sankhu, nyo pindah lai ka Yambu jo Yengal (Lanjagwal jo Manjupattan), lalu mandirian pertapaan-pertapaan Buddha permanen partamo. Iko adolah dasa tabantuaknyo Buddhisme Newar, nan kini adolah satu-satunyo tradisi Buddha babahaso Sanskerta nan tasisa di dunia.[14] Sajak kadatangan kaum Sakya tu, Yambu mulai disabuik jo namo Koligram sarato Yengal disabuik Dakshin Koligram,[15] yaitu di sabagian gadang era Licchavi.[16]

Akianyo, surang panguaso Licchavi Gunakamadeva manggabuang Koligram jo Dakshin Koligram manjadi kota Kathmandu. Kota ko dirancang sasuai bantuak Chandrahrasa, iyolah padangnyo Manjushri. Kota ko bakuliliang dek dalapan kubu nan dijago dek dewi Ajima. Salah satu kubu nan masih digunoan adolah di Bhadrakali (di muko Singha Durbar). Kota iko manjadi kota singgah pantiang dalam padagangan antaro India jo Tibet, inggo tajadi patumbuahan arsitektur nan lua biaso. Gambaran tantang bangunan-bangunan sarupo Managriha, Kailaskut Bhawan, jo Bhadradiwas Bhawan alah ditamuan dalam catatan-catatan pajalanan para patualang jo pandito nan iduik di era tu. Misanyo dalam catatan patualang Cino tanamo abaik ka-7 yaitu Xuanzang, disabuikan tantang Kailaskut Bhawan, istano dari rajo Licchavi Amshuverma.[17] Jalua padagangan tu mambao patukaran budayo juo. Asia seni urang Newar—pandudual asali Lambah Kathmandu—banyak dicari salamo era ko, baiak di Lambah tu maupun di lingkuangan laweh Himalaya. Para seniman Newar bapatualang ka tampek-tampek lain di Asia, mambuek karya kaagamoan untuak mareka. Sabagai contoh, Araniko mamimpin sakalompok seniman Nepal ka Tibet jo Cino. Bhrikuti, putri Nepal nan manikah jo rajo Tibetan Songtsän Gampo, bapangaruah dalam mempakanalkan Buddhisme ka Tibet.

Rujuakan[suntiang | suntiang sumber]

  1. "An Overview of the Central Development Region (CR)" (PDF). Internal-displacement.org. Archived from the original (PDF) on 2 February 2012. Retrieved 25 November 2013.
  2. "Definition of Kathmandu in English". http://www.oxforddictionaries.com/definition/english/Kathmandu. Diakses pado 25 September 2015. 
  3. "Marshmello in Nepal: Police arrest nightclub operators for overselling tickets – OnlineKhabar" (dalam bahaso en-GB). http://english.onlinekhabar.com/marshmello-in-nepal-police-arrest-nightclub-operators-for-overselling-tickets.html. Diakses pado 14 September 2018. 
  4. "CPN-UML’s Bidya Sundar Shakya elected Kathmandu Metro City mayor". 28 Mai 2017. http://kathmandupost.ekantipur.com/news/2017-05-28/cpn-umls-bidhya-sundar-shakya-elected-kathmandu-mayor.html. 
  5. "Introduction". Kathmandu Metropolitan City, Government of Nepal. http://www.kathmandu.gov.np/index.php?cid=1&pr_id=1. Diakses pado 12 Desember 2009. 
  6. Kirkpatrick, Colonel (1811). An Account of the Kingdom of Nepaul. London: William Miller. p. 159. https://books.google.com/books?id=ijxAAAAAYAAJ. Diakses pado 9 Maret 2012. 
  7. "Contributions to Nepalese Studies". CNAS, Tribhuvan University. 1 Desember 1983. https://docs.google.com/viewer?a=v&q=cache:h6sdBc7CLUEJ:himalaya.socanth.cam.ac.uk/collections/journals/contributions/pdf/CNAS_11_01_reviews.pdf+Kathmandu+yambu+slusser&hl=en&gl=np&pid=bl&srcid=ADGEESg2ceBxI2fFOKQgQawkxmzqzoMpH5CPM7DxxjITxvk6FEH37tQcNFg0lMHOlFu9vmfaAqritlH6E4NlF76dKsQdlL6TDPo9V6d86J_7eotAoYi7QKny7jwpszlL8p2lNVvIWjLj&sig=AHIEtbTGepgF3U_fNi5Y4cjlL4hx_DQzeA. Diakses pado 28 Juli 2012. 
  8. "सुस्त उत्खनन » पुरातत्व » सम्पदा :: नेपाल ::". Ekantipur.com. 9 Juni 2010. http://www.ekantipur.com/nepal/article/?id=1485. Diakses pado 15 Januari 2012. 
  9. Levi, Sylvain. Nepal. p. 50. https://docs.google.com/viewer?a=v&q=cache:C8hQgCDo-QUJ:himalaya.socanth.cam.ac.uk/collections/journals/ancientnepal/pdf/ancient_nepal_25_05.pdf+kuti+necbal&hl=en&pid=bl&srcid=ADGEESi1sCufbZ0miDrM87qYQinPM-tdnLbKdy_9dVkkHEDDtBrFP0WMe5YCb8ugsjinxRuW5wg8jKoxs34VWa0NrMQE-EIVTF4XkqE_fBaCIaehWaSTSd667Yba6th7UQufXvovZL_H&sig=AHIEtbSJJa1YFxA2dpP--Pxsz3HtiKVAQA. Diakses pado 1 Desember 2013. 
  10. "History". Government of Nepal. http://www.kathmandu.gov.np/index.php?cid=4&pr_id=4. Diakses pado 12 Desember 2009. 
  11. "History:Ancient Nepal". New Travels and Tours Ltd. http://www.newatravels.com/nepal/index.html. Diakses pado 18 Desember 2009. 
  12. Apr, Wed (21 April 2010). "Article:झीसं पत्याः यानाच्वनागु अन्धविश्वास – Author:विपेन्द्र महर्जन Nepalmandal". Nepalmandal.com. http://www.nepalmandal.com/content/7752.html. Diakses pado 15 Januari 2012. 
  13. Article:गोपालराज वंशावली Language: Nepalbhasa, Journal:नेपालभाषा केन्द्रीय विभागया जर्नल, Edition:1, Date: 1998, pp. 18–25, 44
  14. "A Short History of Sanskrit Buddhist Manuscripts". Dsbcproject.org. http://www.dsbcproject.org/manuscripts/short-history. Diakses pado 24 Nopember 2013. 
  15. "Kathmandu Metropolitan City". Kathmandu.gov.np. http://www.kathmandu.gov.np/Page_Ward+No.+23_38. Diakses pado 24 Nopember 2013. 
  16. "काष्ठमण्डप कि होममण्डप". Gorkhapatra.org.np. http://www.gorkhapatra.org.np/gopa.detail.php?article_id=37878&cat_id=22. Diakses pado 24 Nopember 2013. 
  17. "राष्ट्रपति अचानक ग्यालरीमा | कला र शैली | :: कान्तिपुर ::". Ekantipur.com. http://www.ekantipur.com/kantipur/news/news-detail.php?news_id=224549. Diakses pado 15 Januari 2012.