Kartu debit

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
contoh sabuah kartu debit

Kartu debit adolah sabuah kartu pambayaran sacaro elektronik nan dikaluaan dek bank. Kartu iko dapek pulo bafungsi sabagai pangganti pambayaran jo pitih tunai. Kartu iko mangacu pado saldo tabungan bank nan tadapek di bank nan mangaluan kartu tasabuik. Fungsi dari kartu debit ko adolah untuak mamudahan pambayaran katiko babalanjo karano indak harus mambawo pitih tunai. Dalam babarapo kasus, nomor rekening primer diagaian sacaro eksklusif untuak dipagunoan di jaringan internet nan indak ado kartu fisiknyo.[1]

Di negara-negara lainnyo, panggunoan kartu debit alah manjadi kabiasaan katiko balanjo karao dapek manggantiaan pambayaran malalui cek ataupun pitih tunai. Babeda jo kartu kredit atau kartu bayar, pambayaran manggunoan kartu debit iko prosesnyo langsuang ditransfer dari rekening bank nan punyo kartu, jadi si pambali indak mambayia baliak pitih tasabuik di kamudian hari. Transaksi nan manggunoan kartu debit adolah caro nan dapek digunoan untuak mandukuang garakan nasional non tunai nan dicanangkan dek Bank Indonesia.[2]

Tipe kartu debit[suntiang | suntiang sumber]

Contoh dari bagian muko kartu debit:
  1. Logo Bank Penerbit
  2. Chip EMV
  3. Hologram
  4. Nomor kartu
  5. Logo merek kartu
  6. Tanggal kedaluwarsa
  7. Nama pemegang kartu
Contoh dari bagian balakang kartu debit:
  1. Strip magnetik
  2. Strip tanda tangan
  3. Kode keamanan kartu

Pado maso kiniko ado tigo caro proses transaksi kartu debit: EFTPOS (disabuik juo sabagai online debit atau PIN debit), offline debit (disabuik juo sabagai signature debit) jo Electronic Purse Card System. Ciek kartu fisik dapek mancakup fungsi dari katigo jinih diateh, sahinggo dapek digunoan dalam sajumlah kaadaan atau kondisi nan babeda.[3]

Kabanyakan kartu debit barasa dari merek Visa atau MasterCard, sabannyo ado tadapek babarapo jinih kartu debit, namun masiang-masiang hanyo dapek ditarimo pado ciek negara atau wilayah tatantu, misalnyo Switch (kiniko: Maestro) jo Solo di Britania Raya, Interac di Kanada, Carte Bleue di Prancis, Laser di Irlandia, EC electronic cash (sabalumnyo Eurocheque) di Jerman, UnionPay di Chino.[4] kamudian kartu EFTPOS di Australia jo Selandia Baru.[5]

Kauntuangan kartu debit[suntiang | suntiang sumber]

Sabagai pangguno kartu debit tantunyo mampunyoi manfaaik dalam mambalanjoan pitih atau mangalola kauangan. salah ciek kauntuangannyo iolah katu debit sabagai Alaik nan dapek digunoan untuak manyusun anggaran. Babarapo caro nan dapek digunoan adolah jo caro mamisahan rekening sarupo; rekening tabuangan, investasi, rekening khusus balanjo.[6] Kauntuangan panggunoan kartu debit salanjutnyo iolah panggunoan kartu debit iko labiah aman sarato praktis, indak paralu mambawo pitih dalam jumlah nan banyak jiko nio maambiak pitih dari rekening tabuangan. Salain itu indak paralu lai repot-repot datang ka bank jo mangantri cukuik lamo di bank. Cukuik tingga datangsajo ka ATM nan banyak tasadio di mano-mano, kamudian ambiak piti langsuang dari ATM.[7]

Karugian kartu debit[suntiang | suntiang sumber]

Kartu debit iko mampunyoi babarapo kalemahan dalam pamakaiannyo. Di babarapo negara kartu debit mampunyoi tingkek palinduangan kaamanan nan labiah randah dari kartu kredit. Pancurian PIN pangguno nan manggunoan parangkek skimming dapek dicapai jauah labiah murah jo caro input PIN dibandiangan jo transaksi kredit nan babasis tando tangan. Namun baitu, pancurian kode PIN pangguno nan manggunoan parangkek skimming samo-samo dapek disalasaian jo ciek mamasuakan PIN transaksi debit, sarupo jo mamasuakan kredit transaksi PIN.[8]

Kalemahan salanjuiknyo di banyak tampek, palinduangan hukum untuk konsumen dari panipuan jauah labiah saketek dibandiangan jo kartu kredit. Samantaro pamacik kartu kredit sacaro hukum batangguang jawab hanyo minimal dari panipuan transaksi nan dilakuan jo kartu kredit, nan acok diabaian dek bank, konsumen dapek dianggap batangguang jawab ateh ratusan dolar, atau bahkan saluruah nilai curang debit transaksi.[8] Karano kartu debit mamungkinkan dana nan akan sagaro ditransfer dari rekening katiko malakuan pambalian, konsumen mampunyoi wakatu nan labiah singkek (biasonyo hanyo duo hari) untuak malaporkan panipuan tasabuik ka bank bia dapek mamanuahi syaraik untuak memulihkan dana hilang, Sadangka kartu kredit, jo kasus atau hal nan samo, mampunyoi wakatu sampai 60 hari.[8]

Kartu debit di Indonesia[suntiang | suntiang sumber]

Bank Indonesia mancataik bahwasanyo panggunoan kartu debit di perbankan Indonesia sampai maso kiniko masih cukuik tinggi. Sabagai contoh samanjak Januari hinggo Agustus 2019 transaksi nan manggunoan kartu debit mangalami kanaikan sabanyak 13,14 persen sacaro tahunan (year on year/yoy) dari 4,17 miliar transaksi manjadi 4,71 miliar transaksi. Samantaro itu, nominal transaksi kartu debit masih juo taruih tumbuah duo digit dari Rp 4.512,13 triliun pado pariode Januari-Agustus 2018 manjadi Rp 5.083,27 triliun di pariode nan samo di tahun 2019 atau naiak sabanyak 12,65 persen.[9]

Rujuakan[suntiang | suntiang sumber]

  1. "Swedbank e-kort". Swedbank. Diarsipkan dari versi asli tanggal 2010-04-13. Diakses tanggal 2021-04-10. 
  2. "Keuntungan Menggunakan Kartu Debit yang Perlu Diketahui". SINDOnews.com (dalam bahasa Indonesia). 2016-04-18. Diakses tanggal 2021-04-10. 
  3. Martin, Andrew (January 4, 2010). "How Visa, Using Card Fees, Dominates a Market". New York Times. Diakses tanggal 2010-01-06. 
  4. admin. "Mengenal Jenis Kartu Layanan Perbankan | BSIM" (dalam bahasa Indonesia). Diakses tanggal 2021-04-10. 
  5. "Banking". PPI Australia (dalam bahasa Inggris). 2017-08-12. Diakses tanggal 2021-04-10. 
  6. "Ini Untung Ruginya Punya Kartu Debit untuk Transaksi". suara.com (dalam bahasa Indonesia). 2017-07-19. Diakses tanggal 2021-04-10. 
  7. aturduit.com (2014-10-29). "Manfaat Menggunakan Kartu Debit ~ Marketing.co.id". Portal Lengkap Dunia Marketing (dalam bahasa Inggris). Diakses tanggal 2021-04-10. 
  8. a b c "Debit card facts". U.S. PIRG. 
  9. Media, Kompas Cyber. "Kartu Debit Masih Mendominasi Transaksi Perbankan Halaman all". KOMPAS.com (dalam bahasa Indonesia). Diakses tanggal 2021-04-10.