Investasi

Wikipedia Minangkabau - Lubuak aka tapian ilimu

Investasi adolah sabuah kagiatan untuak mananaman modal, baiak secaro langsuang ataupun indak langsuang, nan diharokan pado maso nan kadatang urang nan punyo modal mandapekan sajumlah kauntuangan dari hasia pananaman modal tasabuik.[1] Dalam Kamus Besar Bahasa Indonesia investasi bararti pananaman pitih atau modal pado suatu parusahaan atau proyek untuak tujuan mamparoleh kauntuangan. Sacaro umum investasi dapek pulo diaratian sabagai maluangkan atau memanfaaikan wakatu, pitih atau tanago demi sabuah kauntuangan atau manfaaik dimaso kadatang. Jadi, investasi marupoan mambali sasuatu nan diharokan di maso nan kan datang dapek dijua baliak jo harago nan labiah tinggi dari harago samulo. [2]

Teori investasi[suntiang | suntiang sumber]

Marujuak kapado teori ekonomi, investasi bararti pangaluaran atau pananaman modal sabuah parusahoan untuak mambali barang-barang modal sarato parlangkapan-parlangkapan nyo untuak manambah kamampuan mamproduksi barang-barang jo jaso-jaso nan tasadio dalam parekonomian. Contohnya membangun rel kereta api atau pabrik [3] Investasi adalah suatu komponen dari PDB dengan rumus . Fungsi investasi pada aspek tersebut dibagi pada investasi non-residential (sarupo pabrik jo masin) jo investasi residential (rumah baru).[4]

Bantuak investasi[suntiang | suntiang sumber]

Investasi aratinyo mananamkan modal barupo aset atau pitih pado sabuah parusahaan atau sacaro pribadi supayo nan diharokan yaitunyo modal nan ditanamkan tasabuik dapek tumbuah sarato jo bakambang. Investasi ko ado duo jinih yaitunyo physical investment jo financial investment. Physical investment aratinyo investasi nan dpek diliek investasinyo, sarupo ameh batangan, properti, jo barang baharago sadangkan financial investment yaitunyo investasi barupo produk kauangan nan indak dapek dicaliak atau dikakok langsuang. [5][6]

  • Investasi tanah - diharokan sairiang jo batambahnyo populasi jo panggunoan tanah; harago tanah akan maningkek pado maso nan akan datang.[7]
  • Investasi pendidikan - sairiang batambahnyo pangatahuan jo kaahlian, diharokan pancarian karajo jo pandapatan labiah gadang.[7]
  • Investasi saham - Saham adolah sabuah bukti kapamilikan suatu parusahaan. Pambalian saham sabuah parusahaan hanyolah parusahaan nan tacataik di Bursa Efek Indonesia (BEI).[7]
  • Investasi mato uang asiang - diharokan investor nio mandapekan kauntuangan dari mangueknyo nilai tuka mato uang asiang tahadok mato uang lokal[7]
  • Investasi ameh - dek karano naiaknyo harago ameh, ameh dapek dijadiaan salah ciek modal investasi nan rancak, dikaranoan harago ameh nan salalu naiak jo harago nan tinggi. [8]
  • Investasi Kripto - sabagai salah ciek trend investasi baru, mato uang digital mampunyoi resiko nan sangaik tinggi dikaranoan volatilitasnyo nan tinggi [9]

Pihak nan dapek manjalanan investasi[suntiang | suntiang sumber]

Investasi dapek dijalanan dek pamarintah ataupun dek swasta. Investasi nan dek pamarintah adolah investasi nan dijalanan dek pamarintah (baiak pamarintah pusek maupun dek pamarintah daerah) dalam rangka panyadioan barang publik untuak malayani jo manciptakan kasejahteraan untuak masyarakaik sarato jo indak batujuan untuak mancari labo. Investasi swasta adolah investasi nan dijalanan dek pihak swasta nan mamprioritaskan dalam parolehan kauntuangan dari modal nan alah dikaluaan sabalumnyo.[10]

Investasi jo Spekulasi[suntiang | suntiang sumber]

Investasi acoksakali disandiangan jo spekulasi, untuak dapek disabuik sabagai Investasi manuruik pakar ekonom dunia, Benyamin Graham, saluruah kagiatan nan alah dianalisis sacaro manyaluruah jo manjanjian pangambalian modal sarato pangambalian nan mamadai.[11] Salain itu, Pabedaan utamo antaro malakuan investasi jo baspekulasi adolah tingkek risiko jo jaminan dalam manarimo baliak modal. Investor akan yakin inyo indak akan kahilangan modal. Samantaro, para spekulan tahu bana bahwasanyo ado kamungkinan nan cukuik gadang inyo mangalami kagagalan dalam pananaman modalnyo. [12]

Rujuakan[suntiang | suntiang sumber]


  1. Cana Paranita, Moch. Dzulkirom, AR, Raden Rustam Hidayat (2015). "Analisis Investasi Dalam Reksadana Saham (Equity Funds) Dengan Metode Sharpe dan Treynor". Jurnal Administrasi Bisnis. 27 (1): 2. Diarsipkan dari versi asli tanggal 2021-05-12. Diakses tanggal 2021-04-08. 
  2. "Arti kata investasi - Kamus Besar Bahasa Indonesia (KBBI) Online". kbbi.web.id. Diakses tanggal 2021-08-04. 
  3. MUKHYI, MOHAMMAD ABDUL (3/5/2010). "Teori Investasi" (PDF). Gunadarma Journal: 1. Diarsipkan dari versi asli (PDF) tanggal 2022-11-23. Diakses tanggal 2021-04-08. 
  4. Kusumawardhani, Made Sri, Gusti Ayu, Sri Susilawati (1-08-2012). "FAKTOR-FAKTOR YANG MEMENGARUHI PDB INDONESIA DENGAN PERSAMAAN SIMULTAN 2SLS". ojs.unud.ac.id. e-Jurnal Matematika Jurusan Matematika, Fakultas MIPA, Universitas Udayana. Diakses tanggal 2021-04-09. 
  5. Partners, Steven Ransingin-Aidil Akbar Madjid &. "Buruan Coba! 5 Investasi Ini Bisa Jadi Pilihan". detikfinance (dalam bahasa Indonesia). Diakses tanggal 2021-o4-9. 
  6. Bitcoin Trading South Africa. CMTrading.com. 2 November 2019. Diakses tanggal 20/04/2022
  7. a b c d Ekonomi, Warta (2020-05-25). "Mengenal 5 Jenis Investasi Keuangan". Warta Ekonomi (dalam bahasa Indonesia). Diakses tanggal 2020-10-03. 
  8. Times, I. D. N.; Anjani, Hanum Putri. "Sebelum 30 Tahun, Ini 7 Pilihan Investasi yang Bikin Kaya Raya!". IDN Times (dalam bahasa Indonesia). Diakses tanggal 2021-04-9. 
  9. Uly, Yohana (16-02-2021). "Tertarik Investasi di Bitcoin dan Mata Uang Kripto Lainnya? Simak Dulu Tips Ini". Kompas. Diakses tanggal 09-04-2021. 
  10. Lutvi Fauziana, Anita Mulyaningsih, Eli Anggraeni, Sadi Chaola Y. M, Umi Rofida (2014). "Keterkaitan Investasi Modal Terhadap GDP Indonesia". Economics Development Analysis Journal. 3 (2): 375. 
  11. Graham, Benjamin (Jason Zweig (2003-07-08) [1949].). The Intelligent Investor. Warren E. Buffett (collaborator) (2003 ed.): HarperCollins. pp. 18. ISBN 0-06-055566-1. https://archive.org/details/harrypotterhalfb00rowl_0. 
  12. Pradana, Melvern (20-01-2021). "Perbedaan Investasi dan Spekulasi". InvestBro.ID. Diakses tanggal 05-04-2021.