Karabu baluik

Wikipedia Minangkabau - Lubuak aka tapian ilimu
Karabu baluik
Karabu baluik
Asa
NagaraIndonesia
DaerahPayakumbuah, Sumatera Barat
Detail
Jinih idanganUtamo
PanyajianAngek atau suhu ruangan
Bahan utamobaluik, santan karambia, lado, bumbu

Karabu baluik marupoan hidangan tradisional dari Payakumbuah, Sumatera Barat. Hidangan ko barupo dagiang baluik nan alah dipanggang atau baka jo diagiah bumbu jo santan. Bumbunyo lado merah, bawang merah, garam, jo asam kapeh. Di rumah makan padang hidangan jinih ko tamasuak jarang ditamui dek indak banyak urang nan mambueknyo. Biasonyo di rumah makan padang menu hidangan babahan utamo baluik hanyo baluik goreng atau baluik balado.[1]

Caro mamasak[suntiang | suntiang sumber]

Bahan-bahan nan digunoan untuak mambuek karabu baluik yaitu baluik, karambia paruik, jo santan. Untuk bumbunyo manggunoan lado merah, bawang merah, asam kapeh, jo garam. Sabalun dimasak, barasiahan baluik hinggo lendirnyo hilang. Sudah tu dikarek jo dibaka atanu dipanggang. Kalau alah masak, pisahan dari kuliknyo. Salanjuiknyo giliang kasa lado untuak diabuih jo bawang merah, garam, jo asam kapeh. Masuakan bauik tadi ka dalam bumbu, aduak sampai marato. Sudah tu masuakan santan jo diaduak sampai masak.[1][2]

Rujuakan[suntiang | suntiang sumber]

  1. a b "Resep: Karabu Baluik nan Lamak Bana". detikfood. Diakses tanggal 2021-06-10. 
  2. "Kerabu Baluik » Budaya Indonesia". budaya-indonesia.org. Diakses tanggal 2021-06-10.