Kabupaten Way Kanan

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kabupaten Way Kanan
Kabupaten di Lampung, Indonesia
Lambang rasmi Kabupaten Way Kanan
Lambang
Semboyan: Ramik Ragom
Lokasi Lampung Kabupaten Way Kanan.svg
Nagara Indonesia
ProvinsiLampung
Tanggal paresmian27 April 1999
Dasa hukumUU RI Nomor 12 Tahun 1999
Ibu kotaBlambangan Umpu
Pamarintahan
 • BupatiH. Raden Adipati Surya, S.H., M.M.
 • Wakil BupatiDr. Drs. Edward Antony, M.M.
 • Sekretaris DaerahSaipul, S.Sos., M.IP
Laweh
 • Total3.921,63 km2 (151,415 sq mi)
Panduduak (2020[1])
 • Total473,575 jiwa
Zona wakatuWIB (UTC+07:00)
Kode telepon0723
Jumlah kecamatan15
Jumlah kelurahan6
Jumlah desa221
DAURp655.518.878.000,00 (2018)[2]
PADRp52.566.752.594,00 (2018)[3]
APBDRp1.306.671.826.046,00 (2018)[3]
IPM66.63[4]
Palabuahan udaroGatot Soebroto
Kode Kemendagri18.08 Edit the value on Wikidata
Situs webwaykanankab.go.id

Kabupaten Way Kanan (Aksara Lampung: Way kanan-aksara.png) adolah kabupaten di provinsi Lampung, Indonesia nan marupokan salah satu pamekaran dari Lampung Utara. Kabupaten iko babatehan jo Provinsi Sumatera Selatan dan marupokan ciek kabupaten di Provinsi Lampung nan tajauh dari pusek pamarintahan provinsi (Kota Bandar Lampung). Kabupaten iko juo mandapek gala Negeri 1001 Curup atau Negeri 1001 Air Terjun dek banyaknyo destinasi wisata barupo sarasah.[5] Salain itu, kabupaten iko manjadi satu-satunyo kabupaten di Lampung nan mampunyoi labuahan udaro, nan banamo Palabuahan Udaro Gatot Soebroto.[6]

Sijarah[suntiang | suntiang sumber]

Mulonyo Way Kanan adolah ciek kawedanan nan ado di Kabupaten Lampung Utara basamo jo Kawedanan Kotabumi, Krui, sarato Menggala. Pado taun 1957, pamarintah pusek marencanakan 100.000 hektar tanah untuak kaparaluan transmigrasi di Kabupaten Lampung Utara. Namun tigo kawedanan lain manulak, sainggo Wedana Way Kanan pado maso itu, Ratu Pengadilan, maadokanpatamuan untuak mambahas itu. Dari hasia patamuan itu, Kawedanan Way Kanan manarimo tawaran dari pamarintah dan muncua pulo gagasan dari Hi. Ridwan Basyah, notulis patamuan, untuk manjadikan Way Kanan sabagai kabupaten tapisah.[7]

Pado taun 1971, gagasan untuak manjadikan Way Kanan sabagai kabupaten nan tagak surang muncua baliak inggo diadokan patamuan di Tanjung Agung, Bandar Lampung. Pado taun 1975, Nasrunsyah bagala Sutan Mangkubumi, di Bumi Agung, Bahuga, maadokan alek adat Bugawi jo maundang tokoh-tokoh adat (punyimbang) sawilayah Way Kanan. Pado alek itu diadokan pulo musyawarah untuk mambahas gagasan Kabupaten Way Kanan. Gagasan tasabuik sagiro disampaikan ka Pamarintah Daerah Tingkek II Kabupaten Lampung Utara jo Pamarintah Daerah Tingkek I Provinsi Lampung.[7]

Pado taun 1986, Pamarintah Pusek mambantuak Pambantu Bupati Lampung Utara Wilayah Blambangan Umpu jo Surat Keputusan Menteri Dalam Negeri, Nomor: 821.26-502 Tanggal 8 Juni 1985. Pambantu Bupati Kabupaten Lampung Utara Wilayah Blambangan Umpu tadiri ateh anam kecamatan, yaitu:[7]

  1. Kecamatan Blambangan Umpu, baibu kota Blambangan Umpu.
  2. Kecamatan Bahuga, baibu kota Mesir Ilir.
  3. Kecamatan Pakuan Ratu, baibu kota Pakuan Ratu.
  4. Kecamatan Baradatu, baibu kota Tiuh Balak.
  5. Kecamatan Banjit, baibu kota Banjit.
  6. Kecamatan Kasui, baibu kota Kasui.

Pado tanggal 4 Mei 1991 diadokan Musyawarah Besar di Gedung Sesat Puranti Gawi Blambangan Umpu untuak persiapan Way Kanan manjadi kabupaten. Way Kanan baru dilewakan manjadi kabupaten nan tagak surang 8 taun kamudian.[8][7]

Kabupaten Waykanan tagak manuruik Undang-Undang No.12 tahun 1999 tanggal 20 April 1999 tentang Pembentukan Kabupaten Dati II Way Kanan, Kabupaten Dati II Lampung Timur dan Kotamadya Metro. Lewa Kabupaten Way Kanan dilakukan pado tanggal 27 April 1999 ditandoi jo lewa Pejabat Bupati dek Menteri Dalam Negeri di Jakarta. Tanggal 27 April kudian ditatapkan sabagai ari jadi Kabupaten Way Kanan.[7]

Geografi[suntiang | suntiang sumber]

Sacaro geografis Kabupaten Way Kanan talatak pado 104'17 sampai 105'04 bujur timur dan 4'12 sampai 4'58 lintang selatan jo bateh - bateh wilayah sabagai barikuik:[1]

Bateh Wilayah[suntiang | suntiang sumber]

Utara Provinsi Sumatera Selatan
Selatan Kabupaten Lampung Utara
Barat Kabupaten Lampung Barat
Timur Kabupaten Tulang Bawang Barat


Pamarintahan[suntiang | suntiang sumber]

Daftar Bupati[suntiang | suntiang sumber]

No Bupati Mulai Jabatan Akhia Jabatan Prd. Ket. Wakil Bupati
1
No image available.svg H.
Muhtar Lutfi
S.H.
1986
1988
1
[Ket. 1]
2
No image available.svg H.
Ridwan Basyah
1988
1992
2
[Ket. 2]
3
No image available.svg Drs. H.
Mansyur Nur
1992
1994
3
[Ket. 3]
4
No image available.svg Drs. H.
Tamanuri
M.M.
1994
1996
4
[Ket. 4]
5
No image available.svg Drs.
Rifdi Arief
1996
1999
5
[Ket. 5]
(4)
No image available.svg Drs. H.
Tamanuri
M.M.
1999
2000
6
[Ket. 6]
2000
2005
7
Marsidi Hasan
2005
2010
8
Bustami Zainudin
6
No image available.svg H.
Bustami Zainudin
S.Pd., M.M.
2010
2015
9
Raden Nasution Husin
-
No image available.svg Albar Hasan Tanjung
23 Agustus 2015
17 Februari 2016
-
[Ket. 7][9]
7
Raden Adipati Surya Official.png H.
Raden Adipati Surya
S.H., M.M.
17 Februari 2016
26 September 2020
10
Edward Antony (2016-2020)
-
No image available.svg Ir.
Mulyadi Irsan
M.T.
26 September 2020
5 Desember 2020
[10]
7
Raden Adipati Surya Official.png H.
Raden Adipati Surya
S.H., M.M.
5 Desember 2020
Petahana
Ali Rahman
Catatan
  1. Pembantu Bupati Lampung Utara Wilayah Blambangan Umpu
  2. Pembantu Bupati Lampung Utara Wilayah Blambangan Umpu
  3. Pembantu Bupati Lampung Utara Wilayah Blambangan Umpu
  4. Pembantu Bupati Lampung Utara Wilayah Blambangan Umpu
  5. Pembantu Bupati Lampung Utara Wilayah Blambangan Umpu
  6. Penjabat Bupati Way Kanan
  7. Penjabat Bupati Way Kanan


Dewan Perwakilan[suntiang | suntiang sumber]

Barikuik iko adolah komposisi anggota DPRD Kabupaten Way Kanan dalam duo periode tarakhia.[11][12]

Partai Politik Jumlah Kurisi dalam Periode
2014-2019 2019-2024
Logo PKB.svg PKB 4 5
Logo Gerindra.svg Gerindra 7 4
LOGO- PDIP.svg PDI Perjuangan 5 4
Golkar 4 3
Partai NasDem.svg NasDem 3 5
PKS logo 2020.png PKS 1 2
PPP logo 2021.png PPP 2 0
Logo Partai Amanat Nasional.png PAN 2 4
Logo Hanura.svg Hanura 5 2
Democratic Party (Indonesia).svg Demokrat 7 11
Jumlah Anggota 40 Steady 40
Jumlah Partai 10 9

Kecamatan[suntiang | suntiang sumber]

Kabupaten Way Kanan tadiri dari 14 kecamatan, 6 kelurahan, dan 221 kampuang. Pado taun 2017, jumlah panduduaknyo mancapai 479.256 jiwa jo laweh wilayah 3.921,63 km² sarato sebaran panduduak 122 jiwa/km².[13][14]

Daftar kecamatan dan kelurahan di Kabupaten Way Kanan, adolah sabagai barikuik:

Kode
Kemendagri
Kecamatan Jumlah
Kelurahan
Jumlah
Kampung
Status Daftar
Kampung/Kelurahan
18.08.05 Bahuga 11 Kampung
18.08.03 Banjit 1 19 Kampung
Kelurahan
18.08.04 Baradatu 3 19 Kampung
Kelurahan
18.08.01 Blambangan Umpu 1 25 Kampung
Kelurahan
18.08.13 Buay Bahuga 9 Kampung
18.08.14 Bumi Agung 10 Kampung
18.08.10 Gunung Labuhan 21 Kampung
18.08.02 Kasui 1 18 Kampung
Kelurahan
18.08.11 Negara Batin 15 Kampung
18.08.07 Negeri Agung 19 Kampung
18.08.12 Negeri Besar 13 Kampung
18.08.06 Pakuan Ratu 19 Kampung
18.08.09 Rebang Tangkas 10 Kampung
18.08.08 Way Tuba 13 Kampung
TOTAL 6 221

Panduduak[suntiang | suntiang sumber]

Manuruik Badan Pusat Statistik Kabupaten Way Kanan, panduduak di kabupaten iko diproyeksikan mancapai 473.575 jiwa di taun 2020 nan tadiri dari 242.874 jiwa panduduak laki-laki jo 230.701 jiwa panduduak padusi. Samantaro kapadatan panduduak di Kabupaten Way Kanan taun 2020 mancapai 122 jiwa/km2 jo kapadatan panduduak tatinggi talatak di Kecamatan Baradatu jo kapadatan mancapai 293 jiwa/km2 dan tarandah di Kecamatan Bahuga mancapai 57 jiwa/km2 .[1]

Agamo[suntiang | suntiang sumber]

Mayoritas panduduak Kabupaten Way Kanan maanuik agamo Islam nan mancapai 96,25%. Samantaro agamo-agamo lain nan dianuik di kabupaten iko antaro lain Kristen 0,72%, Katolik 1,19%, Hindu 1,78%, jo Buddha 0,05%.[1]

Etnis[suntiang | suntiang sumber]

Panduduak Kabupaten Way Kanan barasa dari baragam etnis. Etnis asalinyo adolah Urang Way Kanan, nan marupokan salah satu suku dari Etnis Lampung nan mamakai adat Pepadun sarato mamakai bahaso Lampung Api.[15] Urang Way Kanan marupokan panganuik agamo Islam.[16] Etnis asali Sumatera bagian selatan lain nan ado di Way Kanan antaro lain urang Ogan, Semendo, jo Komering.[17]

Etnis pandatang nan rami di Way Kanan adolah urang Jao, Sunda, jo Bali. Katigo etnis tasabuik taseba di Way Kanan mulonyo dek program transmigrasi.[18]

Urang Jao tibo di Way Kanan mulonyo dek transmigrasi lokal dari Lampung Selatan nan alah rami dek transmigran.[18] Dalam kasahariannyo, urang Jao mangecek jo bahaso Jao. Agamo nan dianuik urang Jao mayoritas adolah Islam jo sabagian maanuik agamo Protestan jo Katolik.[19]

Urang Bali mulai rami di Way Kanan dek ado bancano Gunuang Agung, Karangasem, Bali, malatuih pado taun 1963. Panduduak Bali nan tadampak, utamonyo nan barasa dari Karangasam, diagiah tawaran untuak ikuik program transmigrasi. Urang-urang Bali nan ikuik dipindahkan kudian mauni tigo desa di Kecamatan Banjit.[20] Dek populasinyo nan samakin bakambang, urang Bali mulai taseba ka daerah lainnyo di Way Kanan, cando ka Kecamatan Kasui jo Pakuan Ratu. Dalam kasahariannyo, urang Bali dapek iduik harmonis jo etnis asali sarato tatap manjalankan adat Bali, babahaso Bali, jo maanuik agamo Hindu.[21][22][19]

Wisata[suntiang | suntiang sumber]

Kabupaten Way Kanan tanamo sabagai tampek tujuan wisata alam, utamonyo sarasah. Ado banyak sarasah nan taseba di Way Kanan sainggo kabupaten ko mandapek gala Negeri 1001 Curup atau Negeri 1001 Air Terjun. Tampek-tampek wisata alam nan taseba di Way Kanan antaro lain:[23][24]

  • Batang Aia Way Besay
  • Sarasah Kereta
  • Sarasah Putri Malu
  • Sarasah Bukit Duduk
  • Objek Wisata Aia Angek Serasan
  • Sarasah Gangsa
  • Sarasah Susukan atau Cangkah
  • Sarasah Ranggal
  • Sarasah Semarang
  • Sarasah Kinciran
  • Sarasah Anggal
  • Sarasah Pinang Indah

Rujuakan[suntiang | suntiang sumber]

  1. a b c d "Badan Pusat Statistik Kabupaten Way Kanan". waykanankab.bps.go.id. Diakses tanggal 2021-07-30. 
  2. "Rincian Alokasi Transfer ke Daerah dan Dana Desa Provinsi/Kabupaten/Kota Dalam APBN T.A. 2018" (PDF). 
  3. a b "APBD 2018 ringkasan update 20 Agustus 2018". 2018-08-20. Diakses tanggal 2018-11-04. 
  4. https://ipm.bps.go.id/data/provinsi/metode/baru/1800
  5. Maarif, Nurcholis. "Dana Desa Bangkitan Wisata Desa di Kabupaten Way Kanan". detiknews (dalam bahasa Indonesia). Diakses tanggal 2021-07-29. 
  6. antaranews.com (2019-04-06). "Menhub resmikan operasional Bandara komersial Gatot Subroto Waykanan". Antara News. Diakses tanggal 2021-07-29. 
  7. a b c d e Kanan, Diskominfo Way. "Halaman - Sejarah". Pemerintah Kabupaten Waykanan (dalam bahasa Indonesia). Diakses tanggal 2021-07-29. 
  8. http://www.kemendagri.go.id/pages/profil-daerah/kabupaten/id/18/name/lampung/detail/1808/way-kanan
  9. Albar Hasan Tanjung Penjabat Bupati Waykanan Lampung, diakses 29 Desember 2020.
  10. Jelang Pilkada, Mulyadi Irsan Ditunjuk Sebagai Pjs Bupati Waykanan, diakses 29 Desember 2020.
  11. Perolehan Kursi DPRD Way Kanan 2014-2019
  12. Perolehan Kursi DPRD Way Kanan 2019-2024
  13. "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 29 Desember 2018. Diakses tanggal 3 Oktober 2019. 
  14. "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 15 Januari 2020. 
  15. Ariyani, Farida; Yufrizal, Hery; Agustina, Eka Sofia; Mustofa, Ali (2015) (dalam bahaso en). KONSEPSI PIIL PESENGGIRI MENURUT MASYARAKAT ADAT LAMPUNG WAYKANAN DI KABUPATEN WAYKANAN. Bandar Lampung: Aura Printing & Publishing. ISBN 978-602-1297-66-7. http://repository.lppm.unila.ac.id/660/. 
  16. Ariska, Iis (2018-05-07). "PERAN DAI DALAM PEMBINAAN TOLERANSI KERUKUNAN ANTAR UMMAT BERAGAMA DI DESA BUKIT BATU KECAMATAN KASUI KABUPATEN WAY KANAN" (dalam bahasa Inggris). Diakses tanggal 2021-07-30. 
  17. Nurdin, Bartoven Vivit; Asnani, Asnani; Zakaria, Wan Abbas (2020-09). "Mesir Ilir Marga Buay Bahuga : Sebuah Etnografi". repository.lppm.unila.ac.id (dalam bahasa Inggris). Diakses tanggal 2021-07-30. 
  18. a b Khoiriyah, Febriana; Fahri, Ardian; Bramantio, Bimo; Sumargono, Sumargono (2019-07-19). "Sejarah Toponimi Daerah Transmigrasi Provinsi Lampung Melalui Tuturan Tradisi Lisan". AGASTYA: JURNAL SEJARAH DAN PEMBELAJARANNYA (dalam bahasa Indonesia). 9 (2): 221–240. doi:10.25273/ajsp.v9i2.4419. ISSN 2502-2857. 
  19. a b KOMANG SWASTA, 1416011053 (2018-04-23). "FAKTOR-FAKTOR YANG MEMPENGARUHI HARMONISASI PERDAMAIAN ANTARETNIS (Studi Pada Masyarakat Desa Negara Ratu, Kecamatan Pakuan Ratu, Kabupaten Way Kanan, Lampung)". digilib.unila.ac.id. Diakses tanggal 2021-07-30. 
  20. MAULIA, TIKA FRASTIKA, Alfitri Alfitri, and Dyah Hapsari. PROSES INTERAKSI MASYARAKAT HINDU-BALI DENGAN MASYARAKAT LOKAL DESA BALI SADHAR KECAMATAN BANJIT KABUPATEN WAY KANAN PROVINSI LAMPUNG. Diss. Sriwijaya University, 2020.
  21. Arifin, Zainal (2020-07-08). "Kami Bali-Lampung: Politik Identitas Etnik Bali Migran dalam Masyarakat Multikultural Way Kanan, Lampung". Jurnal Pemikiran Sosiologi (dalam bahasa Indonesia). 7 (1): 47–62. doi:10.22146/jps.v7i1.57675. ISSN 2502-2059. 
  22. SANTOSO, RUDI (2017-08-16). "POLA KOMUNIKASI ANTARBUDAYA ETNIS LAMPUNG DAN BALI DALAM MEMELIHARA KERUKUNAN HIDUP BERMASYARAKAT DI DESA BUKIT BATU KECAMATAN KASUI KABUPATEN WAY KANAN" (dalam bahasa Inggris). Diakses tanggal 2021-07-30. 
  23. Setiawan, Wawan (2021-07-15). "15 Tempat Wisata di Way Kanan yang Menarik". Lampung.co (dalam bahasa Indonesia). Diakses tanggal 2021-07-30. 
  24. Sari, Rena Mukti; Zulkarnain, Zulkarnain; Miswar, Dedy (2018-08-21). "Pemetaan Potensi Objek Wisata Alam di Kabupaten Way Kanan Tahun 2017". JPG (Jurnal Penelitian Geografi) (dalam bahasa Inggris). 6 (6). ISSN 2302-0032.