Kabupaten Tanggamus

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kabupaten Tanggamus
Kabupaten di Lampung, Indonesia
Lambang Kabupaten Tanggamus.png
Lambang
Semboyan: Begawi Jejama
(Lampung: Bakarajo samo)
Lokasi Lampung Kabupaten Tanggamus.svg
Nagara Indonesia
ProvinsiLampung
Tanggal paresmian21 Maret 1997
Dasa hukumUU RI Nomor 2 Tahun 1997
Ibu kotaKota Agung Pusat
Pamarintahan
 • BupatiDewi Handajani
 • Wakil BupatiAM. Syafi'i
Laweh
 • Total4.654,96 km2 (179,729 sq mi)
Panduduak ((2017)[1])
 • Total580.383 jiwa
Demografi
 • EtnikLampung 80.45%
Jawa 12.98%
Lainnyo Sunda, Bali, Minangkabau 6.57%
 • AgamoIslam 97.43%
Kristen Protestan 1.43%
Katolik 0.75%
Hindu 0.31%
Buddha 0.08%[2]
Zona wakatuWIB (UTC+07:00)
Kode telepon0722
Jumlah kecamatan20
Jumlah kelurahan3
Jumlah desa293
DAURp 789.442.526.000.-(2017)[3]
Kode Kemendagri18.06 Edit the value on Wikidata
Situs webhttp://www.tanggamus.go.id/

Kabupaten Tanggamus (Aksara Lampung: Tanggamus (aksara Lampung).png) adolah salah satu kabupaten di Provinsi Lampung, Indonesia. Ibu kota kabupaten iko talatak di Kota Agung Pusat. Kabupaten Tanggamus diresmian badasarkan Undang-Undang Nomor 2 Tahun 1997, tanggal 21 Maret 1997. Kabupaten iko mampunyoi luweh wilayah 4.654,98 Km² dan bapanduduak sabanyak 580.383 jiwa (tahun 2017) dengan kapadatan panduduak 124 jiwa/km². Di bidang pendidikan, Kabupaten Tangamus mampunyoi sarana dari 20 PAUD/TK, 434 SD/MI, 58 SMP/MTs, 17 SMA/MA, 5 SMK/MK hinggo Paguruan Tinggi.[4]

Geografi[suntiang | suntiang sumber]

Sacaro geografis Kabupaten tanggamus talatak pado posisi 104°18’ - 105°12’ Bujur Timur dan 5°05’ - 5°56’ Lintang Selatan. Satu dari duo taluak gadang nan ado di Provinsi Lampung tadapek di Kabupaten Tanggamus yaitunyo taluak Semaka dengan panjang daerah pantai 200 km dan sabagai tampek bamuaronyo 2 (duo) sungai gadang yaitu Way Sekampung jo Way Semaka. Salain itu Wilayah Kabupaten tanggamus dipangaruahi dek udaro tropical pantai jo dataran pagunuangan dengan temperatur udaro nan sajuak dengan rato-rato 28 °C.[4]

Bateh wilayah[suntiang | suntiang sumber]

Bateh wilayah administratif Kabupaten Tanggamus adolah sabagai barikuik:[4]

Utara Kabupaten Lampung Barat jo Kabupaten Lampung Tengah
Selatan Samudera Hindia
Barat Kabupaten Lampung Barat jo Kabupaten Pesisir Barat
Timur Kabupaten Pringsewu


Luweh wilayah[suntiang | suntiang sumber]

Kabupaten Tanggamus mampunyoi luweh Wilayah 2.855,46 Km² untuak luweh daratan ditambah dengan daerah lauik saluweh 1,799,50 Km² dengan luweh kasaluruahan 4, 654,98 Km², dengan topografi wilayah bavariasi antaro dataran randah jo dataran tinggi, nan sabagian marupoan daerah babukik sampai bagunuang, yakni sakitar 40% dari saluruah wilayah dengan katinggian dari pamukaan lauik antara 0 sampai dengan 2.115 meter. Potensi sumber daya alam nan dimiliki dek Kabupaten Tanggamus sabagian gadang dimanfaatkan untuak kagiatan pertanian. Salain itu masih tadapek babarapo sumber daya alam lain nan potensial untuak dikambangkan antaro lain; patambangan ameh, bahan galian sarupo granit jo batu pualam atau marmer. Disampiang itu tadapek pulo sumber aia angek jo paneh bumi nan mamungkinkan untuak dikambangkan manjadi pambangkik energi listrik alternatif.[4]

Pamarintahan[suntiang | suntiang sumber]

Daftar Bupati[suntiang | suntiang sumber]

Barikuik adolah Daftar Bupati Tanggamus dari maso ka maso:[5]

No Bupati Mulai Jabatan Akhia Jabatan Wakil Bupati Katarangan
1 Drs. H. Achmad Syah Putra 1997 2002
2 Drs. H. Fauzan Sya’ie, M.Sc 2002 2007 H. Bambang Kurniawan, ST
3 H. Bambang Kurniawan, ST 2008-2013 2013-2016 H. Sujadi Saddat

Hi. Samsul Hadi, S.Pd.i

Duo Pariode. Nonaktif takaik Tindak Pidana KKN[6]
4 Hi. Samsul Hadi S.pd.i 2016 2018 Kosong Malanjuikan maso bakti jabatan nan ditinggaan bupati sabalumnyo.
5. Hj. Dewi Handajani, SE,. MM. 2018 2023 Hi, AM. Syafi;i, S.Ag. Petahana


Dewan Perwakilan[suntiang | suntiang sumber]

Barikuik iko adolah komposisi anggota DPRD Kabupaten Tanggamus dalam duo pariode tarakhi.[7][8]

Partai Politik Jumlah Kursi dalam Periode
2014-2019 2019-2024
Logo PKB.svg PKB 2 7
Logo Gerindra.svg Gerindra 4 Steady 4
LOGO- PDIP.svg PDI Perjuangan 11 12
Golkar 5 4
Partai NasDem.svg NasDem 3 5
PKS logo 2020.png PKS 3 4
PPP logo 2021.png PPP 4 3
Logo Partai Amanat Nasional.png PAN 5 6
Logo Hanura.svg Hanura 3 0
Democratic Party (Indonesia).svg Demokrat 5 0
Jumlah Anggota 45 Steady 45
Jumlah Partai 10 8


Kecamatan[suntiang | suntiang sumber]

Kecamatan nan tadapek di Kabupaten Tanggamus sabagai barikuik: Kecamatan Air Naningan, Kecamatan Bandar Negeri Semuong, Kecamatan Bulok, Kecamatan Cukuh Balak, Kecamatan Gisting, Kecamatan Kota Agung Barat, Kecamatan Kota Agung Pusat, Kecamatan Kota Agung Timur, Kecamatan Kelumbayan, Kecamatan Kelumbayan Barat, Kecamatan Limau, Kecamatan Pematang Sawa, Kecamatan Pugung, Kecamatan Pulau Panggung, Kecamatan Semaka, Kecamatan Sumberejo, Kecamatan Talang Padang, Kecamatan Ulubelu, Kecamatan Wonosobo, Kecamatan Gunung Alip.[9]

Pariwisata[suntiang | suntiang sumber]

Kabupaten Tanggamus mampunyoi babarapo tampek objek wisata diantaronyo sabagai barikuik; Taluak kiluan, Pantai gigi hiu, Gunung Tanggamus, Pantai sawmil, Air terjun way lalaan, Air terjun jarum lebuay, Bendungan batutegi, Air terjun lembang pelangi. Pantai gigi hiu marupoan tampek objek wisata nan tanamo pado maso kiniko di Kabupaten Tanggamus. Hal tasabuik di karanoan pantai iko manawarkan pamandangan batu karang nan rancak. Namun dari pado itu pangunjuang diharokan bahati-hati karano pantai gigi hiu iko curam sarato babatuannyo nan agak licin.[10]

Rujuakan[suntiang | suntiang sumber]

  1. "Kabupaten Tanggamus Dalam Angka 2017". BPS Kabupaten Tanggamus. Diakses tanggal 18 Februari 2018. 
  2. "Kabupaten Tanggamus Dalam Angka 2017". BPS Kabupaten Tanggamus. Diakses tanggal 18 Februari 2018. 
  3. "Rincian Alokasi DAU Murni T.A. 2017" (PDF). 
  4. a b c d "KABUPATEN TANGGAMUS". www.tanggamus.go.id. Diakses tanggal 2021-07-31. 
  5. "Bupati Tanggamus". tanggamus.go.id. Diakses tanggal 2021-08-31. 
  6. Media, Kompas Cyber. "KPK Tetapkan Bupati Tanggamus sebagai Tersangka Suap". KOMPAS.com (dalam bahasa Indonesia). Diakses tanggal 2019-02-14. 
  7. Perolehan Kursi DPRD Tanggamus 2014-2019
  8. Perolehan Kursi DPRD Tanggamus 2019-2024
  9. "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 15 Januari 2020. 
  10. M, Alib (2020-03-24). "15 Tempat Wisata di Tanggamus Terbaru & Terhits Dikunjungi - Andalas Tourism" (dalam bahasa Inggris). Diakses tanggal 2021-08-31. 

Pautan lua[suntiang | suntiang sumber]