Kabupaten Kepahiang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kabupaten Kepahiang
Kabupaten di Bengkulu, Indonesia
Semboyan: Asri Laksana Emas dan Intan (Alami)
Lokasi Bengkulu Kabupaten Kepahiang.svg
Nagara Indonesia
ProvinsiBengkulu
Tanggal paresmian7 Januari 2004
Dasa hukumUndang-undang No. 39 Tahun 2003
Ibu kotaKepahiang
Pamarintahan
 • BupatiHidayatullah Sjahid
Laweh
 • Total664,80 km2 (256,68 sq mi)
Panduduak ((2010))
 • Total124.865 jiwa
Zona wakatuWIB (UTC+07:00)
Kode telepon0732
Jumlah kecamatan8
Jumlah kelurahan91 desa
DAURp357.903.449.000.-(2013)[2]
Kode Kemendagri17.08 Edit the value on Wikidata
Situs webkepahiangkab.go.id

Kabupaten Kepahiang adolah kabupaten nan ado di Provinsi Bengkulu. Kabupaten iko diresmikan pado 7 Januari 2004 nan sabalunnyo marupokan wilayah Kabupaten Rejang Lebong. Ibu kota Kabupaten Kepahiang adalah Kepahiang. Sacaro administratif, daerah iko tabagi manjadi salapan kecamatan jo 91 desa. Pado taun 2006, jumlah panduduaknyo mancapai 114.889 jiwa nan tadiri dari laki-laki (57.835 jiwa) dan padusi (57.054 jiwa), jo tingkek kapadatan panduduak nan mancapai 163 per km2.[3]

Sijarah[suntiang | suntiang sumber]

Pado zaman panjajahan Ulando, Kepahiang tanamo sabagai ibukota Afdeling Rejang Lebong. Sampai zaman pandudukan Japang, Kepahiang tatap manjadi pusek pamarintahan dari Rejang Lebong. Katiko Indonesia alah mardeka, Afdeling Rejang Lebong barubah manjadi Kabupaten Rejang Lebong jo Kepahiang sabagai ibu kotanyo. Kepahiang manjadi pusek Laskar Rakyat untuak mampatahankan nagara.[4]

Pado taun 1948, tajadi Agresi Militer Ulando II. Sadoalah fasilitas pamarintahan kabupaten sarato jalan jo jambatan nan maubuangkan Kepahiang jo daerah lainnyo di Rejang Lebong dihancuakan untuak maantisipasi serbuan dari Ulando. Pamarintahan Rejang Lebong pun barado di dalam rimbo inggo panyarahan kadaulatan dari Ulando ka Republik indonesia. Dek fasilitas sadoalanyo lah ancua, mangko pamarintahan Rejang Lebong manompang di Kota Curup. Pado taun 1956, Curup ditatapkan sabagai ibu kota kabupaten, sadangkan Kepahiang barubah status manjadi kecamatan. Tokoh-tokoh Kepahiang mampajuangkan baliak status untuak Kepahiang dan mausulkan untuak mamisahkan Kepahiang dari Kabupaten Rejang Lebong.[4]

Pado 7 Januari 2004, Kepahiang baru dilewakan sabagai kabupaten otonom dek Jenderal TNI (purn) Hari Sabarno salaku Menteri Dalam Negeri Repubik Indonesia. Lewa itu dikukuahkan dek Undang-undang Nomor 39 Tahun 2003 tentang Pembentukan Kabupaten Lebong dan Kabupaten Kepahiang di Provinsi Bengkulu. Ir. Hidayatullah Sjahid, M.M. ditunjuak sabagai penjabat Bupati Kepahiang.[5] Lewa bupati dilakukan dek Gubernur Bengkulu ateh namo Menteri Dalam Negeri pado 14 Januari 2004.[4]

Panamoan[suntiang | suntiang sumber]

Namo kabupaten iko dinamoi Kepahiang dek di daerah iko dulunyo ado banyak supayang nan dalam bahaso Rejang disabuik kepayang. Istilah mabuk kepayang juo adolah efek nan disababkan dek mangonsumsi buah ko nan diolah sacaro indak tapek jo batua sainggo mambuek mabuak barek.[6] Kepayang barubah manjadi Kepahiang salapeh panamoannyo disahkan sacaro legalitas hukum nan ado di Indonesia.

Pamarintahan[suntiang | suntiang sumber]

Daftar Bupati[suntiang | suntiang sumber]

Barikuik adolah Daftar Bupati Kabupaten Kepahiang nan panah manjabaik sabagai bupati sacaro definitif dan salaku penjabat di Kabupaten Kepahiang:

No Bupati Mulai manjabaik Akhia manjabaik Periode Katarangan Wakil bupati
Berkas:Hidayatullah Sjahid.jpg Hidayatullah Sjahid
(Penjabat)
4 Januari 2004
1 April 2005
Husni Hasanuddin
(Penjabat)
30 April 2005
6 Agustus 2005
1
Bando Amin.jpg Bando Amin
7 Agustus 2005
7 Agustus 2010
1
Abasri D.J.
7 Agustus 2010
30 Agustus 2015
2
[7]
Bambang Sugianto
Cik Asan Denn
(Penjabat)
15 Oktober 2015
17 Februari 2016
2
Bupati Kepahiang Hidayatullah Sjahid.png Hidayatullah Sjahid
17 Februari 2016
Petahana
3
Netti Herawati

Dewan Perwakilan[suntiang | suntiang sumber]

Barikuik iko adolah komposisi anggota DPRD Kabupaten Kepahiang dalam duo periode terakhir.[8][9]

Partai Politik Jumlah Kurisi dalam Periode
2014-2019 2019-2024
Logo PKB.svg PKB 2 3
Logo Gerindra.svg Gerindra 3 2
LOGO- PDIP.svg PDI Perjuangan 2 Steady 2
Golkar 3 Steady 3
Partai NasDem.svg NasDem 3 7
PKS logo 2020.png PKS 1 Steady 1
PartaiPerindo.png Perindo (baru) 1
Logo PPP.svg PPP 2 1
Logo Partai Amanat Nasional.png PAN 2 0
Logo Hanura.svg Hanura 2 Steady 2
Democratic Party (Indonesia).svg Demokrat 1 3
Lambang PKPI PKPI 4 0
Jumlah Anggota 25 Steady 25
Jumlah Partai 11 10

Kecamatan[suntiang | suntiang sumber]

Kabupaten Kepahiang mampunyoi 8 kecamatan, 12 kelurahan, dan 105 desa. Laweh wilayahnyo mancapai 665,00 km² jo panduduak 147.677 jiwa (2017) jo sebaran 222 jiwa/km².[10]

Daftar kecamatan dan kelurahan di Kabupaten Kepahiang, adolah sabagai barikuik:

Kecamatan Jumlah Kelurahan Daftar Desa/Kelurahan
Bermani Ilir, Kepahiang 19
Kabawetan, Kepahiang 15
Kepahiang, Kepahiang 23
Merigi, Kepahiang 8
Muara Kemumu, Kepahiang 8
Seberang Musi, Kepahiang 13
Tebat Karai, Kepahiang 14
Ujan Mas, Kepahiang 17
TOTAL 117

Panduduak[suntiang | suntiang sumber]

Manuruik Sensus Panduduak Taun 2020, panduduak Kabupaten Kepahiang bajumlah 149.737 jiwa. Panduduak Kepahiang paliang rami mauni Kecamatan Kepahiang nan mancapai 50.700 jiwa. Samantaro kecamatan nan paliang saketek panduduaknyo adolah Kecamatan Seberang Musi nan mancapai 7.800 jiwa. Untuak rasio jinih kelamin panduduak Kabupaten Kepahiang adolah 107, yaitu satiok 100 urang padusi ado 107 urang laki-laki.[11]

Agamo, etnis, jo bahaso[suntiang | suntiang sumber]

Panduduak Kabupaten Kepahiang mayoritasnyo adolah urang Rejang nan juo marupokan etnis asali di kabupaten iko.[12] Urang Rejang marupokan salah satu etnis nan paliang tuo di Sumatera.[13][14] Urang Rejang di Kepahiang tamasuak kalompok Rejang Darek (pagunuangan).Urang Rejang marupokan masyarakaik panganuik agamo Islam dan mampunyoi sistem kakarabatan sacaro patrilineal.[15]

Dalam kasahariannyo, urang Rejang Kepahiang mangecek jo bahaso Rejang dialek Kepahiang atau Keban Agung.[16] Walau baitu, urang Rejang dapek pulo mangecek jo bahaso Malayu Bengkulu nan manjadi basantara di provinsi Bengkulu. Bahaso Rejang marupokan bahaso nan paliang babeda jo bahaso-bahaso lainnyo di Bengkulu nan umumnyo tamasuak dalam rumpun bahaso Malayik.[17][18] Bahaso Rejang tamasuak dalam rumpun bahaso Dayak Darek (Bidayuh) basamo jo bahaso-bahaso lain nan ado di Kalimantan.[19] Barikuik contoh pamakaian bahaso Rejang jo dialeknyo sarato bandiangannyo jo bahaso lain:

Bahaso Minangkabau Hoi, sadang sibuk manga kalian tu?
Bahaso Malayu Bengkulu Hoi, lagi sibuk ngapo kamu orang tu?
Dialek Lebong Oi, gen ulêak udi e?
Dialek Kepahiang Ui/oe, inê ulêah udi ho?
Dialek Musi Oi, idong jano udi o?
Dialek Pasisir Hoi, jano ulêak udi o?
Dialek Rawas Yo, ape olah udi ho?

Salain urang Rejang, adopulo etnis lain nan marupokan pandatang di Kabupaten Kepahiang di antaronyo urang Jao jo Sunda. Kaduo etnis ko adolah etnis pandatang nan mauni Kepahiang dek program transmigrasi. Rombongan transmigran ko partamo kali tibo yaitu pado 1908.[20]

Rujuakan[suntiang | suntiang sumber]

  1. Profil Daerah Kabupaten Kepahiang
  2. "Perpres No. 10 Tahun 2013". 4 Februari 2013. Diarsipkan dari versi asli tanggal 2013-02-14. Diakses tanggal 15 Februari 2013. 
  3. Profil Kabupaten Kepahiang
  4. a b c "Sejarah Daerah | PEMERINTAH KABUPATEN KEPAHIANG" (dalam bahasa Indonesia). Diakses tanggal 2021-08-04. 
  5. Keputusan Menteri Dalam Negeri Republik Indonesia Nomor 131.28-8 Tahun 2004, pada 6 Januari 2004, tentang Pengangkatan Penjabat Bupati Kepahiang, Provinsi Bengkulu.
  6. Asal Mula Istilah Mabuk Kepayang
  7. Bengkulu Ekspress: 30 Agustus, Jabatan Bupati Berakhir
  8. Perolehan Kursi DPRD Kabupaten Kepahiang Periode 2014-2019
  9. Perolehan Kursi DPRD Kabupaten Kepahiang 2019-2024
  10. "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 2019-09-19. Diakses tanggal 5 Desember 2018. 
  11. "Badan Pusat Statistik". kepahiangkab.bps.go.id. Diakses tanggal 2021-08-04. 
  12. "STATISTIK". statistik.bengkuluprov.go.id. Diakses tanggal 2021-08-04. 
  13. Hamidy, Badrul Munir (2004). Masuk dan Berkembangnya Islam di Daerah bengkulu. Bunga Rampai Melayu Bengkulu. Bengkulu: Dinas Pariwisata Provinsi Bengkulu. pp. 1. 
  14. (dalam bahaso Indonesian) Sejarah Daerah Bengkulu. Jakarta: Proyek Penelitian dan Pencatatan Kebudayaan Daerah, Departemen Pendidikan dan Kebudayaan. 21 Nopember 1978. pp. 22. http://repositori.kemdikbud.go.id/7414/1/SEJARAH%20DAERAH%20BENGKULU.pdf. 
  15. Hidayah, Zulyani (2015). Ensiklopedi Suku Bangsa di Indonesia. Yayasan Pustaka Obor Indonesia. p. 321. ISBN 9789794619292. 
  16. Jürg Schneider (1995). From Upland to Irrigated Rice: The Development of Wet-rice Agriculture in Rejang Musi, Southwest Sumatra. Reimer. p. 9. ISBN 34-960-2573-5. 
  17. Kartomi, Margaret (15 Juni 2012) (dalam bahaso Indonesian). Musical Journeys in Sumatra. Champain: University of Illinois Press. pp. 373. ISBN 978-0252036712. https://www.google.co.id/books/edition/Musical_Journeys_in_Sumatra/AIOw9oVyR-EC?hl=en&gbpv=1&printsec=frontcover. 
  18. Rahayu, Ngudining (2018). "STUDI AWAL SEBARAN BAHASA-BAHASA ETNIK DI PROVINSI BENGKULU". Wacana: Jurnal Penelitian Bahasa, Sastra dan Pengajaran (dalam bahasa Inggris). 16 (1): 26–35. doi:10.33369/jwacana.v16i1.6693. ISSN 2746-4652. 
  19. "Archived copy" (PDF). Diarsipkan dari versi asli (PDF) tanggal 2014-01-02. Diakses tanggal 2018-11-04.  dalam Adelaar & Pawley, eds, Austronesian historical linguistics and culture history
  20. Lindayanti (2012-08-08). "MENUJU TANAH HARAPAN: KOLONISASI ORANG JAWA DI BENGKULU". Humaniora (dalam bahasa Indonesia). 18 (3): 297–311. doi:10.22146/jh.885. ISSN 2302-9269. 

Pautan lua[suntiang | suntiang sumber]