Jamin Ginting

Wikipedia Minangkabau - Lubuak aka tapian ilimu
Infobox orangJamin Ginting
Biografi
Lahia12 Januari 1921 Edit nilai pada Wikidata
Suka Edit nilai pada Wikidata
Kamatian23 Oktober 1974 Edit nilai pada Wikidata (53 tahun (id) terjemahkan)
Ottawa (id) Terjemahkan Edit nilai pada Wikidata
Kagiatan
KarajoDiplomat (id) Terjemahkan jo anggota angkatan basanjato Edit nilai pada Wikidata
Periode aktif1943 Edit nilai pada Wikidata –
Panghargaan

Letnan Jenderal TNI (Purn.) Djamin Ginting Suka (lahia di Suka, Tigapanah, Karo, Sumatera Utara, 12 Januari 1921 - maningga di Ottawa, Kanada, 23 Oktober 1974 pado umua 53 taun), adolah saurang tokoh pajuang kamardekaan manantang pamarintahan Hindia Balando di Tanah Karo. Baliau diangkek sabagai Pahlawan Nasional Indonesia dek Presiden Joko Widodo pado tanggal 7 November 2014.[1]

Kahidupan awal[suntiang | suntiang sumber]

Djamin Ginting lahia di desa Suka, kecamatan Tiga Panah, Kabupaten Karo. Sasudah tamaik pandidikan sikolah manangah, baliau bagabuang di satuan militer nan diorganisir dek opsir-opsir Japang. Pamarintah Japang mambangun kasatuan tentara nan tadiri dari anak-anak mudo di Tanah Karo untuak menambah pasukan Japang mampatahanan kakuasaannyo di benua Asia. Djamin Ginting sebagai komandan di pasukan nan dibantuak Japang tu.

Karier militer[suntiang | suntiang sumber]

Pamimpin pasukan malawan Japang[suntiang | suntiang sumber]

Rancano Japang untuak mamanfaatan putra-putra Karo mampakuek pasukan Japang tandeh dek Japang manyerah ka sekutu pado Perang Dunia II. Japang maninggaan daerah kakuasaannyo di Asia jo baliak ka Japang. Sabagai saurang komandan, Djamin Ginting capek mangkonsolidasi pasukannyo. Baliau punyo cita-cita untuak mambangun satuan tentara di Sumatra Utara jo mayakinan anggotanyo supayo indak pulang ka desa masiang-masiang. Baliau mamohon kasadioan anggotanyo untuak mambela jo malindungi rakyat Karo dari satiok kakuatan nan nio manguasoi daerah Sumatra Utara. Situasi politik katiko itu indak manantu. Pasukan Balando jo Inggirih masih bakainginan untuak manguasoi daerah Sumatra.

Pionir pajuang[suntiang | suntiang sumber]

Di kudian hari, anggota pasukan Djamin Gintings akan dikana sabagai pionir-pionir pajuang Sumatra bagian Utara jo Karo. Kapten Bangsi Sembiring, Kapten Selamat Ginting, Kapten Mumah Purba, Mayor Rim Rim Ginting, Kapten Selamet Ketaren, jo nan lainnyo adolah cikal bakal Kodam II/Bukit Barisan nan ado kini ko. Katiko Letkol. Djamin Gintings manjadi wakil komandan Kodam II/Bukit Barisan, baliau basalisiah paham jo Kolonel M. Simbolon nan katiko itu manjabaik sabagai Komandan Kodam II/Bukit Barisan. Djamin Ginting indak sapaham jo tindakan Kolonel M.Simbolon untuak manuntuik kaadilan dari pamarintah pusat malalui kakuatan basanjato. Pasalisihannyo katiko itu dipangaruhi dek situasi politik jo ekonomi di Indonesia. Di ciek pihak, Simbolon maraso Sumatra dianak-tirikan dek pamarintah pusat dalam bidang ekonomi. Dilain pihak, Ginting sabagai saurang tentara profesianal mamacik kuek asas saurang prajurit untuak mambela negara Indonesia.

Operasi Bukik Barisan[suntiang | suntiang sumber]

Dalam rangka maadoki gerakan pamberontakan Nainggolan di Medan (Sumatra Utara) makonyo Panglima TT I, Letkol Inf Djamin Ginting maluncuan Operasi Bukit Barisan. Operasi ko diluncuan pado tanggal 7 April 1958. Dek diluncuannyo operasi Bukit Barisan II ko, pasukan Nainggolan jo Sinta Pohan tadasak hinggo mundur ka daerah Tapanuli.

Akhia karir[suntiang | suntiang sumber]

Di akhia maso baktinyo, Djamin Ginting mawakili Indonesia sabagai saurang Duta Besar untuak Kanada. Di Kanada pulo baliau maningga. Jabatan nan pernah baliau dapek adolah Kepala Staf Kodam II/Bukit Barisan,[2]Assisten Dua Bagian Perang di TNI,[2]Panglima TT I Bukit Barisan,[3]Panglima Sumatra Utara, Mayor Jenderal nan manjabaik sabagai Wakil Sekretaris Jenderal Front Nasional, di Kabinet Dwikora Revisi Kedua, sarato Panggerak dari pambentukan GAKARI nan nantinyoa akan mambantuak GOLKAR.[4]

Kaluargo[suntiang | suntiang sumber]

Djamin Ginting maninggaan limo urang anak. Salah satunya saurang putri banamo Rimenda br Ginting, SH, nan kini manjabaik sabagai ketua umum Himpunan Masyarakaik Karo Indonesia.[5]

Karya Tulis[suntiang | suntiang sumber]

Samaso hiduiknyo, Djamin Gintings manulis buku. Diantaronyo "Bukit Kadir" nan mangisahan pajuangannyo di daerah Karo sampai ka pabatasan Aceh malawan Hindia Balando. Saurang anggotanyo Kadir, gugur di sabuah bukik di Tanah Karo dalam suatu pertempuran nan sengit malawan pasukan Balando. Bukit tu kini dikana sabgai Bukik Kadir.

Rujuakan[suntiang | suntiang sumber]

  1. Artikel:"Ini Kiprah 4 Pahlawan Nasional yang Baru Dinobatkan Tahun Ini" di detik.com
  2. a b "Kreasi". archive.org. 20 Oktober 2002. Archived from the original on 2002-10-20. 
  3. "archive copy". Diarsipkan dari versi asli tanggal 2016-03-12. Diakses tanggal 2022-05-28. [pautan nonaktif salamonyo]
  4. "Republika Online". republika.co.id. 
  5. http://www.hariansib.com/index.php?option=com_content&task=view&id=7359&Itemid=9