Itji Tarmizi

Itji Tarmizi
Itji Tarmizi
Lahia	21 Juli 1939; Desa Tepi Selo, Lintau, Tanah Datar, Hindia Balando
Maningga	27 November 2001 (umua 62); Jakarta
Kabangsaan	Indonesia
Alma mater	Akademi Seni Rupa Indonesia (ASRI), Yogyakarta
Karojo	Palukih

Itji Tarmizi (lahia di Desa Tepi Selo, Lintau, Tanah Datar, Sumatera Barat, 21 Juli 1939 – maningga di Jakarta, 27 November 2001 pado umua 62 taun) adolah surang seniman senirupo Indonesia.^[1] Lukisan Itji Tarmizi baaliran realisme-sosialis, bahkan Itji Tarmizi dianggap salah surang maestro di aliran itu. Itji adolah salah surang palukih di zaman Orde Lamo pariode 1950-1960-an, katiko pado maso itu sadang balangsuang sosialisme nan gegap gempita.^[2]

Salah surang palukih kasayangan Soekarno jo Mohammad Hatta ko dianggap sabagai satu mato rantai nan ilang dalam jagad senirupo Indonesia. Mato rantai tu adolah karya-karya senirupo pariode 1950-1960-an nan alun dikenal sacaro laweh karano barado ditangan para kolektor.

Babarapo karya lukih Itji Tarmizi nan mamvisualkan kahidupan kaum papa, objek-objek manusia nan bakarajo kareh untuak kalangsuangan iduik, antaro lain "Perkampungan Nelayan", "Lelang Ikan", "Potret Pribadi", "Melepas Gembala Kerbau", jo nan lain-lainnyo.

Pado maso Orde Lamo Itji mahinda dari publisitas karano lukisan-lukisannyo nan kritis pado katidak-adilan dalam kahidupan sosial masyarakaik. Parubahan rezim alah mananggalaman namonyo sahinggo indak sapopuler kawan-kawan saangkatannyo. Sajak taun 1975, dalam kasunyiannyo di kampuang laman Itji indak pernah baranti bakarya. Sasudah rabahnyo Orde Baru sarato baganti jo Orde Reformasi, Itji mancogok baliak di Jakarta, sarato bakiprah baliak didunia senirupo. Tapi indak lamo kudian, pado tanggal 27 November 2001 Itji maningga dunia, lalu dimakaman di TPU Pondok Kelapa, Jakarta Timur.^[3]

Pandidikan jo kagiatan

Otodidak.
Mahasiswa Luar Biaso Akademi Seni Rupa Indonesia (ASRI), Yogyakarta.
Sanggar Pelukis Rakyat basamo jo palukih Hendra Gunawan, Affandi sarato nan lain-lain.
Sanggar Bumi Tarung.

Rujuakan

↑ Arsip IVAA^{[pranala nonaktif permanen]}
↑ "Itji Tarmizi, Sang Realisme-Sosialis". Kisihati.wordpress.com. Diakses tanggal 28 Desember 2013. ^{[pranala nonaktif permanen]}
↑ "Soeharto dan Fenomena Politik Kebudayaan". Sastra Indonesia. Diarsipkan dari versi asli tanggal 2023-04-01. Diakses tanggal 25 Desember 2013.

Pautan lua

"Basoeki Abdullah, Pelukis Pertama Istana". Presidenri.go.id. Diakses tanggal 25 Desember 2013.

[1] Arsip IVAA^{[pranala nonaktif permanen]}

[2] "Itji Tarmizi, Sang Realisme-Sosialis". Kisihati.wordpress.com. Diakses tanggal 28 Desember 2013. ^{[pranala nonaktif permanen]}

[3] "Soeharto dan Fenomena Politik Kebudayaan". Sastra Indonesia. Diarsipkan dari versi asli tanggal 2023-04-01. Diakses tanggal 25 Desember 2013.

[1]

[2]

[3]