Ismail Al-Khalidi Al-Minangkabawi

Wikipedia Minangkabau - Lubuak aka tapian ilimu
Syekh

Ismail al-Khalidi al-Minangkabawi
Lahia
Simabur, Pariangan, Tanah Datar, Minangkabau, Kerajaan Pagaruyung
KarojoUlama
Dikana dekPanyebar tarekat Tarekat Naqsyabandiyah Khalidiyyah di Indonesia

Syekh Ismail al-Khalidi al-Minangkabawi (lahia 1712 - maningga 1840 pado umua 132 tahun) adolah saurang ulama panyebar Tarekat Naqsyabandiyah Khalidiyah pado abek ka-19.[1][2] Inyo dianggap sabagai palopor ajaran Tarekat Naqsyabandiyah Khalidiyah di Minangkabau khususnyo jo di Indonesia pado umumnyo.[2][3] Salain tu, inyo dikana juo sabagai ulama nan manguasai ilmu fikih, kalam (teologi), jo tasawuf.[1]

Kahidupan awal jo pandidikan[suntiang | suntiang sumber]

Syekh Ismail lahia di lingkungan kaluarga nan taat baagamo. Inyo alah mandapek pandidikan agamo sajak anak-anak. Satalah mangaji al-Qur'an di babarapo surau di kampuangnyo, kamudian inyo mampalajari dasar-dasar ilmu kaislaman malalui kitab-kitab babahaso Melayu jo kitab kuniang babahaso Arab. Babagai bidang kailmuan Islam nan inyo palajari maliputi ilmu fikih, tauhid, tafsir, hadits, jo ilmu alat (bahaso Arab, nahwu, sharaf, balaghah).[1]

Salanjuiknyo, inyo pai ka Makah untuak manunaikan ibadah haji sakaligus untuak mampardalam ilmu-ilmu kaislaman nan sabalumnyo inyo dapekan.[1] Di sampiang itu, inyo juo sempat baraja di Madinah salamo limo taun.[4]

Di Makah, Syekh Ismail baguru kapado babarapo ulama gadang nan punyo kaahlian pado masiang-masiang bidangnyo. Inyo mampalajari ilmu kalam kapado Syekh Muhammad Ibnu 'Ali Assyanwani, saurang ulama gadang ahli ilmu kalam. Di bidang ilmu fikih, inyo baraja kapado Syekh al-Azhar jo Syekh Abdullah asy-Syarqawi, kaduanyo dikana sabagai ulama ahli fikih dari mazhab Syafi'i. Syekh Ismail juo mampalajari ilmu tasawuf kapado duo urang sufi gadang banamo Syekh 'Abdullah Afandi jo Syekh Khalid al-Utsmani al-Kurdi (Syekh Dhiyauddin Khalid). Kaduonyo merupoan mursyid (guru pambimbiang rohani) tarekat Naqsyabandiyah.[1]

Satalah baraja di Makah salamo 30 tahun, inyo pulang jo mamulai panyabaran ajaran tarekat di kampuang halamannyo, Simabur, Tanah Datar, Minangkabau. Ajaran Tarekat Syekh Ismail kamudian manyebar jo bakambang ka lua Minangkabau, sarupo ka Riau, Karajaan Langkat, sarato Deli, jo balanjuik sampai ka Kasultanan Johor.[5]

Mangambangan Tarekat Naqsyabandiyah Khalidiyah[suntiang | suntiang sumber]

Satibo di kampuang halamannyo, Syekh Ismail mulai mandidiak, mangaja jo mambina masyarakat Minangkabau.[1] Inyo maajaan ilmu tauhid badasarkan paham As'ariyah atau Ahlussunah wal Jama'ah jo maajaan ilmu fikih badasarkan mazhab Syafi'i.[1] Sadangkan dalam maaja ilmu tasaawuf, Syekh Ismail maikuiki tasawuf Sunni dari Syekh Juneid Imam Abu Hamid al-Ghazali.[1]

Syekh Ismail mulai manyebarkan Tarekat Naqsyabandiyah Khalidiyah satalah dibai'at dek Syekh Khalid al-Kurdi, salah saurang gurunyo di Makah.[1] Katiko Syekh Ismail manyebarkan tarekatnyo, di Minangkabau alah bakambang Tarekat Shatariyah nan dikambangan dek Syekh Burhanuddin Ulakan sabalumnyo.[1] Syekh Burhanuddin alah mangambangkan tarekatnyo tu partamo kali di Nusantara pado abek ka-17.[1] Namun tarekat tasabuik idak manghalangi usaho Syekh Ismail dalam mangambangkan Tarekat Naqsyabandiyah Khalidiyah.[1] Kaduanyo dapek bakambang di masyarakat Minangkabau.[1]

Karya-karya[suntiang | suntiang sumber]

Salain mangaja jo mangambangan tarekat, Syekh Ismail juo manulih babarapo kitab jo risalah.[6] Di antara kitab dan risalah karya Syekh Ismail yaitu:

  1. Kitab Ar-Rahmatul Habithah fi Zikri Ismiz Zati wa ar-Rabithah, membahas tentang masalah-masalah tasawuf seperti rabithah (hubungan) dan washilah (perantara) dalam beribadah kepada Allah.[1][6]
  2. Risalah Muqaranah Sembahyang, mambahas tantang niat sembahyang (shalat).[6]
  3. Kitab Kifayatul Ghulam fi Bayani Arkanil Islam wa Syurutihi, mambahas tantang masalah-masalah rubu' ibadat (dalam artian sampkt: rukun Islam) dalam fikih.[4][6]
  4. Kitab Al-Muqaddimatul Kubra allati Tafarra'at minhan Nuskhatus Shughra.[6]
  5. Kitab Muqaddimatul Mubtadin.[6]
  6. Kitab Mawabib Rabbil Falaq Syarh Bintil Milaq, mambahas tantang parsoalan tasawuf.[6]

Referensi[suntiang | suntiang sumber]

  1. ↑ a b c d e f g h i j k l m n H.M. Bibit Suprapto (2009). Ensiklopedi Ulama Nusantara. Gelegar Media Indonesia. ISBN 979-980-6611-14-5.  Halaman 436-439.
  2. ↑ a b Abdul Rahman Haji Abdullah (1997). Pemikiran Islam di Malaysia: Sejarah dan Aliran. Gema Insani. ISBN 978-979-561-430-2.  Halaman 53.
  3. ↑ Tangklukan, Abangan, dan Tarekat: Kebangkitan Agama di Jawa Ahmad Syafii Mufid, Yayasan Obor Indonesia. Diakses 9 Januari 2024.
  4. ↑ a b www.academia.edu: Sejarah Kemasukan Tarekat di Malaysia. Diakses 9 Januari 2024
  5. ↑ "Ini Dia Dua Tarekat Tasawuf yang Ditakuti Penjajah Belanda". republika.co.id. Diakses tanggal 10 Januari 2024. 
  6. ↑ a b c d e f g "Syekh Ismail Al-Minangkabawi, Ulama Ahli Tasawuf dari Tanah Datar". langgam.id. 21 April 2021. Diakses tanggal 10 Januari 2024. 

Daftar pustaka[suntiang | suntiang sumber]

  • Dobbin, Christine. (1992). Kebangkitan Islam dalam ekonomi petani yang sedang berubah: Sumatra Tengah, 1784–1847. Inis.
Diambiak dari "https://min.wikipedia.org/w/index.php?title=Ismail_Al-Khalidi_Al-Minangkabawi&oldid=3148603"