Lompat ke isi

Ignatius dari Loyola

Tambah pautan
Wikipedia Minangkabau - Lubuak aka tapian ilimu
Lukisan karyo Peter Paul Rubens

Ignatius dari Loyola (Basque: Ignazio Loiolakoa, Spanyol; kr. 23 Oktober 1491[1] – 31 Juli 1556) adolah saurang mantan kasatria Spanyol katurunan bangsawan Basque nan manjadi teolog jo imam Katolik, panagak Ordo Sarikek Yesus sarato manjadi Superior Jenderal partamonyo.[2] Anggota Ordo Sarikek Yesus disabuik yesuit. Ordo Sarikek Yesus bakaryo di bidang pandidikan, retret, pandampiangan urang miskin. Salain kaul kamiskinan, kataaikan, jo kamurnian para yesuit tarikek oleh ciek kaul kataatan khusus kapado paus nan badaulaik sahubuangan jo karyo misi.[3] Oleh karanonyo inyo tampil sabagai suatu kakuekan pantiang salamo maso Kontra-Reformasi.[4]

Ignatius dikanang sabagai saurang pabimbiang rohani nan babakaik. Inyo manulihan metodenyo dalam suatu risalah takamuko nan disabuik Latiahan Rohani, barisi sarangkaian meditasi, doa, jo latiahan mental lainnyo. Karyo tasabuik ditabikkan untuak patamo kalinyo pado tahun 1548, satalah mamparoleh pasatujuan dari Paus Paulus III.

Ignatius dibeatifikasi oleh Paus Paulus V pado tahun 1609, jo dikanonisasi oleh Paus Gregorius XV pado tangga 12 Maret 1622. Pesta paringekannyo dirayokan satiok tangga 31 Juli. Ignatius ditatokkan sabagai santo palinduang Gipuzkoa jo Bizkaia, provinsi-provinsi Basque, dan juo Sarikek Yesus, sarato dinyatokan sabagai santo palinduang retret rohani oleh Paus Pius XI pado tahun 1922. Inyo juo marupokan salah saurang santo palinduang utamo para tantaro.[5]

Gareja Katolik manganggok Ignatius Loyola alah maagiah kasaksian labiah banyak urang dibandiang siapopun samanjak Nabi Musa.

Kahidupan mulo

[suntiang | suntiang sumber]
Sanctuarium Loyola, di kota Azpeitia, ditagakkan di ateh tampek kalahiran Ignatius.

Íñigo López de Loyola (takadang dengan kaliru disabuik Íñigo López de Recalde)[6] lahia di munisipalitas Azpeitia di Kastel Loyola nan kini tamasuak dalam provinsi Gipuzkoa, di Negara Basque, Spanyol. Inyo dibaptis dengan namo Íñigo, dari namo saurang abas dari Oña, St. Enecus (Innicus, Basque: Eneko, Spanyol),[6] suatu namo Basque abaik patangahan nan maknonyo mungkin "Anak ketek ambo".[7] Indak tadapek kajalehan bilo inyo mulai manggunokan namo Latin "Ignatius" untuak manggantian "Íñigo", namo baptisnyo.[8] Nampaknyo inyo indak mampunoyi mukasuik untuak mangganti namonyo, meskipun damikian inyo mangadopsi sabuah namo nan inyo yakini sabagai salah satu varian sadarhano dari namo aslinyo untuak digunokan di Prancis jo Italia supayo dapek labiah dipahami.[9]

Íñigo adolah anak bungsu dari 13 basaudaro. Induaknyo maningga dunia indak lamo satalah kalahiannyo, dan inyo kamudian digadangkan oleh María de Garín, bininyo dari saurang tukang basi satampek.[10] Íñigo manggunokan namo balakang "de Loyola" nan mangacu ka desa Loyola di Basque tampek inyo dilahiakan.

Karier militer

[suntiang | suntiang sumber]
Íñigo dalam pakaian parangnyo.
Lukisan Visiun Santo Ignatius dari Loyola akan Kristus dan Allah Bapa di La Storta, karyo Domenichino.[11]

Sabagai saurang anak laki-laki Íñigo manjadi palayan (page) salah saurang karabaiknyo, Juan Velázquez de Cuéllar, bandaharo (contador mayor) Karajaan Kastilia.

Sabagai saurang pamudo, Íñigo mampunyoi kacintoan nan gadang ka latiahan-latiahan militer sarato mamandam suatu hasrat nan lua biaso akan katanaran. Inyo mambingkai kahidupannyo jo kisah-kisah epik El Cid, para kesatria Camelot, jo Kidung Roland.[12] Inyo bagabuang dengan katantaroan pado umua tujuah baleh tahun, dan manuruik salah saurang biograf, inyo bajalan kaingkin kamai dengan angkuahnyo "manggunokan jubahnyo nan tarayun babeh untuak manyingkokkan sarawa kataik dan sapatu butnyo; sabilah padang jo balati di pinggangnyo". Manuruik biograf lainnyo, inyo adolah "saurang pasolek nan balabiahan, saurang panari handal, saurang buayo daraik, sarato saurang pandeka padang nan agresif dan kasa nan manggunokan status istimewanyo untuak loloih dari panuntuikan karano malakukan tindak kakarehan nan dibueknyo pado wakatu karnaval basamo saudaro laki-lakinyo nan manjadi imam."[13] Katiko basobok dengan saurang Moor nan manyangka kailahian Yesus, Íñigo manantang inyo untuak baduel sampai mati, dan manusuaknyo dengan padangnyo.[14] Íñigo acok juo baduel jo laki-laki lainnyo.[14]

Pado tahun 1509, dalam umuanyo nan ka-18, Íñigo mangangkek sanjato sabagai pangabdiannyo kepada Antonio Manrique de Lara, adipati Nájera. Kualitas diplomasi jo kapamimpinan Íñigo mambueknyo diagiah gala "palayan istano", manjadikannyo sangaik baguno bagi kapantiangan sang adipati.[15]

Di bawah kapamimpinan sang adipati, Íñigo talibek dalam banyak paparangan tanpa parnah taluko. Namun, dalam Paparangan Pamplona pado tahun 1521, inyo taluko parah katiko sapasukan ekspedisi Prancis-Navarra manyerbu benteang Pamplona pado tangga 20 Mei 1521. Sabuah bola mariam manyabokkan kaki suoknyo taluko dan kaki kidanyo patah di babarapo titiak.[16]

Dalam kondisi taluko parah, Íñigo dibaok baliak ka kastel ayahnyo di Loyola. Inyo sangaik mancamehan kaduo kakinyo nan taluko dan dek nio mamuliahan luko-luko tasabuik inyo manjalani sajumlah operasi badah, nan mambueknyo taseso karano wakatu itu anestesi (ubek bius) balum dikenal, tulang-tulang nan patah gagal diposisikan dengan batua dan inyo basikareh supayo kakinyo dipatahkan baliak untuak diposisikan ulang. Pado akhianyo rangkaian operasi tasabuik manyabokkan ciek kakinyo labiah pendek dari nan lainnyo: Íñigo manjadi pincang sapanjang siso hiduiknyo di dunia iko dan karier militernyo barakhia.[13]

Konversi religius dan visi-visi

[suntiang | suntiang sumber]
Kapel di dalam Gua Santo Ignatius di Manresa tampek Ignatius mampraktekkan asketisme jo manyusun Latiahan Rohani.

Salamo maso pamuliahannyo dari pambadahan, Íñigo mangalami suatu parubahan rohani nan mambueknyo marasokan panggilan akan kahidupan religius. Sadolah rumah sakik pado jamannyo dikelola oleh tarikaik religius, dan bahan bacoan nan tasadio bagi pasien nan tabariang di tampek lalok cenderung dipiliahan dari Kitab Suci ataupun literatur devosional. Kaadoan tasabuik manjalehkan bagaimano Íñigo akhianyo mambaco sarangkaian teks religius manganoi kahidupan Yesus dan manganoi kahidupan urang-urang kuduih, karano "romansa kekesatriaan" nan inyo suko baco indak tasadio baginyo di kastel.[6]

Karyo tulih religius nan paliang kanai ka dalam dirinyo adolah De Vita Christi karyo Ludolfus dari Sachsen. De Vita Christi marupokan hasil karyo Ludolfus salamo 40 tahun, baisi panjalehan saputa Injil dengan manggunokan kutipan-kutipan hasil karyo labiah dari anam puluah Bapa Gareja, sacaro khusus menyitir St. Gregorius Agung, St. Basilius, St. Agustinus, jo St. Beda. Buku tasabuik kalak mampangaruahi saluruah kahidupan Íñigo, mailhaminyo untuak mangabdikan diri bagi Allah sarato manaladani St. Fransiskus dari Assisi jo para rahib aguang lainnyo. De Vita Christi juo mangilhami metode meditasinyo, sabok Ludolfus manganjuakan para pambaco untuak manampekkan dirinyo masiang-masiang sacaro mental (dalam pikiran) di tampek kajadian dalam kisah Injil, tamasuak mamvisualisasikan palungan dalam kisah Kalahian Yesus, dan lain-lain. Jenis meditasi samacam itu, nan dikenal sabagai "Kontemplasi Sadarhano", marupokan dasa dari metode nan kalak diajukan St. Ignatius dalam Latiahan Rohani karyonyo.[17][18][19]

Salain bamimpi manganoi mangikuiki jajak para kuduih dalam bacoan-bacoannyo, Íñigo masih bakalano dalam pikirannyo saputa apo "Nan ka inyo lakukan untuak malayani rajonyo dan untuak manghormati puteri rajo nan inyo cintoi". Dengan hati-hati inyo manyadari dampak nan dirasokan dari kaduo jenis mimpinyo itu. Inyo mangalami suatu desolasi (kakosoangan mandalam) dan kaindakpuehan katiko mimpi kapahlawanan romatis tasabuik salasai. Tetapi, mimpinyo tentang kakuduihan barakhia dengan kadamaian jo sukocito nan gadang. Kajadian iko marupokan kali patamo inyo baraja tentang discernment (panagehan atau "pambedoan roh").[13]

Satalah kaadoannyo alah mulai maelok untuak dapek bajalan baliak, Íñigo mayakinkan hati untuak mamulai suatu ziarah ka Tanah Suci untuak "mancium bumi tampek Tuhan kito parnah bajalan di atehnyo",[13] jo untuak malakukan panyiliahan nan labiah kareh.[20] Inyo manganggok baso rancanonyo ditagehan oleh suatu visiun akan Perawan Maria dan Kanak-Kanak Yesus nan inyo alami pado suatu malam, nan manghasilkan konsolasi (panghiburan) gadang dalam dirinyo.[20] Pado bulan Maret 1522, inyo mangunjuangi biara Benediktin Santa Maria de Montserrat. Di sinan inyo malakukan pamaresoan saksamo ateh doso-dosonyo di maso lampau, mangakukannyo, maagiah pakaiannyo nan maha ka urang miskin nan di jumpoinyo, manggunokan sahalai "garmen dari kain karuang", kamudian mananggakan padang jo balatinyo di altar Sang Perawan dari Montserrat katiko samalam-malaman bajago dalam doa di tampek ziarah tasabuik.[6]

Dari Montserrat inyo bajalan ka kota Manresa (Catalunya) di dakeknyo, tampek inyo tingga salamo sakitar satahun, mangemis untuak manyambuang hiduiknyo, dan akhianyo manarimo tugeh-tugeh palayanan di ciek rumah sakik satampek dengan imbalan makanan jo tumpangan. Salamo babarapo bulan inyo malewekkan sabagian gadang wakatunyo jo badoa di suatu gua di dakek sinan,[21] tampek inyo mampraktekkan asketisme dengan kareh, badoa tujuah jam sahari, sarato marumuskan dasa-dasa Latiahan Rohani-nyo.

Íñigo mangalami juo sarangkaian pancaliakan atau visiun nan sangaik jaleh salamo barado di rumah sakik tasabuik. Visiun nan baulang-ulang itu barupo "suatu wujuik di dakeknyo nan malayang-layang di udaro dan wujuik iko maagiahnyo banyak panghiburan karano lua biaso indah, wujuik itu antah bagimano kayaknyo mampunyoi bantuak saikua ula dan mampunyoi banyak objek nan basinar takah mato, tetapi bukan mato. Inyo mamparoleh banyak kagembiraan dan panghiburan dengan mamandang objek tasabuik. Tetapi, katika objek tasabuik lanyok inyo manjadi sangaik sadiah".[22] Kandati nampak sangaik indah dan surgawi, inyo manyimpuakan baso visiun tasabuik pado hakikeknyo barasa dari roh jahek dan inyo mangabaikannyo.[23]

Maso pandidikan

[suntiang | suntiang sumber]

Pado bulan September 1523, Íñigo malakukan ziarah ka Tanah Suci dengan tujuan manatok di sinan. Inyo tingga di sinan dari tanggal 3 sampai 23 September, namun inyo dikirim baliak ka Eropa oleh para frater Fransiskan. Di kamudian hari, duo baleh tahun kamudian, katiko manghadok Sri Paus basamo rakan-rakannyo, inyo baliak mangusuakan untuak mangirim para rakannyo sabagai utuihan-utuihan di Yerusalem.[24]

Inyo baliak ka Barcelona dan katiko umuanyo 33 tahun, manampuah pandidikan gratis di suatu sakolah negeri jurusan tato bahaso sabagai pasiapan untuak masuak paguruan tinggi. Satalah salasai mampasiapkan diri, inyo malanjuikkan ka universitas di Alcalá,[25] tampek inyo baraja Teologi jo bahaso Latin dari tahun 1524 hinggo tahun 1534.

Di sinan inyo basuo jo babarapo padusi nan parnah dipanggia ka hadokkan Inkuisisi Spanyol. Para padusi tasabuik dianggok sabagai kaum alumbrados (Teriluminasikan, Iluminati, atau Nan Tacarahkan), suatu kalompok nan samangaik dan spiritualitasnyo dikaitkan dengan reformasi Fransiskan, namun manimbuakan kacurigoan pihak administrator Inkuisisi. Pado suatu wakatu, Íñigo sadang bakhotbah di jalan katiko tigo urang dari antaro para padusi tasabuik mulai mangalami kaadoan ekstatik: "Saurang jatuah indak sadakan diri, nan lain takadang baguliang-guliang di tanah, nan lain lai sempat talihek barado dalam pangaruah tawa indak takandali atau gamataran jo bakaringek dingin." Aktivitas mancurigokan tasabuik tajadi samantaro Íñigo sadang bakhotbah tanpa mampunyoi gala teologi. Íñigo lalu dipinjarokan untuak diinterogasi pihak Inkuisisi, meski inyo kamudian dilapehan.[26]

Satalah baulang kali mangarungi aktivitas-aktivitas sarupo nan panuah patualangan, Íñigo (kini Ignatius) pindah ka Parih untuak manampuah pandidikan di Universitas Paris. Inyo baraja di Collège de Montaigu, bagian universitas tasabuik nan bahaluan asketis, salamo labiah dari tujuah tahun.

Inyo tibo di Parih pado maso pargolakan anti-Protestan nan mamakso Jean Calvin maninggakan Prancis. Indak lamo satalah kadatangannyo, Ignatius mahimpun anam rakan kuncinyo, kasadoalahnyo inyo jumpoi sabagai sasamo mahasiswa di universitas tasabuik.[27] Inyo adolah Fransiskus Xaverius, Alfonso Salmeron, Diego Laynez, jo Nicolas Bobadilla, sadoalahnyo urang Spanyol; Petrus Faber, saurang Savoie; jo Simão Rodrigues dari Portugal. Petrus Faber, saurang pamudo dari Savoie (Savoy) di salatan Prancis, dan Fransiskus Xaverius, saurang bangsawan dari ujuang timua negara Basque, marupokan konkawan sabiliaknyo nan patamo,[13] dan kalak manjadi rakan-rakan tadakeknyo dalam managakkan tarikek Yesuit.

"Pado pagi hari tangga 15 Agustus 1534, di kapel dalam Gareja Santo Petrus, di Montmartre, Loyola jo kaanam rakannyo nan dari antaro inyo hanyo saurang nan adolah imam basobok dan mangikrarkan kaul-kaul meriah untuak karyo saumua hiduiknyo."[28]

Nan beko turuik pulo bagabuang basamo inyo Fransiskus Borgia, saurang anggota Kaluargo Borgia nan adolah urang kapicayoan utamo Kaisar Karl V, jo para bangsawan lain.

Ignatius mamparoleh gala master (magister) dari Universitas Paris pado umua 43 tahun. Karanonyo di kamudian hari inyo acok diimbau "Master Ignatius".[28]

Panagakan tarikaik Yesuit

[suntiang | suntiang sumber]

Pado tahun 1539, basamo Petrus Faber jo Fransiskus Xaverius, Ignatius mambantuak Sarikek Yesus, nan disatujui oleh Paus Paulus III pado tahun 1540. Ignatius tapiliah sabagai Superior Jenderal patamo tarikek itu dan diimbau dengan sabuikan Pater Jenderal (Bapa/Romo Jenderal) oleh para anggota tarikek Yesuit.[29]

Ignatius mautuih rakan-rakannyo sabagai misionaris ka saluruah Eropa untuak managakkan sikolah, kolese, jo seminari. Juan de Vega, duta besar Kaisar Karl V (Charles V) di Roma, bajumpo dengan Ignatius di sinan. Karano, maapresiasi Ignatius jo para Yesuit, katiko Vega ditunjuak sabagai Viceroy Sisilia, inyo mambaok para Yesuit basamonyo. Ciek kolese Yesuit dibuka di Messina, dan karano dianggok sukses, tato aturan sarato metode-metodenyo kamudian diterapkan di kolese-kolese lainnyo.[30]

Pado tahun 1548, Ignatius sempat dibaok ka hadokkan Inkuisisi Roma untuak pamaresoan buku Latiahan Rohani karyonyo. Inyo kamudian tababeh dari tuduahan jo buku tasabuik akhianyo mamparoleh ijin kapausan untuak dicetak. Latiahan Rohani dipublikasikan dalam suatu format nan dirancang sadamikian rupo supayo rangkaian latiahan di dalamnyo dilakukan salamo jangko wakatu 28–30 hari.

Dengan bantuan sekretaris pribadinyo, Juan Alfonso de Polanco, Ignatius manulih Konstitusi Yesuit, nan diadopsi oleh Sarikek Yesus pado tahun 1554. Konstitusi itu manghasilkan suatu organisasi nan tapusek bagi tarikek tasabuik,[31][32] sarato manakankan panyangkalan diri jo kataatan mutlak kapado Sri Paus dan para superior dalam hierarki Gareja, dengan manggunokan ungkapan perinde ac cadaver – "saakan-akan sasosoak mayik",[33] yoitu baso saurang Yesuit nan elok samestinyo 'samo disiplinnyo' takah janazah atau tubuah indak banyawo nan hanyo dapek bagarak di lua kahandaknyo pribadi.[34] Bagaimanopun, adolah prinsip utamo Ignatius nan manjadi semboyan Yesuit: Ad maiorem Dei gloriam ("demi kamuliaan Allah nan labiah gadang").

Salamo tahun 1553–1555, Ignatius mandiktekan kisah hiduiknyo kapado sekretarisnyo, Romo Gonçalves da Câmara. Autobiografi iko marupokan ciek kunci baharago untuak mamahami Latiahan Rohani-nyo. Karyo tasabuik tasimpan dalam arsip tarikek Yesuit salamo kurang labiah 150 tahun, hinggo kalangan Bollandis mamublikasikannyo dalam Acta Sanctorum. Tadapek ciek edisi kritis pado Fontes narrativi Vol.I (1943) dalam serial Monumenta Historica Societatis Iesu.

  • Ignatius sabagai Superior Jenderal.
    Ignatius sabagai Superior Jenderal.
  • Patuang Santo Ignatius dari Loyola di Gareja Gesù, Roma.
    Patuang Santo Ignatius dari Loyola di Gareja Gesù, Roma.
  • Patuang Ignatius di Belo Horizonte, Brasil.
    Patuang Ignatius di Belo Horizonte, Brasil.

Kamangkatan dan kanonisasi

[suntiang | suntiang sumber]

Pado tangga 31 Juli 1556, Ignatius mangkat di Roma akibek Damam Roma, ciek kasus malaria barek nan tajadi baulang kali di Roma, Italia. Katiko itu janazahnyo digunokan busano imamnyo dan ditampekkan dalam samacam peti kayu. Peti tasabuik kamudian dikubuakan dalam Gareja Maria della Strada pado tanggal 1 Agustus. Pado tahun 1568, bangunan gareja itu diruntuahkan dan diganti dengan Gareja Gesù, Roma. Janazahnyo dimasuakkan ka dalam peti janazah nan baru dan dikubuakan baliak dalam Gareja Gesù.

Ignatius dibeatifikasi oleh Paus Paulus V pado tangga 27 Juli 1609, dan dikanonisasi oleh Paus Gregorius XV pado tangga 12 Maret 1622.[35] Pesta paringekannyo dirayokan satiok tahun pado tangga 31 Juli, tangga wafatnyo. Santo Ignatius dihormati sabagai santo palinduang para prajurit/tantaro, Ordinariat Militer Filipina, Keuskupan Agung Baltimore,[36] Negara Basque, Keuskupan Antwerpen, Belo Horizonte dan Roma.

Warisan

[suntiang | suntiang sumber]
“ Handaknyo awak basamo dengan sapanuah hati bapikiran samo dan dalam kasalarehan dengan Gareja. Apobilo Gareja alah manyatokan baso sasuatu adolah hitam, kandati di mato awak ko nampaknyo putiah, saharuihnyo awak ko juo manyatokannyo hitam. Sabok awk ko haruih picayo tanpa ragu, baso Roh Tuhan kito Yesus Kristus, dan Roh Gareja Ortodoks Mampelai-Nyo, Roh nan mamimpin jo mangarahkan awak ko manuju Kasalamaikan, adolah samo. ”

Santo Ignatius hinggo kini mampunyoi warisan nan dipandang bapangaruah dan tahormaik. Di antaro sadolah ragam institusi nan didedikasikan untuaknyo, salah satu nan paliang takenal yoitu Basilika St Ignatius Loyola nan dibangun di sabalah rumah kalahirannyo di Azpeitia, di Negara Basque, Spanyol. Rumah itu surang, nan kini dijadikan museum, dimasuakkan ka dalam kompleks basilika tasabuik. St. Ignatius mambaok juo suatu dampak global, maagiahkan pangaruah di baliak banyak sakolah dan institusi pandidikan Yesuit di saluruah dunia.

Suscipe Ignatian, suatu doa nan ditulihkan Santo Ignatius sabagai materi tambahan dalam Latiahan Rohani, diadaptasikan manjadi syair dari satu lagu populer bajudua "Ambiaklah Tuhan" (Puji Syukur no. 382):

(Bahaso Indonesia) :
Ambillah Tuhan, kemerdekaanku, dan kehendak, serta pikiranku.
T'rimalah Tuhan, yang ada padaku, gunakanlah menurut hasrat-Mu.
Hanya rahmat dan kasih dari-Mu yang kumohon menjadi hartaku.[37]

Filem

[suntiang | suntiang sumber]

Pado tahun 1949, St. Ignatius manjadi subjek dalam suatu film biografi Spanyol batajuak El capitán de Loyola (Sang Kapten dari Loyola) nan di dalamnyo inyo diparankan oleh Rafael Durán.

Pado tahun 2016, St. Ignatius manjadi subjek dalam suatu film Filipina batajuak Ignacio de Loyola nan di dalamnyo inyo diparankan oleh Andreas Muñoz.[38]

Genealogi

[suntiang | suntiang sumber]
Parisai asli Oñaz-Loyola

Parisai Oñaz-Loyola

[suntiang | suntiang sumber]

Parisai Oñaz-Loyola adolah ciek simbol garih katurunan Oñaz dalam kaluargo Santo Ignatius, dan digunokan oleh banyak institusi Yesuit di saluruah dunia. Karano warna resmi kaluargo Loyola adolah marun jo ameh,[39] parisai Oñaz tadiri dari tujuah garih bawarna marun nan malintang sacaro diagonal dari kida ateh ka suok bawah dalam ciek bidang bawarna ameh. Emblem tasabuik dianugerahkan oleh Rajo Spanyol kapado masiang-masiang dari Oñaz basudaro, sabagai pangakuan ateh kabaranian inyo dalam paparangan. Parisai Loyola manampilkan sapasang sarigalo abu-abu nan tagak jo kaki balakangnyo. Sarigalo marupokan salah satu simbol bangsawan, samantaro kasaluruahan desain parisai tasabuik marepresentasikan kamurahan hati kaluargo Loyola kapado para pangikuik militer-nyo. Manuruik carito lagenda, sarigalo-sarigalo masiah dapek bapesta pora dari siso makanan sadoalah prajurit nan alah makan kanyang. Kaduo parisai itu dipadukan sabagai hasil dari pakawinan campua antar kaduo kaluargo pado tahun 1261.[40][41]

Galeri

[suntiang | suntiang sumber]
  • Pusaro Santo Ignatius, 1675.
    Pusaro Santo Ignatius, 1675.
  • Apotheosis Santo Ignatius.
    Apotheosis Santo Ignatius.
  • Visiun Santo Ignatius.
    Visiun Santo Ignatius.
  • Pajalanan St. Ignatius pado pariode wakatu nan babedo-bedo.
    Pajalanan St. Ignatius pado pariode wakatu nan babedo-bedo.
  • Ciek lambaran Latiahan Rohani.
    Ciek lambaran Latiahan Rohani.

Caliak pulo

[suntiang | suntiang sumber]

Rujuakan

[suntiang | suntiang sumber]
  1. ↑ (Spanyol) García Villoslada, Ricardo (1986). San Ignacio de Loyola: Nueva biografía. La Editorial Católica. ISBN 84-220-1267-7. https://books.google.com/?id=MmRvpVZQrEAC&printsec=frontcover. "We deduct that, (...), Iñigo de Loyola should have been born before October 23, 1491." 
  2. ↑ (Inggirih) Idígoras Tellechea, José Ignacio (1994). "When was he born? His nurse's account". Ignatius of Loyola: The Pilgrim Saint. Chicago: Loyola University Press. p. 45. ISBN 0-8294-0779-0. https://books.google.com/?id=mWO8ZeN8D5sC&printsec=frontcover#PPA45,M1. 
  3. ↑ (Inggirih) Ignatius of Loyola (1970). The constitutions of the society of Jesus. Institute of Jesuit Sources. p. 249 Templat:Bracket. https://books.google.com/books?id=k_oPAQAAIAAJ. "The entire meaning of this fourth vow of obedience to the pope was and is in regard to the missions ... this obedience is treated: in everything which the sovereign pontiff commands." 
  4. ↑ (Inggirih) Nugent, Donald (1974). Ecumenism in the Age of the Reformation: The Colloquy of Poissy. Harvard University Press. p. 189. ISBN 0-674-23725-0. https://archive.org/details/ecumenisminageof00dona. 
  5. ↑ (Spanyol) "Summer Fiestas" (PDF). euskadi.net. Diarsipkan dari versi asli (PDF) tanggal 2008-09-10. Diakses tanggal 2008-07-24. 
  6. ↑ a b c d (Inggirih) Templat:Cite CE1913
  7. ↑ (Spanyol) "Nombres: Eneko". Euskaltzaindia (The Royal Academy of the Basque Language). Diakses tanggal 2009-04-23. 
  8. ↑ (Spanyol) Verd, Gabriel María (1976). "El "Íñigo" de San Ignacio de Loyola". Archivum Historicum Societatis Iesu. Roma: Institutum Historicum Societatis Iesu. 45: 95–128. ISSN 0037-8887. 
  9. ↑ (Spanyol) Verd, Gabriel María (1991). "De Iñigo a Ignacio. El cambio de nombre en San Ignacio de Loyola". Archivum Historicum Societatis Iesu. Roma: Institutum Historicum Societatis Iesu. 60: 113–160. ISSN 0037-8887. That St. Ignatius of Loyola's name was changed is a known fact, but it cannot be said that it is widely known in the historiography of the saint — neither the characteristics of the names Iñigo and Ignacio nor the reasons for the change. It is first necessary to make clear the meaning of the names; they are distinct, despite the persistently held opinion in onomastic (dictionaries) and popular thought. In Spain Ignacio and Iñigo are at times used interchangeably just as if they were Jacobo and Jaime. With reference to the name Iñigo, it is fitting to give some essential notions to eliminate ambiguities and help understand what follows. This name first appears on the Ascoli brome (dated November 18, 90 BC), in a list of Spanish knights belonging to a Turma salluitana or Saragossan. It speaks of Elandus Enneces f[ilius], and according to Menéndez Pidal the final «s» is the «z» of Spanish patronymics, and could be nothing other than Elando Iñiguez. It is an ancestral Hispanic name. Ignacio, on the other hand, is a Latin name. In classical Latin there is Egnatius with an initial E. It appears only twice with an initial I (Ignatius) in the sixty volumes of the Corpus Inscriptionum Latinarum. This late Latin and Greek form prevailed. In the classical period Egnatius was used as a nomen (gentilitial name) and not as a praenomen (first name) or cognomen (surname), except in very rare cases. (...) The most important conclusion, perhaps unexpected, but not unknown, is that St. Ignatius did not change his name. That is to say, he did not intend to change it. What he did was to adopt for France and Italy a name which he believed was a simple variant of his own, and which was more acceptable among foreigners.... If he had remained in Spain, he would have, without doubt, remained Iñigo. 
  10. ↑ (Inggirih) W.W Meissner SJ MD (1992). Ignatius of Loyola, the Psychology of a Saint. Yale University Press. p. 9. 
  11. ↑ (Inggirih) "Saint Ignatius of Loyola's Vision of Christ and God the Father at La Storta". lacma.org. Los Angeles County Museum of Art (LACMA). November 30, 2016. 
  12. ↑ (Inggirih) Ironically, the Song of Roland has Roland being slain by Moors, when historically his death was at the hands of Basques like Íñigo himself.
  13. ↑ a b c d e (Inggirih) Traub, S.J.,George and Mooney, Ph.D., Debra. A Biography of St. Ignatius Loyola, Xavier University Archived 2017-08-28 di Wayback Machine.
  14. ↑ a b (Inggirih) Richard Cohen (August 5, 2003). By the Sword: A History of Gladiators, Musketeers, Samurai, Swashbucklers, and Olympic Champions. Modern Library Paperbacks. https://archive.org/details/byswordgladiator0000cohe. 
  15. ↑ (Inggirih) In Spanish the title was "Gentilhombre", but this should not be understood as synonymous with the English term gentleman, which denotes a man of good family. See Thomas Rochford, Ignatius Loyola: the pilgrim and man of prayer who founded the Society of Jesus "St. Ignatius Loyola: the pilgrim and man of prayer who founded the Society of Jesus"[pranala nonaktif permanen][pautan nonaktif salamonyo], accessed Nov. 15, 2007.]
  16. ↑ (Inggirih) Rochford, Thomas. "St. Ignatius Loyola: the pilgrim and man of prayer who founded the Society of Jesus". Society of Jesus. Diakses tanggal 2007-11-15. 
  17. ↑ (Inggirih) Sr Mary Immaculate Bodenstedt, "The Vita Christi of Ludolphus the Carthusian", a Dissertation, Washington: Catholic University of America Press 1944 British Library Catalogue No. Ac2692.y/29.(16).
  18. ↑ (Inggirih) "The Vita Christi" by Charles Abbot Conway Analecta Cartusiana 34
  19. ↑ (Inggirih) "Ludolph's Life of Christ" by Father Henry James Coleridge in The Month Vol. 17 (New Series VI) July — December 1872, pp. 337–370
  20. ↑ a b (Inggirih) Margo J. Heydt; Sarah J. Melcher (May 2008). "Mary, the Hidden Catalyst: Reflections from an Ignatian Pilgrimage to Spain and Rome". Xavier University. Diarsipkan dari versi asli tanggal 2017-08-30. Diakses tanggal 2017-08-30. 
  21. ↑ (Inggirih) "The Cave an artistic heritage". The Cave. Place of pilgrimage and worship. Diakses tanggal 4 August 2014. 
  22. ↑ (Inggirih) Jean Lacouture, Jesuits, A Multibiography, Washington, D.C.: Counterpoint, 1995, p. 18.
  23. ↑ (Inggirih) Demski, Eric (2014). Living by the Sword. Bloomington, Indiana: Trafford Publishing. p. 289. ISBN 1-49073607-7. ISBN 978-1-490-73607-5. https://books.google.com/books?id=YkH2AwAAQBAJ&printsec=frontcover. 
  24. ↑ (Inggirih) Jean Lacouture, Jesuits, A Multibiography, Washington, D.C.: Counterpoint, 1995, p. 24.
  25. ↑ Yaitu Universitas Complutense Madrid masa kini, bukan Universitas Alcalá yang baru didirikan pada tahun 1977.
  26. ↑ (Inggirih) Jesuits, A Multibiography by Jean Lacouture, pp. 27–29, Washington, D.C.: Counterpoint, 1995
  27. ↑ (Inggirih) Michael Servetus Research Archived 2014-10-11 di Wayback Machine. Website that includes graphical documents in the University of Paris of: Ignations of Loyola, Francis Xavier, Alfonso Salmerón, Nicholas Bobadilla, Peter Faber and Simao Rodrigues, as well as Michael de Villanueva ("Servetus")
  28. ↑ a b (Inggirih) History of The World by John Clarke Ridpath, Vol. V, pp. 238, New York: Merrill & Baker, 1899
  29. ↑ (Inggirih) "Saint Ignatius of Loyola | Biography & Facts". Encyclopedia Britannica (dalam bahasa Inggris). Diakses tanggal 2017-08-24. 
  30. ↑ (Inggirih) Templat:Cite CE1913
  31. ↑ (Inggirih) Ignatius of Loyola (1970). The constitutions of the society of Jesus. Institute of Jesuit Sources. p. 249. https://books.google.com/books?id=k_oPAQAAIAAJ. "Carried and directed by Divine Providence through the agency of the superior as if he were a lifeless body which allows itself to be carried to any place and to be treated in any manner desired." 
  32. ↑ (Inggirih) Painter, F. V. N. (1903). A History of Education. International Education Series. 2. New York: D. Appleton and Company. p. 167. 
  33. ↑ Templat:La Jesuitas (1583). "SEXTA PARS – CAP. 1". Constitutiones Societatis Iesu: cum earum declarationibus. https://books.google.com/books?id=5lL2SO1DjwYC&hl=en&pg=PA196&dq=%22+pe-+rinde+ac+fi+cadauer+eiíent%22. 
  34. ↑ (Inggirih) Ignatius of Loyola (1970). The constitutions of the society of Jesus. Translated by George E. Ganss. Institute of Jesuit Sources. p. 249. https://books.google.com/books?id=k_oPAQAAIAAJ&hl=en. "Carried and directed by Divine Providence through the agency of the superior as if he were a lifeless body which allows itself to be carried to any place and to be treated in any manner desired." 
  35. ↑ (Inggirih) Life of Ignatius – New Orleans Province of the Society of Jesus
  36. ↑ (Inggirih) St. Ignatius Feast Day – The Archdiocese of Baltimore. Archived 2016-08-10 di Wayback Machine.
  37. ↑ Komisi Liturgi Konferensi Waligereja Indonesia. Puji Syukur: Buku Doa dan Nyanyian Gerejawi. Penerbit OBOR. pp. 348-349. ISBN 979-565-009-2. 
  38. ↑ (Inggirih) Tantiangco, Aya (20 July 2016). "PHL film 'Ignacio de Loyola' not just for the religious, say director and star". GMA Network (company). Diakses tanggal 28 July 2016. 
  39. ↑ (Inggirih) Manresa Iconography – Manresa House of Retreats, Convent, LA. Archived 2013-03-14 di Wayback Machine.
  40. ↑ (Inggirih) Loyola Crests – Loyola High School, Montreal, Quebec, Canada. Archived 2012-10-21 di Wayback Machine.
  41. ↑ (Inggirih) The Crest – Saint Ignatius' College, Riverview, Lane Cove, New South Wales, Australia.

Bibliografi

[suntiang | suntiang sumber]

Primer

Sekunder

Pautan lua

[suntiang | suntiang sumber]
Cari tau tantang Ignatius dari Loyola di proyek-proyek Wikimedia lainnyo:
Gambar dan media dari WikiCommons
Berita dari Wikinews
Kutipan dari Wikiquote
Teks sumber dari Wikisource
Buku dari Wikibooks
Diambiak dari "https://min.wikipedia.org/w/index.php?title=Ignatius_dari_Loyola&oldid=2836481"