Hujan asam

Wikipedia Minangkabau - Lubuak aka tapian ilimu

n diartian sabagai sagalo macam hujan PANEK DI URANGpH di bawah 5,6. Hujan sacaro alami bersifaik asam (pH saketek di bawah 6) karano karbondioksida (CO2) di udaro nan laruik jo aia hujan mampunyoi bantuak sabagai asam lamah. Jinih asam dalam hujan ko sangaik bamanfaaik karano mambantu malaruikan mineral dalam tanah nan dibutuhan dek tumbuahan jo binatang.

Hujan asam disababan dek balerang (sulfur) nan marupoan pangotor dalam bahan baka fosil sarato nitrogen di udaro nan bareaksi jo oksigen mambantuak sulfur dioksida jo nitrogen oksida. Zat-zat iko badifusi ka atmosfer sarato bareaksi ka aia untuak mambantuak asam sulfat jo asam nitrat nan mudah laruik sehinggao jatuah basamo aia hujan. Aia hujan nan asam tasabuik akan maningkekan kadar kaasaman tanah dan aia pamukoan nan tabukti babahayo bagi kahidupan ikan dan tanaman. Usaho untuak mangatasi hal iko kini ko sadang maraknyo dilaksanoan.

Sumber[suntiang | suntiang sumber]

Sacaro alami hujan asam dapek tajadi akibaik samburan dari gunuang barapi sarato dari proses biologis di tanah, rawa, jo lauik. Tapi, mayoritas hujan asam disababan dek aktivitas manusia sarupo industri, pambangkik tanago listrik, kandaraan bamotor sarato pabrik pangolahan partanian (terutamo amonia). Gas-gas nan dihasilan dek proses iko dapek tabaok angin hinggo baratuih kilometer di atmosfer sabalun barubah manjadi asam dan tadeposit ka tanah.

Hujan asam karano proses industri alah manjadi masalah nan pantiang di Republik Rakyat Tiongkok, Eropa Barat, Rusia dan daerah-daerah di arahan anginnyo. Hujan asam dari pambangkik tanago listrik di Amerika Serikat bagian Barat alah marusak hutan-hutan di New York dan New England. Pambangkik tanago listrik ko umumnyo manggunoan batu baro sabagai bahan bakanyo.

Proses nan terlibat dalam pemecahan Asam ( catatan: bahwa hanya SO2 dan NOX memegang peran penting dalam hujan asam).

Pambantukan hujan asam[suntiang | suntiang sumber]

Sacaro sederhana, reaksi pambantukan hujan asam sabagai barikuik:

Bukti tajadinyo paningkatan hujan asam didapek dari analisis es kutub. Dapek dicaliak dari turunnyo kadar pH sajak dimulainyo Revolusi Industri dari 6 manjadi 4,5 atau 4. Informasi lain didapek dari organisme nan dikana sabagai diatom nan mauni kolam-kolam. Sasudah batahun-tahun, organisme-organisme nan mati akan mangendap dalam lapisan-lapisan sedimen di dasar kolam. Patumbuhan diatom akan meningkek pado pH tatantu, sehinggo jumlah diatom nan ditemuan di dasar kolam akan manampakan parubahan pH sacaro tahunan jiko awak mancaliak ka masiang-masiang lapisan tasabuik.

Sajak dimulainyo Revolusi Industri, jumlah emisi sulfur dioksida jo nitrogen oksida ka atmosfer maningkek pulo. Industri nan menggunoan bahan baka fosil, tarutamo batu baro, marupoan sumber utamo maningkeknyo oksida balerang iko. Pambacoan pH di area industri kadang-kadang tacataik hinggo 2,4 (tingkek kaasaman cuko). Sumber-sumber iko, ditambah dek transportasi, marupoan panyumbang-panyumbang utamo hujan asam.

Masalah hujan asam indak hanyo maningkek sajalan jo patumbuahan populasi dan industri tapi alah bakambang manjadi labiah lueh. Panggunoan carobong asok nan tinggi untuak mangurangi polusi lokal bakontribusi dalam panyebaran hujan asam, karano emisi gas nan dikeluaannyo akan masuak ka sirkulasi udaro regional nan mampunyoi jangkauan labiah lueh. Hujan asam acok bana tajadi di daerah nan jauah dari lokasi sumbernyo, daerah pagunuangan candaruang mamparoleh labiah banyak karano tingginyo curah hujan di siko.

Tadapek hubuangan nan arek antaro randahnyo pH jo bakurangnyo populasi ikan di danau-danau. pH di bawah 4,5 indak mamungkinan dek ikan untuak iduik, samantaro pH 6 atau labiah tinggi akan mambantu patumbuhan populasi ikan. Asam di dalam aia akan maambek produksi enzim dari larva ikan trout untuak kalua dari taluanyo. Asam maikek logam baracun sarupo alumnium di danau. Alumunium akan manyebaban babarapo ikan mangaluaan lendir balabiahan di sakitar insangnyo sahinggo ikan sulik bernapas. Patumbuhan fitoplankton nan manjadi sumber makanan ikan diambek pulo dek tingginyo kadar pH.

Tanaman dipangaruhi dek hujan asam dalam barbagai macam caro. Lapisan lilin pado daun rusak sahinggo nutrisi mailang, tanaman indak tahan tahadok kaadaan dingin, cindawan jo saranggo. Patumbuhan aka manjadi lambek sahinggo labiah saketek nutrisi nan dapek diambak, sarato mineral-mineral pantiang manjadi hilang.

Ion-ion baracun nan talapeh akibaik hujan asam manjadi ancaman nan gadang dek manusia. Tambago di aia badampak pado timbuanyo wabah diare pado anak jo aia tacemar alumunium dapek manyebaban panyakik Alzheimer.

Sijarah[suntiang | suntiang sumber]

Hujan asam dilaporan patamo kali di Manchester, Inggris, nan manjadi kota pantiang dalam Revolusi Industri. Pado taun 1852, Robert Angus Smith manamuan hubuangan antaro hujan asam jo polusi udaro. Istilah hujan asam tasabuik mulai digunakannyo pado taun 1872. Baliau mangamati bahwa hujan asam dapek mangarah pado kahancuran alam.

Walaupun hujan asam ditamuan pado taun 1852, baru pado taun 1970-an para ilmuwan mulai maadoan banyak panalitian mangenai fenomena iko. Kasadaran masyarakaik akan hujan asam di Amerika Sarikek maningkek pado taun 1990-an sasudah di New York Times mamuek laporan dari Hubbard Brook Experimental Forest di New Hampshire tantang banyaknyo karusakan lingkungan nan diakibaikan dek hujan asam.

Metode Pancegahan[suntiang | suntiang sumber]

Di Amerika Serikat, banyak pambangkik tanago listrik tanago batu baro manggunoan Flue gas desulfurization (FGD) untuak manghilangan gas nan manganduang balerang dari carobongnyo. Sabagai contoh FGD adolah wet scrubber nan umum digunoan di Amerika Sarikek dan nagaro-nagaro lainnyo. Wet scrubber pado dasarnyo adolah tower nan dilangkoki jo kipeh nan maambiak gas asok dari carobong ka tower tasabuik. Kapua atau batu kapua dalam bantuak bubua diinjeksian pulo ka dalam tower sahinggo bacampua jo gas carobong sarato bareaksi jo sulfur dioksida nan ado, Kalsium karbonat dalam batu kapua manghasilan kalsium sulfat ba pH netral nan sacaro fisik dapek dikaluaan dari scrubber. Dek karano itu, scrubber maubah polusi manjadi sulfat industri.

Di babarapo area, sulfat tasabuik dijua ka pabrik kimia sabagai gipsum jiko kadar kalsium sulfatnyo tinggi. Di tampek lain, sulfat tasabuik ditampekan di land-fill.

Pranala luar[suntiang | suntiang sumber]