Manchester

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Manchester (i/ˈmæntʃɛstər/) adolah sabuah kota dan <i>borough metropolitan</i> di Manchester Raya, Inggirih nan mamiliki populasi sabanyak 503.000 jiwa pado tahun 2011. Manchester talatak di Kawasan Pakotaan Manchester Raya, nan marupokan kawasan pakotaan tagadang katigo di Britania Raya, jo populasi sakitar 2,2 juta jiwa.[1] Urang nan barasa dari Manchester dikana jo sabutan Mancunian, dan otoritas lokal untuak kota iko adolah Dewan Kota Manchester.

Manchester balokasi di bagian tangah-selatan Inggirih Barat Laut, dibatasi dek Dataran Chesire di sabalah selatan dan Pennines di sabalah utara dan timur. Catatan sijarah Manchester dimulai jo didirikannyo pamukiman sipil Romawi jo bentengnya yang bernama Mamucium pada tahun c. 79 M di tebing batu dekat patamuan antaro Sungai Medlock dan Sungai Irwell. Sacaro sijarah, sabagian gadang wilayah Manchester adolah bagian dari Lancashire, maskipun wilayah selatan Sungai Mersey juo talatak di Cheshire. Sapanjang Abad Patangahan, Manchester tatok manjadi kota bangsawan. Urbanisasi besar-besaran ka Manchester tajadi sairing jo ledakan dalam pambangunan pabrik tekstil salamo Revolusi Industri,[2] nan manyababkan kota iko manjadi kota industri patamo di dunia.[3] Pado awal abaik ka-19, pambangunan pabrik-pabrik difokuskan di wilayah-wilayah borough di dalam kota, sahinggo Manchester diagiah status kota pado tahun 1853 dek Ratu Victoria. Pado tahun 1894, Terusan Kapa Manchester dibangun, nan kamudian manciptakan Palabuhan Manchester.

Kota iko takana karano arsitektur, budayo, musik, jaringan media, ilmu pangatahuan dan teknik, dampak sosial, dan olahraganyo. Klub sipak bola takamuko di Liga Utamo Inggarih, Manchester City dan Manchester United, barasa dari kota iko. Manchester juo marupokan tampek kalahiran stasiun kareta api patamp di dunia, dan tampaek para ilmuwan patamo kali mamisahkan atom dan manciptokan program panyimpanan komputer. Manchester mamiliki duo universitas, salah satunyo marupokan universitas tunggal tagadang di Britania Raya. Ekonomi Manchester marupokan salah satu ekonomi pakotaan tagadang di Britania Raya. Manchester juo manjadi kota katigo di Britania Raya nan paliang acok dikunjuangi dek wisatawan mancanegara satalah London dan Edinburgh, dan nan paliang acok dikunjuangi di Inggarih (di lua London).

Sijarah[suntiang | suntiang sumber]

Etimologi[suntiang | suntiang sumber]

Namo Manchester barasa dari kato Romawi Kuno Mamucium, nan marupokan namo benteng dan pamukiman Romawi di Manchester kuno. Pado umumnyo kato iko dianggok sabagai bantuak Latin dari kato Kelt asli (kamungkinan bararti "payudaro saparti bukik", kato Mamm- bararti "payudaro"), ditambah jo kato Inggirih kuno ceaster nan bararti "kota", nan barasal dari bahaso Latin, castra ("pakemahan").[4] Teori alternatif lainnyo manunjuakkan bahwa asal kato Manchester iko adolah dari bahaso Britonik mamma ("induak"). Kato "induak" iko ditujukan untuak marujuak pado Sungai Medlock nan mangalir di bawah benteng. Kato Mam bararti "payudaro wanita" dalam bahaso Gaelik Irlandia dan "induak" dalam Bahaso Wales.

Parang Dunia II dan Manchester Blitz[suntiang | suntiang sumber]

Saparti kabanyakan daerah lainnyo di Britania Raya, Manchester dimobilisasi sacaro ekstensif salamo Parang Dunia II. Sabagai contoh, pabrik tekstil dan lokomotif di Gorton dijadikan sabagai tampek pambuatan bom. Pabrik gatah di Chorlton-on-Medlock dialihfungsikan manjadi pabrik balon udaro. Manchester juo manjadi target pangaboman dek Luftwaffe Jerman, sarangan tagadang tajadi sabalum Natal pado tanggal 22/23 dan 24 Desember 1940, nann dikana jo Manchester Blitz. Sakitar 467 ton bahan paladak bakakuatan tinggi, ditambah jo labiah dari 37.000 bom pambaka dijatuahkan di pusek kota Manchester. Sabagian gadang dari pusek kota basijarah itu hancua, tamasuak 165 pabrik, 200 tampek usaho, dan 150 kantua. 376 tewas dan 30.000 rumah rusak.[5] Katedral Manchester adolah salah satu bangunan nan mangalami karusakan taparah. Proses pamulihan kota iko mahabihkan wakatu labiah dari 20 tahun.[6]

Pasca Perang Dunia[suntiang | suntiang sumber]

Industri tekstil dan padagangan taruih mangalami panurunan pasca Parang Dunia II, dan bursa ditutuik pado tahun 1968.[7] Tahun 1963, Palabuhan Manchester marupokan palabuhan tagadang katigo di Britania Raya,[8] mampakarajoan labiah dari 3.000 pakarajo, namun palabuhan iko indak mampu manangani banyaknyo jumlah kapa kontainer. Lalu linteh kapa palahan mangalami panurunan, dan palabuahan ditutuik pado tahun 1982.[9] Industri barek manurun sajak tahun 1960-an dan mangalami kelesuan hebat di bawah kabijakan ekonomi Margaret Thatcher satalah tahun 1979. Manchester kahilangan 150.000 lapangan karajo di bidang manufaktur antaro tahun 1961 dan 1983.

Pamarintahan[suntiang | suntiang sumber]

Manchester diparintah dek Dewan Kota Manchester satalah Dewan County Manchester Raya dihapuihkan pado tahun 1986. Manchester alah manjadi anggota dari Kelompok Kota Inti di Inggirih sajak pandirian badan iko pado tahun 1995.[10]

Manchester diagiah piagam kota dek Thomas Grelley pado tahun 1301, namun kahilangan status boroughnya pado tahun 1359. Hinggo abaik ka-19, sabagian gadang urusan kapamarintahan daerah dikalola dek hakim tatinggi kota, nan tarakhia barakhia pado tahun 1846.[11]

Geografi[suntiang | suntiang sumber]

Talatak pado 28, 160 mil (257 km) di sabalah barat lauik London, Manchester mambantang di kawasan babantuak mangkuak, babatehan jo Pennines di sabalah utara dan timur, rangkaian pagunuangan nan mambantang di sapanjang Inggirih Utara, dan Dataran Cheshire di sabalah selatan. Pusek kota talatak di sisi timur Sungai Irwell, di dakek patamuannyo jo Sungai Medlock dan Irk, jo katinggian 115 hinggo 138 kaki (35 hinggo 42 meter) dari pamukaan lauik.[12] Sungai Mersey mangalia di sabalah selatan Manchester. Kabanyakan wilayah dalam kota, khususnyo di selatan, batopografi data, manawarkan pamandangan nan tahampa lueh dari banyak bangunan-bangunan batingkek dan pagunuangan Pennines, nan tatutuik dek salju pado musim dingin. Kaadaan geografi Manchester sangek bapangaruh dalam pakambangan mulo kota iko sabagai kota industri patamo di dunia. Pangaruah iko antaro lain tampak pado iklimnyo, kadekatannyo jo palabuahan Liverpool, katasediaan pambangkit listrik tanago aia dari sungai-sungainyo, dan cadangan batubaro di sakitarnyo.[13]

Demografi[suntiang | suntiang sumber]

Badasarkan sensus Britania Raya 2001, jumlah panduduak Manchester adolah sabanyak 392.819 jiwa, mangalami panurunan sagadang 9,2% dari sensus 1991.[14] Dipakirokan sabanyak 83.000 panduduak Manchester baumua di bawah 16 tahun, 285.000 baumua 16-74 tahun, dan 25.000 baumua di ateh 75 tahun. Manuruik hasil sensus, 85,2% panduduak Manchester mangklaim bahwa mereka lahia di Britania Raya. Panduduak Manchester dikana jo sebutan Mancunians atau Manc untuak versi singkeknyo. Sensus tasabuik juo mangungkapkan bahwa Manchester mamiliki proporsi tanago karajo tarendah kaduo dari satiok daerah di Britania Raya. Hal iko disebabkan karano Manchester mamiliki jumlah pelajar nan banyak, tatinggi dibandiangkan daerah lainnyo di negara itu. Sabuah laporan pado tahun 2007 mancatat bahwa "60 persen dari penduduak Manchester hiduik di babarapo daerah nan paliang miskin di Britania Raya."[15]

Ekonomi[suntiang | suntiang sumber]

Manchester berada di garih muko Revolusi Industri pado abaik ka-19, dan marupokan pusek takamuko untuak sektor manufaktur. Saat kini, parekonomian kota iko sabagian gadang tadiri dari sektor jasa. Pado tahun 2007, Manchester adolah kota nan paliang capek bakambang di Britania Raya, dan jumlah investasinyo manempeki paringkek kaduo satalah ibu kota. Manchester's State of the City Report manyatokan bahwa jasa kauangan dan profesional, industri sains, industri kreatif, budayo dan media, manufaktur dan komunikasi manjadi aktivitas parekonomian utamo di Manchester.[16] Kota iko dinobaikkan pado tahun 2010 sabagai tampek tabaik kaduo untuak babisnis di Britania Raya dan tabaik kaduo baleh di Eropa.[17]

Kehidupan malam[suntiang | suntiang sumber]

Parekonomian malam di Manchester alah bakambang sacaro signifikan sajak tahun 1993, sajumlah investasi difokuskan di bar-bar, tampek umum dan klub malam, jo dukuangan aktif dari pamarintah satampek.[18] Tadapaik labiah dari 500 tampek hiburan balisensi di pusek kota Manchester nan mamiliki kapasitas untuak manampuang labiah dari 250.000 pangunjuang.[19] Sakitar 110-130.000 urang mangunjuangi tampek-tampek iko pado malam-malam tatantu di akhia pakan. Parekonomian malam Manchester mamiliki pamasuakan sanilai £ 100 juta, dan mampakarajokan labiah dari 12 ribu tanago karajo.

Pendidikan[suntiang | suntiang sumber]

Ado duo universitas di Manchester. Universitas Manchester adolah universitas non-kolese tagadang di Britania Raya dan didirikan pado tahun 2004 jo manggabuangkan Victoria University of Manchester dan UMIST.[20] Universitas iko juo mancakuik Sakolah Bisnis Manchester, nan manawarkan program MBA patamo di Britania Raya pado tahun 1965. Universitas Metropolitan Manchester didirikan jo namo Politeknik Manchester pado tahun 1970 jo panggabuangan dari tigo paguruan tinggi. Kampus iko mamparoleh status universitas pado tahun 1992, dan pado tahun nan samo, Crewe dan Alsager College di South Cheshire juo bagabuang jo universitas iko.[21]

Olahraga[suntiang | suntiang sumber]

Manchester juo dikana sabagai kota olahraga. Duo klub sipak bola dalam Liga Utamo Inggirih manyandang namo Manchester, yaitu Manchester City dan Manchester United, masiang-masiangnyo marupokan juara dari Premier League 2012 dan Premier League 2011.[22] Kandang utamo Manchester City adolah Stadion City of Manchester (juo dikana jo namo Stadion Etihad untuak tujuan sponsor), nan batampek di tanah bakeh Maine Road nan dirubuahkan. Stadion City of Manchester dibangun untuak manyalanggarokan Pesta Olahraga Pasemakmuran pado tahun 2002. Kandang Manchester United, Old Trafford, marupokan stadion tagadang di Britania Raya, jo kapasitas mancapai 76.000 panonton. Stadion iko batampek di borough Trafford, di lua kota Manchester.[23] Manchester alah manyalanggarokan babagai kompetisi sipak bola, baik domestik maupun internasional, diantaronyo Piala Dunia FIFA 1966, Kejuaraan Sipak Bola Eropa UEFA 1996, Sipak bola Olimpiade 2012, final Liga Champion 2003, final UEFA Cup 2008, final Piala FA (1893, 1911, 1915, 1970) dan Final Piala Liga Inggris (1978, 1984).

Media[suntiang | suntiang sumber]

Waralaba ITV, Granada Television, mamiliki kantua di Quay Street[24]. Stasiun iko mamproduksi acara Coronation Street,[25] program barita lokal dan babagai program lainnyo untuak Inggirih Barat Lauik. Meski pangaruahnyo alah bakurang, Granada digambarkan sabagai "stasiun televisi komersial tabaik di dunia".[26][27]

Rujuakan[suntiang | suntiang sumber]

  1. "Mapped: Population hits a record high as thousands flock to Manchester MEN". http://menmedia.co.uk/manchestereveningnews/news/s/1425494_mapped-population-hits-a-high-as-thousands-flock-to-manchester. Diakses pado 16 Juli 2011. 
  2. Aspin, Chris (1981). The Cotton Industry. Shire Publications Ltd. p. 3. ISBN 0-85263-545-1. 
  3. Kidd, Alan (2006). Manchester: A History. Lancaster: Carnegie Publishing. ISBN 1-85936-128-5. 

    Frangopulo, Nicholas (1977). Tradition in Action. The historical evolution of the Greater Manchester County. Wakefield: EP Publishing. ISBN 0-7158-1203-3. 

    "Manchester - the first industrial city". Entry on Sciencemuseum website. http://www.sciencemuseum.org.uk/on-line/energyhall/page84.asp. Diakses pado 17 Maret 2012. 
  4. Mills, A.D. (2003). A Dictionary of British Place-Names. Oxford: Oxford University Press. ISBN 0-19-852758-6. http://www.oxfordreference.com/pages/Subjects_and_Titles__2B_05. 
  5. Hardy, Clive (2005). "The blitz". Manchester at War (edisi ke-2nd). Altrincham: First Edition Limited. pp. 75–99. ISBN 1-84547-096-6. 
  6. "Timeline". Manchester Cathedral Online. 10 Desember 2008. http://www.manchestercathedral.org/content/blogcategory/33/158/8/40/. Diakses pado 5 Mai 2009. 
  7. Kidd, Alan (2006). Manchester: A History. Lancaster: Carnegie Publishing. pp. 12, 15–24, 224. ISBN 1-85936-128-5. 
  8. Parkinson-Bailey, John J (2000). Manchester: an Architectural History. Manchester: Manchester University Press. p. 127. ISBN 0-7190-5606-3. 

    Pevsner, Nikolaus (1969). Lancashire, The Industrial and Commercial South. London: Penguin Books. p. 267. ISBN 0-14-071036-1. 
  9. "Salford Quays milestones: the story of Salford Quays" (PDF). Salford City Council. 10 Desember 2005. http://www.salford.gov.uk/milestones_v2.pdf. Diakses pado 5 Mai 2009. 
  10. "About the Core Cities Group". English Core Cities Group. 10 Desember 2004. http://www.corecities.com/dev07/Introduction/about.html. Diakses pado 9 Juli 2007. 
  11. "Greater Manchester Gazetteer". Greater Manchester County Record Office. Places names – M to N. http://www.gmcro.co.uk/Guides/Gazeteer/gazzm2n.htm. Diakses pado 9 Juli 2007. 
  12. Kidd, Alan (2006). Manchester: A History. Lancaster: Carnegie Publishing. p. 11. ISBN 1-85936-128-5. 
  13. "The Manchester Coalfields" (PDF). Museum of Science and Industry in Manchester. 10 Desember 2001. http://www.msim.org.uk/media/159631/the%20manchester%20coalfields.pdf. Diakses pado 5 Mai 2009. 
  14. "Manchester profile of 2001 census". Office for National Statistics. 10 Desember 2003. http://www.statistics.gov.uk/census2001/profiles/00BN-A.asp. Diakses pado 25 Oktober 2006. 
  15. "Manchester – The State of the City". Manchester City Council. 10 Desember 2007. http://www.manchester.gov.uk/site/scripts/news_article.php?newsID=2915. Diakses pado 11 September 2007. 
  16. Manchester Partnership (September 2007). "Manchester’s State of the City Report 2006/2007" (PDF). http://www.manchesterpartnership.org.uk/includes/uploads/File/State%20of%20the%20City%2017%20OCT%20FINAL.pdf. Diakses pado 21 Oktober 2007. 
  17. "European Cities Monitor 2010 Summary". http://www.europeancitiesmonitor.eu/wp-content/uploads/2010/10/ECM-2010-Summary1.pdf. Diakses pado 10 Oktober 2010. 
  18. Parkinson-Bailey, John J (2000). Manchester: an Architectural History. Manchester: Manchester University Press. pp. 249–250, 284–6. ISBN 0-7190-5606-3. 
  19. Hobbs, Dick. "Seven Deadly Sins: A new look at society through an old lens". Economic and Social Research Council. pp. 24–27. http://www.esrc.ac.uk/_images/seven_deadly_sins_tcm8-13545.pdf. Diakses pado 27 Nopember 2011. 
  20. "Manchester still top of the popularity league". University of Manchester. 18 Januari 2007. http://www.manchester.ac.uk/aboutus/news/archive/list/item/?id=2462&year=2007&month=01. Diakses pado 6 Oktober 2008. 
  21. Fowler, Alan (1994). Many Arts, Many Skills: Origins of Manchester Metropolitan University. Manchester: Manchester Metropolitan University. pp. 115–20, 226–8. ISBN 1-870355-05-9. 
  22. White, Duncan (14 May 2011). "Manchester is a City United in celebration as both clubs end the day with silverware". telegraph. 
  23. "Football fever". Visit Manchester. http://www.visitmanchester.com/Parts2.aspx?PartId=51&ExperienceId=11. Diakses pado 6 Oktober 2008. 

    "Sporting heritage". Visit Manchester. http://www.visitmanchester.com/Parts2.aspx?ExperienceId=11&PartId=120. Diakses pado 6 Oktober 2008. 
  24. "The creative media industries and workforce in North West England". skillset.org. 10 Desember 2008. http://www.skillset.org/uk/northwest/article_4334_1.asp. Diakses pado 6 Oktober 2008. 
  25. Little, Daran (1995). The Coronation Street Story. London: Boxtree. p. 6. ISBN 1-85283-464-1. "Coronation Street is without doubt the most successful television programme in the world. ... what is today the world's longest running drama serial." 
  26. "Obituary - David Plowright ". Diakses pado 4 Pebruari 2012.
  27. "Party People returns as presenter Rob McLoughlin celebrates thirtieth year at ITV ". Diakses pado 4 Pebruari 2012.