Hugo Chávez

Dari Wikipedia baso Minang, ensiklopedia bebas
Lompek ka: navigasi, cari
Hugo Chávez
Hugo Chávez (02-04-2010).jpg
Presiden Venezuela
Maso jabatan
2 Februari 1999 – 5 Maret 2013
Wakia Presiden Julián Isaías Rodríguez Diaz
Adina Bastidas
Diosdado Cabello
José Vicente Rangel
Jorge Rodríguez
Ramón Carrizales
Elías Jaua
Nicolás Maduro
Didaului jo Rafael Caldera
Digantian dek Nicolás Maduro (interim)
Data paribadi
Lahia Hugo Rafael Chávez Frías
28 Juli 1954
Sabaneta, Venezuela
Wafaik 5 Maret 2013 (umua 58)
Caracas, Venezuela
Partai politik Garakan Republik Kalimo (1997–2007)
Partai Sosialis Basatu (2007–2013)
Afiliasi politik
lainnyo
Kutub Patriotik Gadang (2011–2013)
Pasangan hiduik Nancy Colmenares (Bacarai)
Marisabel Rodríguez (1997–2004)
Alma mater Akademi Maliter Venezuela
Agamo Katolik Roma
Tando tangan
Maso di Militer
Pangabdian  Venezuela
Angkatan Angkatan Darek
Pangkek Lieutenant Colonel (Venezuela).png Letenan Kolonel

Hugo Rafael Chávez Frias (28 Juli 1954 - 5 Maret 2013) adolah Presiden Venezuela nan manjabaik dari taun 1999 sampai kamatiannyo pado taun 2013. Inyo adolah bakeh pamimpin partai politik Garakan Republik Kalimo sajak maso pandiriannyo pado taun 1997 sampai taun 2007. Partai ko kudian bagabuang jo babarapo partai lainnyo dan mambantuak Partai Sosialis Basatu Venezuela (PSUV), nan taruih dipimpinnyo sampai pado kamatiannyo di taun 2013.

Dek maikuik ideologi politiknyo yaitu Bolivarianisme dan Sosialisme Abaik ka-21, inyo bafokus pado pangarajoan reformasi sosialis di nagara iko sabagai bagian dari proyek sosial nan disabuik sabagai Revolusi Bolivarian, nan lah mampacaliakan tabiknyo konstitusi baru, dewan bademokrasi partisipatif, nasionalisasi babarapo industri utamo, paningkatan alokasi dana pamarentah untuak parawatan kasiatan dan pandidikan, sarato pangurangan kamiskinan sacaro signifikan kok manuruik data pamarentah.[1] Di bawah Chavez, kwalitas iduik masarakaik Venezuela maningkek pulo manuruik Indeks PBB,[2] dan tingkek kamiskinan manurun dari 48,6 persen pado taun 2002 manjadi 29,5 persen pado 2011 manuruik Komisi Ekonomi PBB untuak Amerika Latin.[2]

Chávez lahia dari kaluarga kalas pakarajo di Sabaneta, Barinas. Inyo kudian manjadi parawira militer, namun satalah maraso indak pueh jo sistem politik Venezuela, inyo maadoan Garakan Revolusioner Bolivarian-200 (MBR-200) nan rahasia pado awal taun 1980 untuak bausao mangguliangan pamarentahan kutiko itu. Chávez mamimpin MBR-200 dalam suatu kudeta nan gagal pado taun 1992 taadok pamarentahan Presiden Carlos Andrés Pérez dari Partai Aksi Demokratik, sainggo inyo dipinjaro. Satalah duo taun inyo bebas, sataruihnyo inyo mandirian sabuah partai politik bapaham sosialis, Garakan Republik Kalimo, nan mambueknyo kudian tapiliah sabagai Presiden Venezuela pado taun 1998.

Inyo kudian mampakanalkan konstitusi baru nan maningkekan hak-hak masarakaik nan tasisiah dan mambuek parubahan pado struktur pamarentah Venezuela. Inyo tapiliah lai sabagai presiden pado tahun 2000. Di maso jabatan kaduonyo, inyo mampakanalkan sistem Misi Bolivarian, Dewan Komunal, dan koperasi pakarajo, sarato manjalanan program reformasi patanahan dan nasionalisasi babagai industri kunci. Chávez tapiliah kambali pado tahun 2006 dan mandapek labiah dari 60% suaro. Pado tangga 7 Oktober 2012, inyo pun mamanangan pamiliahan presiden nan kaampek kalinyo, mangalahan Henrique Capriles, dan tapiliah untuak maso jabatan anam taun.[3]

Pamarentahan Chávez basakutu jo pamarentah kuminih Fidel jo Raúl Castro di Kuba, sarato pamarentahan sosialis Evo Morales di Bolivia, Rafael Correa di Ekuador, dan Daniel Ortega di Nikaragua. Kapamimpinannyo dipandang sabagai bagian dari "aia pasang sirah mudo" sosialisme nan mahampeh Amerika Latin. Bairiangan jo pasakutuan ko, inyo manggambarkan kabijakan pamarentahannyo sabagai anti-imperialisme, nan manjadi musuah takamuko taadok kabijakan lua nagari Amerika Sarikat sarato pangritik lantang ateh neoliberalisme dan kapitalisme laissez-faire nan didukuang dek AS.[4]

Inyo mandukuang karajosamo Amerika Latin jo Karibia dan baperan pantiang dalam mandirian organisasi pan-regional Uni Nagara Amerika Salatan, Aliansi Bolivarian untuk Amerika, Bank Selatan, dan jaringan televisi regional TeleSur. Namun, Chávez mamiliaki sangketo nan gadang jo Kolombia, sarato mandukuang para pambarontak di Kolombia dan Ekuador, nan manyabukan duta-duta gadang dipanggia pulang dan pasukan dimobilisasi. Chávez adolah surang tokoh nan sangaik kontroversial dan mamacah balah baik di dalam nagari maupun di lua nagari, panah mahino para pamimpin dunia lainnyo, dan mambandiangan Presiden AS George W. Bush jo kaladai[5] dan ibilih bagai.[6] Sungguahpun media AS mancimeehnyo, ado pulo nan manyabuiknyo surang demokrat progresif, dan bahaso AS mancubo malamahan dan mandelegitimasi pamarentahannyo di Venezuela.[7][8][9][10]

Pado tangga 30 Juni 2011, Chávez manyatoan bahaso inyo lah cegak dari operasi untuak maangkek tumor abses basel kangker.[11] Inyo mamaraluan operasi kaduo pado Desember 2012.[12] Inyo rancanonyo ka dilantik pado tangga 10 Januari 2013, tatapi Majilih Nasional Venezuela satuju untuak manundo palantikan ko supayo inyo mandapek wakatu mamuliahkan diri dari parawatan medis di Kuba.[13] Chávez maningga di Caracas pado tangga 5 Maret 2013 pado umua 58 taun.[14][15]

Rujuakan[suntiang | suntiang sumber]

  1. ^ Ian James (4 October 2012). "Venezuela vote puts 'Chavismo' to critical test". Yahoo. http://news.yahoo.com/venezuela-vote-puts-chavismo-critical-test-172039207.html. Diakses pado 2 Pebruari 2013. 
  2. ^ a b Charlie Devereux & Raymond Colitt. March 7, 2013. Venezuelans’ Quality of Life Improved in UN Index Under Chavez. Bloomberg. Diakses: 7 Maret 2013. Human Development Index
  3. ^ "Venezuela's Chávez re-elected to extend socialist rule". Reuters. http://www.reuters.com/article/2012/10/08/venezuela-election-idUSL1E8L70WK20121008. Diakses pado 8 Oktober 2012. 
  4. ^ Ellner 2002
  5. ^ "Hugo Chavez: Memorable moments ", (BBC News), 6 Maret 2013. Diakses pado 14 Maret 2013.
  6. ^ Chavez calls bush Satan
  7. ^ Golinger, Eva (30 March 2005). "Venezuela and Chavez Target of Bush Propaganda Campaign". Truthout. http://archive.truthout.org/article/venezuela-and-chavez-target-bush-propaganda-campaign. Diakses pado 14 Maret 2013. 
  8. ^ "US Attempts to Demonize and Destabilize Venezuela Will Not Work". Pravda. 10 Pebruari 2010. http://english.pravda.ru/hotspots/conflicts/10-02-2010/112149-us_attempts_to_demonize_venezue-0/. Diakses pado 10 Maret 2013. 
  9. ^ Weisbrot, Mark (3 October 2012). "Why the US demonises Venezuela's democracy". The Guardian. http://www.guardian.co.uk/commentisfree/2012/oct/03/why-us-dcemonises-venezuelas-democracy. Diakses pado 10 Maret 2013. 
  10. ^ Jones, Owen (6 March 2013). "Hugo Chavez was a democrat, not a dictator, and showed a progressive alternative to neo-liberalism is both possible and popular". http://www.independent.co.uk/voices/comment/hugo-chavez-was-a-democrat-not-a-dictator-and-showed-a-progressive-alternative-to-neoliberalism-is-both-possible-and-popular-8522329.htmll. Diakses pado 10 Maret 2013. 
  11. ^ "President Chávez's address to the Nation"{{Fix | subst = {{subst:substcheck}} | special = [pranala mati]
  12. ^ Virginia Lopez in Caracas. "Hugo Chávez names successor after confirming need for cancer surgery". Guardian. http://www.guardian.co.uk/world/2012/dec/09/hugo-chavez-names-successor-cancer-surgery. Diakses pado 2 Pebruari 2013. 
  13. ^ "Chavez swearing-in delay legal, rules Venezuela Supreme Court". World.myjoyonline.com. 9 Januari 2013. http://world.myjoyonline.com/pages/news/201301/99679.php. Diakses pado 8 Maret 2013. 
  14. ^ Castillo, Mariano, "Venezuelan leader Hugo Chávez dies ", 5 Maret 2013. Diakses pado 5 Maret 2013.
  15. ^ Cawthorne, Andrew, "Venezuela's Hugo Chávez dies from cancer: VP ", 5 Maret 2013. Diakses pado 5 Maret 2013.