Ekuador
Ekuador atau sacaro rasmi Republik Ekuador adolah sabuah nagara di barat lauik Amerika Selatan, ba batehan jo Kolombia di utara, Peru di timur jo selatan, sarato Samudra Pasifik di barat.[1] Ekuador mancakuik pulo Kapulauan Galapagos di Pasifik, sakitar 1000 kilometer (621 mi) di sabalah barat daratan utamo. Ibu kota jo kota tagadangnyo adolah Quito.[2]
Ekuador diparintah oleh Presiden nan dipiliah sacaro demokratis untuak maso jabatan ampek tahun. Presiden Ekuador kini ko, Guillermo Lasso, manjalankan kuasonyo dari kepresidenan Palacio de Carondelet di Quito. Konstitusi kini ko ditulih dek Majelis Konstituante Ekuador nan dipiliah pado tahun 2007, sarato di satujui malalui referendum pado tahun 2008. Sajak tahun 1936, pamungutan suaro diwajibkan untuak kasadoan urang nan melek huruf bausia 18-65 tahun, opsional untuak kasadoan warga nagara lainnyo.[3]
Iklim di Ekuador umumnyo tropis sarato bavariasi manuruik katinggian jo wilayah, karano perbedaan katinggian dan, pado tingkek tatantu, kadakek annyo jo khatulistiwa.[4] Dataran randah pasisia di bagian barat biasonyo angek jo suhu sakitar 25 °C (77 °F).[5] Daerah pasisia dipangaruahi oleh arus lauik jo paneh sarato hujan antaro Januari jo April.[6]
Puncak Gunuang Chimborazo (6.268 m, atau 20.560 kaki, di ateh parmukaan lauik), gunuang tatinggi di Ekuador, adolah titiak tajauah dari pusek Bumi di parmukaan Bumi karano bantuak planet nan elipsoid.[7]
Panduduak Ekuador baragan sacaro etnis dan dipakiroan tahun 2021 bajumlah 17.797.737.[8][9] Kalompok etnis nan tagadang (per 2010) adolah Mestizo.
Rujukan
[suntiang | suntiang sumber]- ↑ Dowl, Aimee (2010). Ecuador and the Galápagos Islands. p. 53.
- ↑ Carvajal, Ana María (10 de enero de 2019). «Quito se convirtió en la ciudad más poblada del Ecuador con más de 3 millones de habitantes en el 2018». El Comercio. Consultado el 11 de enero de 2019.
- ↑ "Compulsory Voting". Diarsipkan dari versi asli tanggal 12 June 2009. Diakses tanggal 18 August 2012.
- ↑ "Climate of Ecuador". Diarsipkan dari versi asli tanggal 2012-03-05.
- ↑ "Climate in Ecuador". Diarsipkan dari versi asli tanggal 2017-08-29.
- ↑ "Ecuador:Climate".
- ↑ "Ecuador". The World Factbook. Diakses tanggal 18 August 2011.
- ↑ ""World Population prospects – Population Division"". population.un.org (dalam bahasa Inggris). Departemen Urusan Ekonomi dan Sosial Perserikatan Bangsa-Bangsa, Divisi Kependudukan. 2019. Diakses tanggal 9 November 2019.
- ↑ ""Overall total population" – World Population Prospects: The 2019 Revision" (xslx). population.un.org (Data khusus yang diperoleh melalui situs web) (dalam bahasa Inggris). Departemen Urusan Ekonomi dan Sosial Perserikatan Bangsa-Bangsa, Divisi Kependudukan. 2019. Diakses tanggal 9 November 2019.