Lompat ke isi

Hiu sirip itam

Tambah pautan
Wikipedia Minangkabau - Lubuak aka tapian ilimu
(Dialiahkan dari Hiu sirip hitam)
Hiu sirip itam
Klasifikasi ilmiah
Kingdom: Animalia
Phylum: Chordata
Class: Chondrichtyes
Order: Carcharhiniformes
Family: Carcharhinidae
Genus: Carcharhinus
Species: C.Limbatus
Hiu sirip itam
Status konservasi
Hampir terancam (id) Terjemahkan
Taksonomi
Tata namo
Sinonim takson
  • Carcharias abbreviatus Klunzinger, 1871
  • Carcharias aethalorus Jordan & Gilbert, 1882
  • Carcharias ehrenbergi Klunzinger, 1871
  • Carcharias maculipinna Günther, 1868
  • Carcharias microps Lowe, 1841
  • Carcharias muelleri Steindachner, 1867
  • Carcharias phorcys Jordan & Evermann, 1903
  • Carcharias pleurotaenia Bleeker, 1852
  • Carcharhinus natator Meek & Hildebrand, 1923

Ubah di Wikidata

Hiu sirip itam adolah sajinih lauak saparti hiu kabanyakan lainnyo, lauak iko marupoan hewan pamakan dagiang (karnivora).[lower-alpha 1] Lauak nan tamasuak ka dalam kaluarga Carcharhinidae iko mampunyoi namo latin Carcharhinus melanopterus. Lauak iko tasebar di babarapo nagara saparti pesisir dangka di Samudera Hindia jo Samudera pasifik, Afrika Selatan, Madagaskar, Semenanjung Arab, India, Maladewa, Asia Tenggara, Australia Utara, sarato Kepulauan Pasifik.Lauak iko iduik dan tasebar pado kadalaman 2 hinggo 10 meter. Lauak iko acok juo muncua di permukaan.Ciri utamo pado hiu iko adolah tadapek warna itam pado kaduo ujuang sirip nyo jo sirip pungguangnyo sarato di bawah paruiknyo.[2][3] Kaunikan hiu iko adolah katiko inyo mamangso mangsanyo inyo mambuek lompatan malingka diateh aia.[3] Hiu iko mamakan ikan batulang ketek saparti menhaden jo elasmobranch ketek saparti sarden, tongkol, kerapu, kakap, dll.[4][5]

Caro bakambang biak

[suntiang | suntiang sumber]

Babeda jo lauak hiu lainnyo nan bakambang biak sacaro ovovivipar (batalua jo malahiaan),[lower-alpha 2] hiu sirip itam iko bakambang sacaro vivipar (malahiaan).[lower-alpha 3] Maso manganduang lauak iko bakisar anataro 8 - 9 bulan dan anak nan dilahiaan bakisar 2 - 4 ikua. Katiko, lah gadang lauak iko bisa mamiliki ukuran badan sapanjang 180 cm jo barek 12,6 kg.[2] Katiko hiu batino nio malahiaan inyo pai ka muaro.[8] Salah satu akuarium di Parancih tapeknyo di Kota Paris, lauak iko bahasil di kambangkan di panangkaran.[9]

Morfologi jo bantuak badan

[suntiang | suntiang sumber]

Hiu sirip itam mampunyoi Ciri-ciri khas diantaronyo saparti

Bantuak badan

[suntiang | suntiang sumber]

Hiu itam Mampunyoi tando tando itam di bagian badannyo saparti di : kaduo sirip nyo, di sirip pungguangnyo, di bagian ikua bawah dan jo di bagian bawah paruik bawah. Tatapi, pado bagian sirip ikua nyo indak ado warna itam.[8]

Bantuak gigi

[suntiang | suntiang sumber]

Gigi rahang atas dan bawah hiu sirip itam mamiliki bantuak nan hampiang samo.bantuak rahanyo cukuik panjang, tagak, jo ujuangnyo sampik dasa nyo leba. Gigi rahang ateh bagerigi kasa dan gigi bawah bagerigi haluih jo canduang malangkuang ka dalam. Rahang ateh mamiliki gigi 15: 2: 15 jo di rahang bawah mamiliki hituangan gigi 15: 1: 15.[8]

Panjang badan hiu

[suntiang | suntiang sumber]

Panjang badan Hiu sirip itam nan paliang panjang iolah 255 cm. Hiu sirip itam katiko lahia mamiliki panjang 53 – 56 cm dan katiko alah gadang (dewasa) panjang nyo bisa mancapai 150 cm.[8]

Siklus iduik jo umua

[suntiang | suntiang sumber]

Umua hiu sirip itam nan parnah ditamukan paliang lamo adolah 10 tahun. Rato-rato umua nan jantan paliang lamo adolah sakitar 4-5 tahun dan batino nyo sakitar 6 - 7 tahun.[8] Katiko lauak iko manacari pasangannyo inyo nan jantan manggunoan indra panciumannyo untuak mangikuti si batino.[10]

Musim kawin

[suntiang | suntiang sumber]

Bulan November hinggo Bulan Maret adolah musim kawin bagi lauak iko. Batino pado lauak iko mamasuaki pariode kahamilannyo satalah malewati proses nifas nyo. Lamonyo pariode kahamilan lauak iko adolah sakitar 286-305 hari.

Data iko didapek satalah mangamati lauak hiu sirip itam nan ado di parairan Moorea, Polinesia Parancih.[11] Lauak iko indak tamasuak jinih ikan nan palala jauah, jangkauan rute lauak iko sakitar 10 km. Lauak iko ba imigrasi[lower-alpha 4][lower-alpha 4][lower-alpha 4][lower-alpha 4][lower-alpha 4][lower-alpha 4] hanyo ka antar pulau pulau sakitar sajo. Lauak iko acok ditamukan barami rami dalam kalompok.[5][13]

Habitat

[suntiang | suntiang sumber]

Hiu iko rato-rato iduik di perairan karang nan relatif dangka dan bakarang, hiu iko banyak ditamukan di perairan Indonesia tautamo di Papua. . Hiu iko suko di daerah nan tropis nan hangat jo daerah subtropis di suhu sakitar 15 - 24 derajat selsius .[5][14]

Galeri

[suntiang | suntiang sumber]

Foto

[suntiang | suntiang sumber]
  • Hiu sirip itam
    Hiu sirip itam
  • Hiu sirip itam
    Hiu sirip itam
  • Hiu sirip itam
    Hiu sirip itam

Video

[suntiang | suntiang sumber]
  • Hiu sirip itam

Catatan kaki

[suntiang | suntiang sumber]
  1. ↑ Hewan karnivora marupoan hewan pamakan dagiang dan sijinihnyo.[1]
  2. ↑ ovovivipar marupoan salah satu caro hewan bakambang biak jo caro batalua dan baranak, proses patamo yoitu embrio bakambang di dalam talua, dan talua tatok talatak di dalam badan induaknyo sampai talua manateh. Satalah talua manateh, individu (bayi) kalua dari badan induaknyo.[6]
  3. ↑ Vivipar adolah caro pakambangbiakan suatu makhluk iduik atau hewan jo caro pambuahan Sel jantan taadok sel talua batino di dalam badan induaknyo, kamudian maalami patumbuahan hinggo akhianyo dilahiakan dalam bantuak individu baru nan sijinih, Proses iko biaso disabuik jo malahiaan atau baranak.[7]
  4. ↑ papindahan dari suatu tampek ka tampek lain untuak manatok.[12]

Rujuakan

[suntiang | suntiang sumber]
  1. ↑ "Hewan Karnivora - Pengertian, Ciri, Contoh, dan Gambar". MateriBelajar.Co.Id (dalam bahasa Inggris). 2019-11-14. Diakses tanggal 2019-12-11. [pranala nonaktif permanen]
  2. ↑ a b "kkp.go.id". Diarsipkan dari versi asli tanggal 2019-11-15. 
  3. ↑ a b "Hiu Sirip Hitam (Blacktip Shark)". Save Sharks Indonesia (dalam bahasa Inggris). 2013-10-12. Diarsipkan dari versi asli tanggal 2019-12-11. Diakses tanggal 2019-12-11. 
  4. ↑ "www.researchgate.net". 
  5. ↑ a b c "Ikan Hiu Karang Blacktip Shark Sirip Hitam" (dalam bahasa Indonesia). Diarsipkan dari versi asli tanggal 2019-12-12. Diakses tanggal 2019-12-12. 
  6. ↑ Kurniawan, Aris (2019-06-24). "Hewan Ovovivipar". GuruPendidikan.Com (dalam bahasa Indonesia). Diakses tanggal 2019-12-09. 
  7. ↑ Setiawan, Samhis (2019-06-24). "Hewan Vivipar". GuruPendidikan.Com (dalam bahasa Indonesia). Diakses tanggal 2019-12-11. 
  8. ↑ a b c d e "Carcharhinus limbatus". Florida Museum (dalam bahasa Inggris). 2017-05-08. Diakses tanggal 2019-12-11. 
  9. ↑ Utami, Reuters/Ranny Virginia. "Ikan Hiu Sirip Hitam Dikembangbiakkan di Akuarium Paris". gaya hidup (dalam bahasa Inggris). Diakses tanggal 2019-12-12. 
  10. ↑ "Carcharhinus melanopterus summary page". FishBase (dalam bahasa Inggris). Diakses tanggal 2019-12-12. 
  11. ↑ "link.springer.com". 
  12. ↑ "Arti kata imigrasi - Kamus Besar Bahasa Indonesia (KBBI) Online". kbbi.web.id. Diakses tanggal 2019-12-12. 
  13. ↑ "Carcharhinus melanopterus". Florida Museum (dalam bahasa Inggris). 2017-05-08. Diakses tanggal 2019-12-12. 
  14. ↑ "Mengenal Hiu Karang Sirip Hitam yang Ditemukan Usai Banjir di Sentani". kumparan (dalam bahasa Indonesia). Diakses tanggal 2019-12-12. 
Diambiak dari "https://min.wikipedia.org/w/index.php?title=Hiu_sirip_itam&oldid=3154547"