Hendro Subroto

Dari Wikipedia baso Minang, ensiklopedia bebas
Jump to navigation Jump to search
Pakaian nan dipakai Hendro pado saat baku tembak di Bobonaro, Timor Timur, nan kini disimpan di Monumen Pers Nasional, Jakarta

Hendro Subroto (lahia di Surakarta, Hindia Balando, 18 Desember 1938 – maningga di Tangerang, Banten, Indonesia, 14 Oktober 2010 pado umua 71 taun) adolah surang wartawan parang senior Indonesia.

Karir[suntiang | suntiang sumber]

Hendro mangawali karirnyo pado tahun 1964 sabagai juru kamera di TVRI dan ikuik pandidiakan jurnalisme televisi di Tokyo, Japang.[1]

Liputan konflik partamonyo adolah di Sarawak, Malaysia, pado tahun yang samo. Babagai paristiwa pantiang nan dilipuiknyo diantoronyo:

  1. Operasi panumpasan DI/TII pimpinan Kahar Muzakkar di Sulawesi Tenggara, Januari hinggo Februari 1965,
  2. Pangangkatan mayik jenderal-jenderal nan manjadi korban G30S/PKI di Lubang Buayo pado 4 Oktober 1965,
  3. Lipuran pambarontakan PGRS/PARAKU di Kalimantan Barat, Organisasi Papua Merdeka di Papua Barat dan Gerakan Aceh Merdeka di Aceh.
  4. Parang Sudaro Kamboja, pambebasan tawanan parang Vietnam dan Parang Taluak di Kuwait.[1]

Tahun 1975, inyo malipuik integrasi Timor Timur ka Indonesia. Dalam suatu palawanan di Bobonaro, inyo tatembak di dada kanan ateh, ibu jari akann dan tasarempet paluru di pipi kanan. Baju nan dipakai Hendro pado saat panembakan tasabuik kini dipajang di Monumen Pers Nasional, Jakarta.[1]

Maningga[suntiang | suntiang sumber]

Hendro maningga satalah mangalami sasak angok di rumah sakik Qadr Islamic Village Karawaci, Tangerang, Banten, dan dimakamkan pado 16 Oktober 2010 di Pamakaman San Diego Hill, Karawang.[2]

Karya tulih[suntiang | suntiang sumber]

  • Subroto, H. (2005). Operasi udara di Timor Timur. Jakarta: Pustaka Sinar Harapan. OCLC 61667464
  • Subroto, H. (1996). Saksi mata perjuangan integrasi Timor Timur. Jakarta: Pustaka Sinar Harapan. OCLC 36835672
  • Subroto, H. (2009). Sintong Panjaitan, perjalanan seorang prajurit para komando. Jakarta: Penerbit Buku Kompas. OCLC 316327408
  • Subroto, H. (2007). Dewan revolusi PKI: Menguak kegagalannya mengkomuniskan Indonesia. Jakarta: Pustaka Sinar Harapan. OCLC 214321050
  • Subroto, H. (1998). Perjalanan seorang wartawan perang. Jakarta: Pustaka Sinar Harapan. OCLC 40551218

Rujuakan[suntiang | suntiang sumber]