Harimau Nan Salapan
Harimau Nan Salapan adolah sakalompok ulamo nan manantang pamahaman agamo jo pratek adaik. [1] Tapi hal iko batantangan jo katantuan Islam di abaik ka sambilan baleh yang ado di Minangkabau. Harimau nan salapan ko batugas untuak mambarasiahan umaik Islam nan berbaiat di Minangkabau.[2] Para ulama ko punyo sipaik dakwah nan kareh sahinggo manantang kagiatan khurafat, tahayul, bid'ah, sarato maminum minuman kareh, bajudi, jo manyabuang ayam. Dek karano hal tu, ulama ko diagiah gala "Harimau Nan Salapan". Ulama nan manjadi Hariman Nan Salapan itu tadiri dari, Tuanku di Kubu Sanang, Tuangku di Koto Laweh Tanah Data (Tuanku Mansiangan), Tuanku di Padang Lua, Tuanku di Galung, Tuanku di Koto Ambalau, Tuanku di Lubuk Aur, Tuanku di Bansa (Tuanku Nan Receh), Tuanku di Pandai Sikek (Haji Miskin). [1] Kadalapan Harimau Nan Salapan ko barado dalam pimpinan Tuanku Nan Receh nan indak mamarangi kaum adaik, labiah tapeknyo malawan masyarakaik nan alah manyimpang dari ajaran agamo Islam. [3]
Sajarah
[suntiang | suntiang sumber]Mulonyo kalompok barasa dek bapulangnyo Haji Miskin, Haji Sumanaik jo Haji Piobang dari tanah suci sambia mambaok paham Wahabi sarato ide pembaruan galombang patamo yang ado di Minangkabau. Usaho yang dilakuaan adolah untuak mailangan praktek agamo jo adaik yang indak sasuai jo Al-qur'an sarato hadis. Di antaro katigonyo, Haji Miskin adolah ulama nan acok nampak pado kagiatan mambaranteh panyimpangan umaik Islam di maso nan tu. Baliak dari tanah suci, Haji Miskin tingga di Batu Taba nan marupoan tampek baraja jo badakwah sabalumnyo. Tapi Haji Miskin mandapek palawanan sahinggo kahadiran Haji Miskin ndak di tarimo. Karano itu, Haji Miskin pindah ka Pandai Sikek nan dibantu dek panghulu Pandai Sikek Kuntjir Datuah Batuah sahinggo bisa mulai untuak badakwah. Taulang baliak, Haji Miskin kambali ditulak dek masyarakaik tarutamo dek pamuko adaik. Usaho salanjuiknyo, Haji Miskin pai ka Kamang, Agam nan dibantu dek Tuanku Nan Receh sahinggo Haji Miskin dapek mambaranteh kagiatan nan manantang agamo. Sasuai jo tujuan sabalumnyo, usaho yang dilakuan Haji Miskin ditarimo dek masayarakaik tasabuik. [1]
Mukasuik Dakwah
[suntiang | suntiang sumber]Harimau Nan Salapan ko maajak umaik Islam baliak ka ajaran yang tadapek di Al-qur'an jo hadis. Inti dakwahnyo adolah: mawajiban salaik limo waktu sahari samalam, ndak buliah marokok, makan siriah, maisok candu, jo bajudi. Hal tasbauik marupoan pabuatan nan dilarang dek agamo. Salain itu, Hariman Nan Salapan mamintak umaik Islam mamakai kain putiah sabagai tando kalau alah maanuik paham baru (Wahabiah), hal iko dijadikan juo sabagai pambeda jo nan lainnyo. nan dilakuan oleh Hariman Nan Salapan ko mandapek kritakan nan kareh dek ulama tradisional sahinggo pasataruan ko mambuek tajadinyo Parang Padri (1821-1837) [1]
Parang Padri
[suntiang | suntiang sumber]Kahadiran Harimau Nan Salapan mambuek kaum adaik ndak tingga diam, pasukan kaum adaik maadoan sambuang ayam di kampuang Batipuah , Sungai Pua nan tujuannyo unatuak manghino Harimau Nan Salapan. Ikolah yang mambuek tajadinyo Parang Padri. Mulonyo, parangko marupoan parang dunsanak antaro kaum adaik dengan kaum padri. Tapi sairiang bajalannyo wakatu, parangko mambuek kaduo golongan tasabuik samo-samo malawan Belanda. Malang nasibnyo, parangko dimanangan oleh Belanda dek dapek manangkok pamimpin Parang Padri, Tuangku Imam Bonjol, 1838. [4]
Rujuakan
[suntiang | suntiang sumber]- ↑ a b c d Abidin, Masoed (2005). Ensiklopedia Minangkabau. Pusat Pengkajian Islam dan Minangkabau.
- ↑ bpcbsumbar (2019-12-10). "Jejak Pemimpin Harimau Nan Salapan". Balai Pelestarian Cagar Budaya Sumatera Barat (dalam bahasa Inggris). Diarsipkan dari versi asli tanggal 2022-08-28. Diakses tanggal 2022-08-28.
- ↑ Rizal, Hatta (2021-08-07). "Wajib Tahu, Daftar Tokoh Harimau Nan Salapan pada Perang Padri". Kata Sumbar (dalam bahasa Indonesia). Diakses tanggal 2022-08-28.
- ↑ Media, Kompas Cyber (2022-07-16). "Harimau Nan Salapan, Puritan Pemimpin Kaum Padri Halaman all". KOMPAS.com (dalam bahasa Indonesia). Diakses tanggal 2022-08-28.