Harfendi
Harfendi adalah saurang Perwira tinggi TNI-AD dari Kecabangan Zeni sujak 29 Maret 2023 sabagai Koordinator Staf Ahli Panglimo TNI. Sabalum jadi perwira tinggi, beliau pernah manjabaik jadi Perwira Staf Ahli Tingkat III KSAD.[1]
Harfendi ko layia pado tanggal 12 Juni 1967 di Bukittinggi, anak katigo dari ampek basaudaro. Inyo anak dari B. Dt. Tan Gajah jo Pudi nan basuku Pili dari Pauh Pandam Gadang Ranggomalai, Tilatang Kamang, Agam.[1]
Riwayaik Pendidikan
[suntiang | suntiang sumber]Sasudah manampuah pendidikan dasar, Harfendi ko langsuang lanjuik ka Akademi Militer hinggo luluih dilantiak manjadi perwira muda jo pangkaik Letnan II (1989). Indak sampai disitu sajo,salamo batugaih manjadi perwira TNI beliau jugo ikuik babagai kursus jo pendidikan kedinasan,mulai dari Kursus Dasar Kecabangan Zeni (1990) sampai kapado S-2 Strategic Studies dakek Madras University, India.[1]
Riwayaik Karajo
[suntiang | suntiang sumber]Sabagai perwira TNI, Harfendi iko ko jugo pernah manjabaik di babagai kadudukan jo mandapek panugaihan mulai dari Aceh sampai ka Papua. Contohnyo, katiko masih bapangkaik pawira manangah,nan partamo inyo parnah dipacayo manjabaik Kasi Teritorial Koren 011/Lilawangsa (2004), nan tarakhir inyo manjadi Komandan Kodim 0105/Aceh Barat (2007).[1]
Dari Aceh, Harfendi ko pindah tugaih ka Papua. Dakek Papua inyo pernah manjadi Kapalo Staf Detasemen Zeni Konstruksi (2009-2012) jo manjadi Kazidam kamudian jadi Asisten Logistik Kasdam XVII/Cenderawasih (2012-2013). Dari Papua, inyo ditarik ka Mabes AD sabagai Padan IV/Faskon Slogad (2018),kamudian manjadi Wakil Asisten Logistik Kasad Bidang Renbinminlog (2020). Salanjuiknyo inyo naiak pangkaik jadi pawira tinggi bintang satu (2021-2022). Ahianyo pado tanggal 29 Maret 2023,Harfendi ko naiak pangkaik manjadi Koordinasi Staf Ahli (Korsahli) Panglima TNI Laksamana TNI Yudo Margono.[1]