Hagia Sophia

Wikipedia Minangkabau - Lubuak aka tapian ilimu
Hagia Sophia
Ayasofya (Turki)
Ἁγία Σοφία
Sancta Sophia (Latin)
Hagia Sophia Mars 2013.jpg
Hagia Sophia, Istanbul
Koordinat41°00′31″N 28°58′48″E / 41.008548°N 28.979938°E / 41.008548; 28.979938Koordinat: 41°00′31″N 28°58′48″E / 41.008548°N 28.979938°E / 41.008548; 28.979938
ParancangIsidore dari Miletus
Anthemius dari Tralles
Tipe
Panjang82 m (269 ft)
Leba73 m (240 ft)
Tinggi55 m (180 ft)
Konstruksi partamo532
Tanggal salasai537; 1485 tahun nan lalu (537)

Hagia Sophia atau Aya Sofya (dari Yunani Bizantium Yunani [aˈʝia soˈfia]; bahaso Latin: Sancta Sophia atau Sancta Sapientia; bahasa Arab: آيا صوفيا; "Kebijaksanaan Suci") adolah sabuah tampek ibadah di Istanbul, Republik Turki. Dari maso pambangunannyo pado tahun 537 M sampai 1453 M, bangunan iko marupoan katedral Ortodoks jo tampek kadudukan Patriark Ekumenis Konstantinopel[1], kacuali pado tahun 1204 sampai 1261, katiko tampek iko diubah dek Pasukan Salib Kaampek manjadi Katedral Katolik Roma di bawah kakuasaan Kakaisaran Latin Konstantinopel. Bangunan iko manjadi musajik mulai 29 Mei 1453 sampai 1931 pado maso kakuasaan Kesultanan Utsmani. Kamudian bangunan iko disekulerkan jo dibukak sabagai museum pado 1 Februari 1935 dek Republik Turki.[2] Namun manjadi musajik baliak pado Jumik, 10 Juli 2020 sasudah pangadilan Turki mamutuihan bahwasanyo konversi Hagia Sophia pado tahun 1934 manjadi museum adolah ilegal. Kaputusan iko mambukak jalan untuak baliak mangubah monumen tasabuik manjadi musajik.[3] Tanamo dek kubah gadangnyo, Hagia Sophia dipandang sabagai lambang arsitektur Bizantium jo dikecekan "alah mangubah sijarah arsitektur."[4] Bangunan iko tetap manjadi katedral nan gadang di dunia salamo hampia saribu tahun sampai Katedral Sevilla disalasaian pado tahun 1520.[5]

Sijarah[suntiang | suntiang sumber]

Bangunan nan kiniko awanyo dibangun sabagai sabuah gereja antaro tahun 532-537 ateh parintah Kaisar Romawi Timur Yustinianus I dan marupoan Gereja Kebijaksanaan Suci katigo nan dibangun di tanah nan samo, duo bangunan sabalumnyo alah hancua karano karusuahan. Bangunan iko didesain dek ahli ukua Yunani, Isidore dari Miletus jo Anthemius dari Tralles.[6]. Gereja iko dipasambahan kapado Kebijaksanaan Tuhan, sang Logos, pribadi kadua dari Trinitas Suci,[7] pesta paringatannyo diadoan satiok 25 Desember untuak mamparingati kalahiran dari inkarnasi Logos dalam diri Kristus.[7] Walaupun sasakali disabuik sabagai Sancta Sophia (saolah dinamai dari Santa Sophia), sophia sabananyo palafalan fonetis Latin dari kata Yunani untuak kabijaksanaan. Namo lengkapnyo dalam bahaso Yunani adolah Ναὸς τῆς Ἁγίας τοῦ Θεοῦ Σοφίας, Naos tēs Hagias tou Theou Sophias, "Tampek Paziarahan Kabijaksaan Suci Tuhan".[8][9]

Pado 1453 M, Konstantinopel ditaklukkan dek Utsmani di bawah kapamimpinan Sultan Mehmed II, nan kamudian mamarintahkan pangubahan gereja utamo Kristen Ortodoks manjadi musajik. Dikenal sabagai Aya Sofya dalam ejaan Turki, bangunan nan barado dalam kaadaan rusak iko maagaia kesan kuek pado panguaso Utsmani dan mamutuihan untuak mangubahnyo manjadi musajik.[10][11] Babagai lambang Kristen sarupo lonceng, gambar, jo mosaik nan manggambarkan Yesus, Maria, urang-urang suci Kristen, jo para malaikat ditutuik jo kain itam. Babagai atribut Keislaman sarupo mihrab, minbar, jo ampek menara, ditambahan. Aya Sofya tetap batahan sabagai musajik sampai tahun 1931 M. Kamudian bangunan iko ditutuik untuak umum dek pamarintah Republik Turki nan kamudian dibukak balaiak sabagai museum ampek tahun sasudahnyonyo pado 1935. Pado tahun 2014, Aya Sofya manjadi museum kadua di Turki nan paliang banyak dikunjungi, dikunjuangi hampir 3,3 juta wisatawan per tahun.[12] Manuruik data nan dikaluaan dek Kementerian Budaya dan Pariwisata Turki, Aya Sofya marupoan tampek di Turki nan paliang manarik pahatian wisatawan pado 2015. Dari pangubahan awa bangunan iko manjadi musajik sampai pambangunan Musajik Sultan Ahmed (disabuik juo jo Musajik Biru) pado 1616, Aya Sofya marupoan musajik utamo di Istanbul. Arsitektur Bizantium pado Aya Sofya mangilhami banyak musajik Utsmani, sarupo Musajik Biru, Musajik Şehzade (Musajik Pangeran), Musajik Süleymaniye, Musajik Rüstem Pasha, jo Musajik Kılıç Ali Pasha.[13]

Status bangunan[suntiang | suntiang sumber]

Gereja partamo[suntiang | suntiang sumber]

Gereja partamo nan dibangun pado tanah tasabuik disabuik juo sabagai Μεγάλη Ἐκκλησία (Megálē Ekklēsíā, "Gereja Agung"), atau dalam bahaso Latin "Magna Ecclesia",[14][15] dikaranoan ukuarannyo nan sangaik gadang bilo dibandiangan jo gereja katiko itu di kota Konstantinopel.[7] Gereja iko diresmian pado 15 Februari 360 pado maso pamerintahan Kaisar Konstantius II dek Uskup Arian, Eudoxius dari Antiokia, didirian di sabalah tampek istano kakaisaran dibangun. Gereja Hagia Eirene (sacaro harfiah bamakna "Kedamaian Suci") di dakeknyo alah disalasaian talabiah daulu sabalum Gereja Agung salasai. Kaduo gereja iko baparan sabagai gereja utamo dari Kakaisaran Romawi Timur.[16]

Menulih pado 440, Sokrates dari Konstantinopel mangklaim bahwasanyo gereja iko dibangun dek Konstantius II, nan mangarajoannyo pado tahun 346.[16] Tradisi nan indak labiah tuo dari abaik ka-7 malaporan bahwasanyo bangunan iko dibangun dek Konstantinus Agung.[16] Zonaras mandamaikan kaduo pandapek tasabuik, manulih bahwasanyo Konstantius alah mampabaiki bangunan nan alah dikuduskan dek Eusebius dari Nikomedia iko, sasudah karuntuahannyo.[16] Karano Eusebius manjadi uskup Konstantinopel pado 339-341, dan Konstantinus maningga pado 337, tampaknyo mungkin sajo bahwasanyo gereja partamo iko didirian dek Konstantinus.[16] Bangunan iko dibangun sabagai sabuah basilika bertiang Latin tradisional dengan babagai galeri jo atok kayu, didahului dengan sabuah atrium. Bangunan iko diklaim sabagai salah ciek monumen nan paling manonjol di dunia pado maso itu. Patriark Konstantinopel Yohanes Krisostomus talibaik pasaliasihan jo Parmaisuri Aelia Eudoxia, istri dek Kaisar Arcadius, nan kamudian diasingan pado 20 Juni 404. Pado karusuahan barikuiknyo, gereja partamo iko sabagian gadang tabaka. Indak ado nan tasiso dari gereja partamo iko.[16]

Gereja kaduo[suntiang | suntiang sumber]

Gereja kaduo diresmian pado 10 Oktober 415 ateh parintah Kaisar Theodosius II. Basilika iko punyo atok kayu nan dibangun dek arsitek banamo Rufinus. Pado maso Karusuahan Nika, gereja iko tabakar pado 13–14 Januari 532. Babarapo balok marmar dari gereja kadua iko salamaik sampai kiniko, babarapo di antaronyo adolah relief nan manggambarkan duo baleh domba nan mawakili dua belas rasul. Awalnyo bagian dari salah ciek pintu mungko monumental, balok-balok tu kiniko barado di lubang panggalian nan badakekan jo pintu masuak museum sasudah panamuan pado tahun 1935 di bawah halaman sisi barat dek A. M. Schneider. Panggalian barikuiknyo indak dilanjuikan karano takuik marusak kautuhan bangunan.[16]

Gereja katigo[suntiang | suntiang sumber]

Pado maso pandudukan Konstantinopel pado Parang Salib Kaampek, gereja iko dijarah sarato dinodai dek Tentara Salib, sabagaimano dijalehan dek sejarawan Bizantium Niketas Choniates. Pado maso pendudukan Latin di Konstantinopel (1204–1261), gereja iko barubah manjadi Katedral Katolik Roma. Baldwin I dimahkotai sabagai kaisar pado 16 Mei 1204 di Hagia Sophia, jo upacara nan pealaksanaannyo manggunoan adaik Bizantium. Enrico Dandolo, Doge Republik Venesia nan mamimpin pandudukan jo invasi tahadok Konstantinopel dek Tentara Salib Latin pado 1204, dimakamkan di dalam gereja iko. Makam nan alah taukia namonyo, nan manjadi bagian dari dekorasi lantai, diludahi dek banyak masyarakaik Romawi Timur nan marabuik baliak Konstantinopel pado tahun 1261 M. Namun, katiko restorasi nan dipimpin dek Fossati basaudara sapanjang tahun 1847–1849, muncua karaguan tahadok kaaslian makam doge tasabuik; tampaknyo labiah sarupo sabuah paringatan simbolis daripado situs pamakaman. Sasudah dirabuik baliak pado 1261 dek bangsa Bizantium, gereja iko dalam kaadaan bobrok. Pada 1317, Kaisar Andronikus II mamarintahkan agar ampek panopang (Πυραμὶδας, bahasa Yunani:"Piramídas") baru dibangun di sisi timur jo utara gereja, pambiayaannyo manggunoan warisan dari mandiang istrinyo, Irene. Kubah gereja mangalami karatakan sasudah gampo bumi bulan Oktober 1344, kamudian babarapo bagian bangunan runtuah pado 19 Mei 1346; alhasil gereja iko ditutuik sampai 1354 katiko pabaikan dilakuan dek arsitek-arsiteknyo, Astras jo Peralta. [17] [18]

Musajik[suntiang | suntiang sumber]

Sultan Mehmed Al Fatih basamo Patriark Gennadius II nan digambarkan pado mozaik abaik kaduo puluah

Konstantinopel ditaklukkan dek Utsmani pado 29 Mei 1453. Banyak catatan nan marekam kajadian tu, walaupun babarapo ditulih sakian lamo sasudah paristiwa tasabuik tajadi dan masiang-masiang manyatoan sabagai catatan nan mandakati aslinyo. Baiak Yunani, Italia, Slavia, Turki, jo Rusia, kasadonyo punyo versinyo masiang-masiang nan mungkin sulik untuak disatuan.[19] Salah satu versi cerita tersebut adalah yang ditulis sejarawan kontemporer Inggris bernama Steven Runciman yang dikenal karena bukunya yang berjudul A History of the Crusades.[20]

Sasudah panaklukan, Hagia Sophia, disabuik Aya Sofya dalam pelafalan Turki, diubah manjadi musajik kakaisaran. Walaupun baitu, kabaradoan Gereja Kristen Ortodoks tetap diakui, sabagaimano dalam sistem millet Utsmani nan mamberikan agamo non-Islam kewenangan khusus dalam mangatua urusan masiang-masiang. Gennadius Scholariuskamudian ditatapkan sabagai Patriark Konstantinopel partamo pado maso Utsmani, kamudian manatapkan kadudukannyo di Gereja Rasul Suci, nan kamudian bapindah ka Gereja Pammakaristos.[21] [22]

Pondok Sultan (Sultan Mahfili) di bagian dalam Aya Sofya, tampek sultan malakuan shalat jamaah tanpa dikatahui jamaah lain

Pado abaik kaanam baleh, Sultan Suleiman Al Kanuni mambawo duo batang lilin kuno dari panaklukannya ateh Hungaria dan ditampekkan mangapik mihrab. Pado maso Selim II, dikaranoan mulai manunjuakan tando-tando karapuahan, Aya Sofya dipakuek jo dukungan struktural untuak bagian lua. Proyek iko dikapaloi arsitek Utsmani katiko itu, Mimar Sinan, nan tanamo juo sabagai salah ciek insinyur gampo partamo di dunia.[23] Untuak mampakuek struktur basijarah Bizantium iko, Sinan mambangun duo menara gadang di baraik yang awanyo ruang khusus sultan, jo türbe (bangunan untuak makam di Turki) untuak makam Selim II di tenggara bangunan pado 1576-7 M / 984 H.[17] Salain itu, lambang bulan sabit ameh dipasang di ateh kubah.[17] Kamudian, makam iko manjadi makam dek 43 pangeran Utsmani.[17] Pado 1594 M / 1004 H Mimar (kapalo arsitek) Davud Ağa mambangun makam Murad III (1574–1595), tampek sultan jo pamaisurinyo, Safiye Sultan, putra, jo putri nyo dikabumikan.[17] Bangunan makam persegi dalapan putra nyo Mehmed III (1595–1603) dibangun arsitek kakaisaran Dalgiç Mehmet Aĝa pado 1608 / 1017 H. Di bangunan iko, dimakamkan pulo Handan Sultan, selir Mehmed III nan manjadi ibu suri dek putra mereka Ahmed I. Dimakamkan pulo putra jo putri Ahmed I, putri dari Murad III, jo putra sultan lainnyo.[24] Putranya yang lain, Mustafa I (1617–1618; 1622–1623), mengubah bekas ruang untuk pembaptisan menjadi türbe-nya.[24]

Museum[suntiang | suntiang sumber]

Sebuah mozaik Yesus di Hagia Sophia

Kasultanan Utsmani runtuah pado November 1922 M kamudian digantikan dek Republik Sekuler Turki. Presiden partamonyo, Mustafa Kemal Atatürk mamarintahkan panutupan Aya Sofya pado 1931 M untuak umum, dan dibukak ampek tahun kamudian pado 1935 M sabagai museum. Karpet untuak ibadah shalat dihilangkan, plester jo cat-cat kaligrafi dikalupehan, manampakkan baliak lukisan-lukisan Kristen nan tatutupi salamo limo abaik. Sajak maso itu, Aya Sofya dijadian salah ciek objek wisata terkenal dek pamarintah Turki di Istambul. Panggunoan Aya Sofya sabagai tampek ibadah dilarang kareh dek pamarintah Turki nan bahaluan sekuler.[25] Namun parintah itu malunak katiko pado 2006, pamarintah Turki mangizinkan alokasi khusus untuak sabuah ruangan doa Kristen jo museum Muslim staf dan sajak tahun 2013,[26] muazin mangumandangkan adzan dari menara museum duo kali katiko siang hari.[27]

Baliak manjadi musajik[suntiang | suntiang sumber]

Pado suatu kampanye Partai Keadilan dan Pembangunan (AKP, Presiden Turki Recep Tayyip Erdogan manjanjikan untuak mangambalian fungsi Aya Sofia sabagai musajik, sasuai jo usulan dan kainginan rakyat Turki (27/03/2019). Manganai kacaman jo protes dari babagai pihak ateh parubahan fungsi Aya Sofia, Presiden Erdogan mambandingkan peristiwa nan tajadi indak lamo sabalumnyo, yaitu serangan nan manargetkan Musajik Al Aqsha di Yerussalem dan pihak lain hanyo diam, baaitu pulo jiko Aya Sofia manjadi musajik saharusnyo pihak lain cukuik diam, indak paralu malayangkan protes jo kecaman.[28][29][30]

Pado Bulan Juni 2020, babarapo Uskup Katolik di Turki jo tokoh-tokoh Katolik Roma manyatoan dukuangan sacaro indak langsuang tahadok kaputusan pamerintah Turki ateh status Aya Sofia. Manuruik inyo, Pamarintah Turki mampunyoi kadaulatan untuak manantuan eksistensi dan status Aya Sofia. Sadangkan Patriarki Armenia mandukuang kaputusan pamarintah disaratoi jo harapan agar salain dialiah-fungsikan sabagai musajik, pado bagian tatantu di Aya Sofia disadioan ruangan untuak tampek baibadah umaik Kristen. Hal tasabuik dimaksudkan untuak manunjukkan pasan padamaian, toleransi, jo hubungan nan labiah arek antaro Islam jo Kristen[31].

Akhianyo pado tanggal 10 Juli 2020, Pangadilan tinggi Turki mambatalkan kaputusan 1943 nan mangubah status Aya Sofia manjadi museum. Sairiang jon kaputusan tasabuik, pado tanggal nan samo Presiden Turki Recep Tayyip Erdogan mangaluakan dekrit nan barisi "Hagia Sophia baliak ka fungsinyo samulo sabagai tampek ibadah umaik Islam. Ibadah partamo dapek dilakuan mulai 24 Juli 2020.".. Meskipun alah baraliah-fungsi sabagai musajik, Aya Sofia tetap tabukak untuak umum nan nio bakunjuang ka Aya Sofia.[32][33][34][35]

Rujuakan[suntiang | suntiang sumber]

  1. ↑ Müller-Wiener (1977), p. 112.
  2. ↑ Magdalino, Paul, et al. "Istanbul: Buildings, Hagia Sophia" in Grove Art Online. Oxford Art Online. http://www.oxfordartonline.com. accessed 24 November 2020.
  3. ↑ https://www.npc.or.id/pengadilan-turki-putuskan-hagia-sophia-kembali-menjadi-masjid/.  Tidak memiliki atau tanpa |title= (bantuan)
  4. ↑ Simons, Marlise (22 August 1993). "Center of Ottoman Power". New York Times. Diakses tanggal 24 November 2020. 
  5. ↑ Fazio, Michael; Moffett, Marian; Wodehouse, Lawrence (2009). Buildings Across Time (edisi ke-3rd). McGraw-Hill Higher Education. ISBN 978-0-07-305304-2. 
  6. ↑ Kleiner, Fred S.; Christin J. Mamiya (2008). Gardner's Art Through the Ages: Volume I, Chapters 1–18 (edisi ke-12th). Mason, OH: Wadsworth. p. 329. ISBN 0-495-46740-5. 
  7. ↑ a b c Janin (1953), p. 471.
  8. ↑ McKenzie, Steven L. (1998). The Hebrew Bible Today: An Introduction to Critical Issues. M. Patrick Graham. Louisville, KY: Westminster John Knox Press. p. 149. ISBN 0-664-25652-X. https://books.google.com/books?id=owwhpmIVgSAC&pg=PA149&dq=%22Jesus+Christ+as+the+Holy+Wisdom+of+God%22#v=onepage&=%22Jesus%20Christ%20as%20the%20Holy%20Wisdom%20of%20God%22&f=false. 
  9. ↑ Binns, John (2002). An Introduction to the Christian Orthodox Churches. Cambridge: Cambridge University Press. p. 57. ISBN 0-521-66738-0. https://books.google.com/books?id=MOA5vfSl3dwC&pg=PA57&dq=%22Its+dedication+to+the+Wisdom+of+God+identified+it+with+Christ%22#v=onepage&q=%22Its%20dedication%20to%20the%20Wisdom%20of%20God%20identified%20it%20with%20Christ%22&f=false. 
  10. ↑ [1]." LiveScience.
  11. ↑ "Hagia Sophia Archived 2009-01-05 di Wayback Machine.." ArchNet.
  12. ↑ "Top 10: Turkey's most visited museums". Hürriyet Daily News. 10 November 2014. 
  13. ↑ "Hagia Sophia still Istanbul's top tourist attraction". hurriyet. 
  14. ↑ Müller-Wiener (1977), p. 84.
  15. ↑ Alessandro E. FONI; George PAPAGIANNAKIS; Nadia MAGNENAT-THALMANN. "Virtual Hagia Sophia: Restitution, Visualization and Virtual Life Simulation" (PDF). Diarsipkan dari versi asli (PDF) tanggal 9 July 2007. Diakses tanggal 24 November 2020. 
  16. ↑ a b c d e f g Janin (1953), p. 472.
  17. ↑ a b c d e Müller-Wiener (1977), p. 91.
  18. ↑ "Hagia Sophia". Teslasociety.com. Diakses tanggal 24 November 2020. 
  19. ↑ "The Fall of Constantinople", History Today
  20. ↑ Mark K. Vaughn, review of Tyerman, God's War: A New History of the Crusades, in Naval War College Review (2007), 60#2, p. 159
  21. ↑ Encyclopedia Britannica online, Eastern Orthodoxy (Christianity)
  22. ↑ Müller-Wiener, Wolfgang (1977). Bildlexikon zur Topographie Istanbuls: Byzantion, Konstantinupolis, Istanbul bis zum Beginn d. 17 Jh. (in German). Tübingen: Wasmuth. ISBN 978-3-8030-1022-3, 406
  23. ↑ Mungan, I. (2004). Hagia Sophia and Mimar Sinan. Mungan & Wittek (eds); Taylor & Francis Group, London. pp. 383–384. ISBN 90-5809-642-4. https://books.google.com/books?id=6j5nuvAd44QC&pg=PA383&dq=Sinan+earthquake+%22Hagia+Sophia%22#PPA383,M1. 
  24. ↑ a b Müller-Wiener (1977), p. 93.
  25. ↑ "Ýstanbul Tanýtýmý - Ayasofya Müzesi". Istanbul.gov.tr. Diarsipkan dari versi asli tanggal 24 January 2012. Diakses tanggal 24 November 2020. 
  26. ↑ İbadete açık Ayasofya Templat:Tr icon
  27. ↑ "Ayasofya'da ezan okunuyor, duydunuz mu?". Timeturk. Diakses tanggal 24 November 2020. 
  28. ↑ Media, Kompas Cyber. "Erdogan: Waktunya Telah Tiba Mengembalikan Hagia Sophia sebagai Masjid". KOMPAS.com (dalam bahasa Indonesia). Diakses tanggal 2020-11-24. 
  29. ↑ "Presiden Turki Berniat Buat Hagia Sophia Kembali Jadi Masjid". internasional (dalam bahasa Indonesia). Diakses tanggal 2020-11-24. 
  30. ↑ Media, Kompas Cyber. "Erdogan Bisa Kembalikan Hagia Sophia sebagai Masjid". KOMPAS.com (dalam bahasa Indonesia). Diakses tanggal 2020-11-24. 
  31. ↑ "Uskup Katolik: Hagia Sophia Sepenuhnya Hak Turki". Republika Online (dalam bahasa Indonesia). 2020-06-26. Diakses tanggal 2020-11-24. 
  32. ↑ "https://twitter.com/rterdogan/status/1281589428469760000?". Twitter (dalam bahasa Indonesia). Diakses tanggal 2020-11-24.  Hapus pranala luar di parameter |title= (bantuan)
  33. ↑ "Turkey Converts Istanbul's Iconic Hagia Sophia Back Into A Mosque". NPR.org (dalam bahasa Inggris). Diakses tanggal 2020-11-24. 
  34. ↑ "Turkey turns iconic Istanbul museum into mosque". BBC News (dalam bahasa Inggris). 2020-07-10. Diakses tanggal 2020-11-24. 
  35. ↑ Pos, Riau (2020-07-12). "Turki Putuskan Hagia Sophia Jadi Masjid". RiauPos.co (dalam bahasa Indonesia). Diakses tanggal 2020-11-24. 
Diambiak dari "https://min.wikipedia.org/w/index.php?title=Hagia_Sophia&oldid=2463855"