Gusman Gaus
| Biografi |
|---|
Drs. H. Gusman Gaus (lahia 3 Desember 1938 – maningga 16 Mei 2000 pado umua 61 taun - ) adolah surang pengusaha, aktivis Islam jo dosen Indonesia nan barasa dari Kota Bukittinggi, Sumatera Barat. Inyo pernah dipicayo sabagai Rektor Universitas Muhammadiyah Sumatera Barat (UMSB), Padang, Sumatera barat. Gusman manjabaik jabatan rektor sajak taun 1984, sasudah mancapai jabatan sabalunnyo, M Zen Djamil S.H. pado taun 1987, inyo digantikan dek Prof. H. Azmi, MA, Ph.D.[1] Gusman Gaus marupokan salah surang tokoh takamuka di Sumatera Barat. Inyo alah aktif dalam babagai organisasi sabagai penguruih teras, di antaronyo di Kadin Sumatera Barat, Wakil Ketua Orwil ICMI Sumatera barat, Ketua Orsat ICMI Kota Padang sarato Pengurus Wilayah Muhammadiah Sumatera Utara jo babagai kagiatan lainnyo.
Kahidupan awal jo pandidiakan
[suntiang | suntiang sumber]Gusman Gaus dilayiek di Bukittinggi, Sumatera Barat, pado tanggal 3 Desember 1938. Kaluarganyo adolah padagang nan barasa dari Guguak, Kacamatan IV Koto, Kabupaten Agam.[2] Salah saurang dunsanaknyo adolah Guspardi Gaus, anggota Dewan Perwakilan Rakyat Republik Indonesia sajak 2019.[3][4]
Gusman mampunyoi pandidikan di SD Padang (1951) jo SMP Padang (1954). Salamo SMA inyo lah manjadi karyawan Toko Mas Haji Kamili di Padang. Inyo manjalehan pandidikan SMA Yogyakarta (1958). Inyo sempat malanjuin pandidikannyo ka Fakultas Ekonomi Universitas Indonesia, tapi indak salasai dek karano diundang pulang dek tajadinyo paristiwa Pamarintahan Revolusioner Republik Indonesia.[4] Baru pado taun 1969 inyo berhasil manampuah pandidikan Sarjana Ekonomi (Drs.) dari Fakultas Ekonomi Universitas Andalan (FE Unand).[2]
Karir
[suntiang | suntiang sumber]Sataun sasudah tamat SMA, Gusman managakkan Toko Emas Gumarang di Padang Panjang. Pado taun 1962, inyo managakkanToko Emas Banda Pulai di Padang. Salain itu, salapan taun sasudah itu, inyo managakkan sabuah Toko Mas di Padang. Inyo juo sempat manjadi dosen luar biasa di FE Unand antaro 1971 sampai 1974.[2] Pado taun 1974, Gusman mandirian jo manjabat Direktur Akademi Manajemen jo Akuntansi (AMA) Muhammadiyah Sumatera Barat. Akademi iko maningkek statusnyo manjadi Sekolah Tinggi Ilmu Ekonomi dan digabungkan manjadi Fakultas Ekonomi Universitas Muhammadiyah Sumatera Barat (FE UMSB). Pado taun 1984 sampai 1987, inyo manjabaik Dekan FE UMSB samantaro manjabat Rektor UMSB. Dalam periode tu, inyo juo manjadi Wakil Ketua Badan Musyawarah Perguruan Tinggi Islam Swasta Wilayah Sumatra.[2]
Walaupun aktif muaja di kampus, Gusman tatap manjadi pengusaha. Inyo manjabat Direktur PT Karya Gembala, Padang (1975-1989), Direktur PT Samudra Bina Upaya, Padang (1981- 1984), jo PT Khage Lestari Timber.[2] Gusman marintis jo mandorong karajosamo antaro Perkorporasi Pamarintahan Pembangunan Ekonomi Negeri Johor (PKENJ) Malaysia jo Pamarintahan Provinsi Sumatra Barat (Pemprov Sumbar) jo babarapo swasta nasional sajak 1993. Pado akhia taun 1994, ditamui untuak pambangunan kawasan industri Padang. Gusman manjabaik sabagai Komisaris PT Andalas Rekasindo Pratama nan marupoan patungan PKENJ, Pemprov Sumbar, jo swasta nasional.[2]
Aktivisme
[suntiang | suntiang sumber]Gusman Gaus pernah manjabaik Wakia Katua Pimpinan Wilayah (PW) Muhammadiah Sumatera Barat. Inyo juo manjadi Koordinator Pendidikan jo Budaya PW Muhammadiyah Sumatera Barat periode 1990-1995. Pado taun 1994, inyo managakkan Yayasan Amal Bakti Mukmin Indonesia (Albani) nan mamimpin STMIK Indonesia Padang. Pado 1991, inyo bagabuang manjadi Dewan Pakaryo Ikatan Cendekiawan Muslim Indonesia (ICMI) Organisasi Wilayah Sumatera Barat. Pado 1995, inyo dipiliah sabagai Ketua ICMI Kota Padang.[2]
Wafat
[suntiang | suntiang sumber]Gusman Gaus maningga sasudah sakik jo mandapek perawatan di sabuah rumah sakit nan paliang elok di Singapura pado 16 Mei 2000 pado umur 61 taun.[4][4]
Kahidupan pribadi
[suntiang | suntiang sumber]Gusman Gaus babini jo surang padusi banamo Janimar Kamili jo alah dikaruniai dek ampek baleh anak. Salah surang anaknyo juo manjadi pengusaha jo politikus, iyolah Irman Gusman, nan dikenal sabagai Ketua Dewan Perwakilan Daerah Republik Indonesia periode 2009-2014 jo 2014-2016.
Pautan lua
[suntiang | suntiang sumber]"Biografi Irman Gusman" Archived 2013-05-27 di Wayback Machine. Tokoh Indonesia.
Rujuakan
[suntiang | suntiang sumber]- ↑ "Salinan arsip". Diarsipkan dari versi asli tanggal 2023-04-02. Diakses tanggal 2023-12-31.
- ↑ a b c d e f g (dalam bahaso id) Profil Tokoh, Aktivis, dan Pemuka Masyarakat Minang. Permo Promotion. 28 Nopember 1995. pp. 197–199. ISBN 978-979-8931-00-0. https://books.google.com/books?id=5IhwAAAAMAAJ&pg=PA197. Diakses pado 31 Desember 2023.
- ↑ "Salinan arsip". Diarsipkan dari versi asli tanggal 2020-06-09. Diakses tanggal 2023-12-31.
- ↑ a b c d "Salinan arsip". Diarsipkan dari versi asli tanggal 2022-11-20. Diakses tanggal 2023-12-31.