Pajak

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Pajak (dari bahaso Latin taxo; "rate") adolah kontribusi wajib kapado negara nan tautang dek urang pribadi atau badan nan basipaik mamaso badasakan Undang-Undang, dengan indak mandapekan imbalan sacaro langsung dan digunoan untuak kaparluan negara nan kamudian dipagunoan sagadang-gadangnyo untuak kamakmuran rakyaik.[1] Manuruik Charles E.McLure, pajak adolah kawajiban finansial atau retribusi nan dikanaikan tahadok wajib pajak (urang pribadi atau Badan) dek Negara atau institusi nan fungsinyo samo jo negara nan digunoan untuak mambiayai babagai macam pangaluaran publik.[2] Pajak dipunguik badasarkan norma-norma hukum untuak manutuik biaya produksi barang jo jaso kolektif untuak mancapai kasajahteraan umum. Panolakan untuak mambayia, panghindaran, atau palawanan tahadok pajak pado umumnyo tamasuak palanggaran hukum. Pajak tadiri dari pajak langsuang atau pajak indak langsuang dan dapek dibayaian dengan pitih ataupun karajo nan nilainyo samorato. Babarapo negara samo sakali indak manganaikan pajak, misalnyo Uni Emirat Arab.[3] Lembaga Pamarintah nan mangalola perpajakan negara di Indonesia adolah Direktorat Jenderal Pajak (DJP) nan marupoan salah ciek direktorat jenderal nan ado di bawah naungan Kementerian Keuangan Republik Indonesia.[4]

Unsur-unsur pajak[suntiang | suntiang sumber]

Subjek pajak atau wajib pajak[suntiang | suntiang sumber]

Subjek pajak marupoan unsur nan partamo. Di dalamnyo tadapek urang jo lembago nan tingga di dalam ciek negara nan menjadian pajak sabagai bantuk kawajiban para warganyo. Disabuik unsur nan partamo karano tanpa subjek pajak, indak mungkin ado pajak nan harus dibayiaan. Karano nan akan mambayia sajo indak ado. Kalazimannyo mamang demikian. Bahkan nan dikanaian beban pajak adolah urang atau lembago bukan benda atau jaso. Karano alasan ikolah, subjek pajak harus ado di dalam sistem papajakan. Jadinyo, satiok urang atau lembago harus mambayia pajak ka negara sasuai jo undang-undang sarato wajib pajak harus mampunyoi NPWP.[5]

Objek pajak[suntiang | suntiang sumber]

Objek pajak adolah sagalo sasuatu nan manuruik Undang-Undang dijadian dasa atau sasaran pamungutan pajak. Aratinyo objek pajak marupoan produk, benda atau layanan nan harus dibayaian pajaknyo. Jiko sasaurang mampunyoi bangunan jo tanahnyo. Mako dari bangunan jo tanah tasabuik, urang tasabuik harus mambayia pajaknyo kapado pamarintah. Namonyo adolah pajak bumi dan bangunan (PBB). Jadi, bangunan ikolah nan disabuik objek pajak. Baaitu pulo jo barang lainnyo tamasuak kandaraan.[5]

Tarif pajak[suntiang | suntiang sumber]

Tarif pajak adolah dasa panganaan pajak tahadok objek pajak nan manjadi tangguangannyo. Tarif pajak biasonya barupo persentase (%). Rumus persentase ko aratinyo, wajib pajak mambayia pajak babarapo persen sajo dari harago produk atau layanan nan dimilikinyo.[5]

Jinih-jinih pajak[suntiang | suntiang sumber]

Pajak panghasilan (PPh)[suntiang | suntiang sumber]

PPh adolah pajak nan dikanaikan kapado urang pribadi atau badan ateh panghasilan nan ditarimo atau didapek dalam suatu Tahun Pajak.[6]

Pajak patambahan nilai (PPN)[suntiang | suntiang sumber]

PPN adolah pajak nan dikanaian ateh konsumsi Barang Kanai Pajak atau Jaso Kanai Pajak di dalam Daerah Pabean (dalam wilayah Indonesia). Urang Pribadi, parusahaan, maupun pamarintah nan mangkonsumsi Barang Kanai Pajak atau Jaso Kanai Pajak dikenakan PPN.[6]

Pajak panjualan ateh barang mewah (PPnBM)[suntiang | suntiang sumber]

Salain dikanaian PPN, ateh pangkonsumsian Barang Kenai Pajak tatantu nan tagolong mewah, dikanaian juo PPnBM. Nan tamasuak dalam pajak ko iolah indak marupoan barang kabutuhan pokok sarato barang nan dipakai dek hanyo masyarakaik ba panghasilan tinggi.[6]

Bea materai[suntiang | suntiang sumber]

Bea Meterai adolah pajak nan dikanaian ateh pamanfaatan dokumen, sarupo surek pajanjian, akta notaris, sarato kwitansi pambayaran, surek baharago, jo efek, nan mamuek jumlah pitih atau nominal diateh jumlah tatantu sasuai pulo jo katantuan.[6]

Pajak bumi dan bangunan (PBB)[suntiang | suntiang sumber]

PBB adolah pajak nan dikanaian ateh kapamilikan atau pamanfaatan tanah dan atau bangunan. PBB marupoan Pajak Pusat namun damikian hampia saluruah realisasi panarimoan PBB diserahan kapado Pamarintah Daerah baiak Propinsi maupun Kabupaten/Kota.[6]

Rujuakan[suntiang | suntiang sumber]

  1. "Peraturan | Ortax - your center of excellence in taxation". Ortax.org (dalam bahasa Inggris). Diakses tanggal 2019-12-03. 
  2. Charles E. McLure, Jr. "Taxation". Britannica. Diakses tanggal 22 April 2021. 
  3. "2013-2014 The worldwide personal tax guide United Arab Emirates". Ernst & Young. Diakses tanggal 22 April 2021. 
  4. "Sejarah Pengelolaan Keuangan Indonesia". Kementerian Keuangan RI. Diakses tanggal April 2020. 
  5. a b c "Pajak". Rumah Belajar Untuk Semua. Kementerian Pendidikan dan Kebudayaan. Diakses tanggal 22 April 2021. 
  6. a b c d e "Jenis Pajak Pusat | Direktorat Jenderal Pajak". www.pajak.go.id. Diakses tanggal 2021-04-22.