Gulai tunjang

Gulai tunjang adolah masakan nan barasa dari Sumatera Barat. Bahan-bahan utamo nan dipakai iyolah kaki jawi, aia, jo santan. Bumbu nan dialuihan adolah bawang sirah , bawang putih, lado sirah karitiang, kunyik, langkueh, kamiri, jo garam. Salain bumbu nan dialuihan tu, masih ado bumbu nan indak dialuihan iyolah daun kunyik, daun limau puruik, asam kandih, jo batang sarai.

Caro mambuek

Caro mambuek gulai tunjang ko adolah partamo-tamo lapehan bagian tunjang dari tulang, sudahtu di basuahbarasiah-rasiah, abuih aia sampai mandidih, sudahtu masukan tunjang, jarangan sampai ampuak, angkek sudahtu kariangan. Nan kaduo karek tunjang ko jo ukuran salero, sudahtu sisiahan. Nan katigo campuan santan jo bumbu nan alah dialuihan tadi jo bumbu nan indak dialuihan tadi ka dalam kuali, jarangan sampai mandidih. Nan kaampek masuakan tunjang, jarangan jo api ketek sampai santan mangental, angkek, sudahtu siap untuak dimakan.