Gulai ikan nila
 Gulai ikan nila jo kacang panjang | |
| Asa | |
|---|---|
| Namo lain | Gulai kapalo nila |
| Nagara | Indonesia |
| Daerah | Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Ikan nila, santan karambia, lado, bumbu |
| Variasi | Gulai ikan nila sirah |
Gulai ikan nila adolah jinih masakan bakuah dari santan nan dicampua jo ikan nila. Gulai ikan nila ko acok dijua di rumah makan padang atau kadai nasi. Salain ikan nila, gulai ko ado pulo nan mancampuannyo jo kacang panjang sarato taruang. Biasonyo kuah gulai ikan nila ko bawarna kuniang dek diagiah kunyik, namun ado pulo nan mambueknyo bakuah agak sirah. Lamo pambuatan masakan ko kurang labiah 45 minik.[1]
Caro mambuek[suntiang | suntiang sumber]
Bahan-bahan pambuek gulai ikan nila adolah ikan nila, kacang panjang, santan, kunyik, langkuweh, sarai, asam kandih, jo garam. Untuak bumbu aluihnyo tadiri dari lado merah, lado kutu, bawang merah, bawang putih, kunyik, jo sipadeh. Sabalun dimasak, ikan nila dibarasiahan jo dipotong. Masuakan santan, bumbu aluih, sarai, daun kunyik, langkueh, asam kandih, jo garam ka kauali. Bahan-bahan tadi tu dimasak sambia dikacau supayo santannyo indak pacah. Kalau santan alah angek, masuakan kacang panjang sambia dikacau taruih. Kalau alah manggalagak, masuakan ikan, kacau lambek-lambek supayo ikan indak ancua sampai masak.[2][3]
Rujuakan[suntiang | suntiang sumber]
- ↑ WS, Odilia. "Resep Ikan Nila Kuah Kuning yang Gurih Segar". detikfood. Diakses tanggal 2021-06-07.
- ↑ "Gulai Ikan Nila Kacang Panjang - Padang - Sumatera Barat » Budaya Indonesia". budaya-indonesia.org. Diakses tanggal 2021-06-07.
- ↑ Nuraini0109. "Resep Ikan: Gulai Nila Merah". detikfood. Diakses tanggal 2021-06-07.